ប្រទេសអាល់បានី់ ៖ អគារជាច្រើនត្រូវបាក់មិនឆ្ងាយប៉ុន្មានពីទីក្រុងទីរ៉ាណារដ្ឋធានីអាល់បានី ក្រោយការរញ្ជួយដីខ្លាំងមួយកម្លាំង៦,៤រីស្ទ័រកាលពីព្រឹកថ្ងៃទី២៦វិច្ឆិកា វេលាម៉ោង២និង៥៤នាទីរំលងអាធ្រាត្រម៉ោងក្នុងស្រុក។
តាមសារព័ត៌មានក្នុងស្រុកថា អគារជាច្រើនបានបាក់ពិសេសសណ្ឋាគារមួយក្នុងក្រុងទីរ៉ាណា ហើយមនុុស្សច្រើនរយនាក់អាចរងរបួស ក្រោយការរញ្ជួយដីកម្លាំង៦,៤រីស្ទ័រនោះ ដែលកើតមាននៅអាល់បានី។ ចំណុចកណ្ដាលនៃការរញ្ជួយដីនេះស្ថិតក្នុងសមុទ្រអាឌ្រីយ៉ាទិក ត្រង់កន្លែងមួយចម្ងាយ៣៤គីឡូម៉ែត្រភាគពាយ័ព្យក្រុងទីរ៉ាណា ក្នុងជម្រៅ១០គីឡូម៉ែត្រ។
ការខូចខាតពិតជាមានច្រើនបំផុត ដែលក៏ប៉ះពាល់ដែរនៅក្រុងថូម៉ាណា ចម្ងាយ៣០គីឡូម៉ែត្រភាគពាយ័ព្យក្រុងទីរាំណា។ ព្រឹកថ្ងៃទី២៦វិច្ឆិកាអាជ្ញាធររាយការណ៍ពីមនុស្សម្នាក់ស្លាប់យ៉ាងតិច៤នាក់និង១៥០នាក់់រងរបួស។ រដ្ឋមន្ត្រីសុខាភិបាលអាល់បានី លោកស្រីOGERTA MANASTERLIU មុននេះនិយាយថាមនុស្សប្រមាណជា៥០នាក់រងរបួសស្រាល ហើយស្ថិតក្នុងមន្ទីរពេទ្យក្រុងទីរ៉ាណា។ គេជឿជាក់ថាចំនួនមនុស្សស្លាប់នឹងមានច្រើន៕ (កែសម្រួលដោយ ៖ បុប្ផា)
ចែករំលែកព័តមាននេះ