រាជធនីភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ កាលពីព្រឹកថ្ងៃទី២៩ វិច្ឆិកា បានបើកសវនាការជំនុំជម្រះមុនអង្គសេចក្តីលើសំណុំរឿង ញុះញង់ឲ្យប្រព្រឹត្តបទឧក្រិដ្ឋជាអាទិ៍ ដែលសំណុំរឿងនេះ ត្រូវបានមេធាវីការពារក្តីឲ្យជនជាប់ចោទ ដាក់ពាក្យស្នើសុំឲ្យកូនក្តីនៅក្រៅឃុំជាបណ្តោះអាសន្ន…
រាជធនីភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ កាលពីព្រឹកថ្ងៃទី២៩ វិច្ឆិកា បានបើកសវនាការជំនុំជម្រះមុនអង្គសេចក្តីលើសំណុំរឿង ញុះញង់ឲ្យប្រព្រឹត្តបទឧក្រិដ្ឋជាអាទិ៍ ដែលសំណុំរឿងនេះ ត្រូវបានមេធាវីការពារក្តីឲ្យជនជាប់ចោទ ដាក់ពាក្យស្នើសុំឲ្យកូនក្តីនៅក្រៅឃុំជាបណ្តោះអាសន្ន ។
អង្គសវនាការត្រូវបានបញ្ចប់នឹងបានប្រកាសសាលក្រសម្រេច ធ្វើការដោះលែងជនជាប់ចោទឈ្មោះ គង់ រ៉ៃយ៉ា ភេទប្រុស អាយុ៣២ឆ្នាំ ឲ្យនៅក្រៅឃុំបណ្តោះអាសន្ន តែតម្រូវដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ដើម្បីរង់ចាំជំនុំជម្រះលើអង្គសេក្តីពេលក្រោយ ។
គួរបញ្ជាក់ថា កាលពីថ្ងៃទី១១ កក្កដា ឆ្នាំ២០១៩ លោក រៀល សុភិន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានធ្វើការចោទប្រកាន់ជនជាប់សង្ស័យឈ្មោះ គង់ រ៉ៃយ៉ា ពីបទ.ញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា៤៩៤ និង មាត្រា៤៩៥ នៃក្រមព្រហ្មទណ្ឌ ពាក់ពន្ធករណីប្រកាសលក់អាវយឺតមានរូបលោកបណ្ឌិត កែម ឡី ដែលមានខ្លឹមសារថា «បេីអ្នកមិនធ្វើអ្វីសោះក៏គង់តែរងគ្រោះដែរ គ្រាន់តែមិនទាន់ដល់វេនអ្នកប៉ុណ្ណោះ» ។ ក្រោយពីតំណាងអយ្យការបានធ្វើការចោទប្រកាន់ ជនសង្ស័យជាផ្លូវការហើយ សំណុំរឿងនេះបានចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួនដាក់ពន្ធនាគារជាបណ្តោះអាសន្ន ។
គួរបញ្ជាក់ថា កន្លងមក ជនសង្ស័យឈ្មោះ គង់ រ៉ៃយ៉ា ធ្លាប់ត្រូវបានតុលាការផ្តន្ទាទោសដាក់ពន្ធនាគារកំណត់១ ឆ្នាំ ៦ខែ ម្តងហើយ ពីបទ.ញុះញង់ឲ្យប្រព្រឹត្តបទឧក្រិដ្ឋជាអាទិ៍ ពាក់ពន្ធករណីបង្ហោះសារតាមបណ្តាញសង្គមហ្វេសប៊ុក ដែលមានខ្លឹមសារប្រកាសធ្វើបដិវត្តប្រឆាំងរាជរដ្ឋាភិបាលស្របច្បាប់ ។
ពាក់ព័ន្ធការចោទប្រកាន់លើសំណុំរឿងក្រោយនេះ មតិអ្នកច្បាប់បានលើកឡើងថា ជនសង្ស័យបាន និងកំពុងប្រព្រឹត្តបទល្មើសដដែលៗ ដូច្នោះ ការសម្រេចឃុំខ្លួនបណ្តោះអាសន្នមុនផ្តន្ទាទោសម្តងនេះ តុលាការបានទុកពេលបើការស៊ើបអង្កេត និងអាចពិចារណាចោទប្រកាន់លើបទល្មើសថ្មីមួយទៀតដែលមិនរាងចាល ។
ចែករំលែកព័តមាននេះ