រាជធានីភ្នំពេញ ៖ ក្នុងជំនួបពិភាក្សាទ្វេភាគីជាមួយសម្តេចសេនាវិបុលសាយ ឈុំ ប្រធានព្រឹទ្ធសភា ឯកអគ្គរដ្ឋទូតសហភាពអឺរ៉ុប (EU) បានសន្យាជំរុញអ្នកវិនិយោគគិនអឺរ៉ុបមកដាក់ទuនរកស៊ីនៅកម្ពុជាបន្ថែមទៀត ។ ក្នុងជំនួបជាមួយសម្តេចប្រធានព្រឹទ្ធសភានាព្រឹកថ្ងៃទី២៦…
រាជធានីភ្នំពេញ ៖ ក្នុងជំនួបពិភាក្សាទ្វេភាគីជាមួយសម្តេចសេនាវិបុលសាយ ឈុំ ប្រធានព្រឹទ្ធសភា ឯកអគ្គរដ្ឋទូតសហភាពអឺរ៉ុប (EU) បានសន្យាជំរុញអ្នកវិនិយោគគិនអឺរ៉ុបមកដាក់ទuនរកស៊ីនៅកម្ពុជាបន្ថែមទៀត ។ ក្នុងជំនួបជាមួយសម្តេចប្រធានព្រឹទ្ធសភានាព្រឹកថ្ងៃទី២៦ ខែវិច្ឆិកា នៅវិមានព្រឹទ្ធសភា ។
លោកស្រី Carmen Moreno ឯកអគ្គរដ្ឋទូតសហភាពអឺរ៉ុបបានសម្តែងនូវសេចក្តីរីករាយកដោយមើលឃើញនូវកំណើន សេដ្ឋកិច្ច និងការអភិវឌ្ឍរបស់ប្រទេសកម្ពុជាមានការរីកចម្រើនយ៉ាងឆាប់រហ័សគួឱ្យកត់សម្គាល់ ។ លោកស្រីថា តាមរយៈការរីកចម្រើននេះប្រទេសកម្ពុជានឹងសម្រេចបាននូវចក្ខុវិស័យរបស់ខ្លួនដែលកសាងប្រទេសកម្ពុជាឲ្យក្លាយទៅជាប្រទេសដែល មានចំណូលមធ្យមកម្រិតខ្ពស់ នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ២០៥០ ។
ជាមួយគ្នានេះ លោកជំទាវបានកោតសរសើរចំពោះការកំណែទម្រង់ជាច្រើន និងទទួលបានលទ្ធផលយ៉ាងច្រើនសន្ធឹកសន្ធាប់ ។ លោកស្រី Carmen Moreno បានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការរវាងរាជរដ្ឋាភិបាលព្រឹទ្ធសភា រដ្ឋសភា ជាមួយនឹងសហភាពអ៊ឺរ៉ុបយ៉ាងជិតស្និត ។ ក្នុងនោះលោកស្រីបានប្តេជ្ញាចិត្តក៏នឹងគាំទ្រនូវគោលនយោបាយរបស់រាជរដ្ឋាភិបាលក៏ដូចជា ព្រឹទ្ធសភា និងរដ្ឋសភាផងដែរ ។ លោកស្រីបញ្ជាក់ដោយសន្យាជួយជំរុញឱ្យវិនិយោគិនអឺរ៉ុបបន្ថែមទៀតមកវិនិយោនៅប្រទេសកម្ពុជា ។
ខណៈនោះលោកស្រីក៏បានកោតសរសើរចំពោះព្រឹទ្ធសភា ដែលបានពិនិត្យឱ្យយោបល់ច្បាប់ជាច្រើន និងបាននាំមុខក្នុងការចុះមូលដ្ឋាន ដើម្បីផ្សព្វផ្សាយច្បាប់ពន្យល់អំពីច្បាប់ឱ្យប្រជាពលរដ្ឋបានយល់ និងមានជំនឿជឿជាក់លើការអភិវឌ្ឍ និងគោលនយោបាយថ្នាក់ជាតិ។ លោកស្រី Carmen Moreno បានបញ្ជាក់ថា តាមរយៈបេសកកម្មការទូតនៅព្រះរាជាណាចក្រកម្ពុជា លោកស្រីនឹងខិតខំរួមចំណែកធ្វើឱ្យទំនាក់ទំនងមិត្តភាព និងកិច្ចសហប្រតិបត្តិការរវាងរដ្ឋាភិបាល ព្រឹទ្ធសភា រដ្ឋសភា ជាមួយនឹងសហភាពអ៊ឺរ៉ុបឱ្យកាន់តែល្អប្រសើរថែមទៀត ។
សម្តេចវិបុលសេនាភក្តីសាយ ឈុំ ប្រធានព្រឹទ្ធសភាបានបញ្ជាក់ថា ប្រទេសកម្ពុជា និងសហភាពអឺរ៉ុបបានភ្ជាប់ទំនាក់ទំនងការទូតនៅថ្ងៃទី០១ ខែមករា ឆ្នាំ១៩៩៤ ។ ចាប់តាំងពីថ្ងៃបង្កើតទំនាក់ទំនងការទូតមកចំណងមិត្តភាព និងកិច្ចសហប្រតិបត្តិការត្រូវបានពង្រឹងពង្រីកជាបន្តបន្ទាប់ ។ ក្នុងនាមព្រឹទ្ធសភា រដ្ឋសភា រាជរដ្ឋាភិបាល និងក្នុងនាមសម្តេចផ្ទាល់សម្តេចប្រធាន ព្រឹទ្ធសភាបានថ្លែងអំណរគុណចំពោះសហភាពអ៊ឺរ៉ុបដែលបានផ្តល់ហិរញ្ញប្បទានសហប្រតិបត្តិការឥតសំណងលើផែនការអភិវឌ្ឍយុទ្ធសាស្ត្រជាតិវិស័យសេដ្ឋកិច្ច សង្គម សម្របសម្រួលពាណិជ្ជកម្ម ហេដ្ឋារចនាសម្ព័ន្ធ អប់រំ សុខាភិបាល និងវិស័យជាច្រើនទៀត ។
ជាមួយគ្នានេះ ទំហំនៃការផ្លាស់ប្តូរពាណិជ្ជកម្មរវាងប្រទេសកម្ពុជា និងសហភាពអឺរ៉ុប មានការកើនឡើង ។ តាមរយៈជំនួយសហប្រតិបត្តិការអភិវឌ្ឍរបស់សហភាពអឺរ៉ុបសម្រាប់កម្ពុជា និងទំហំនៃការផ្លាស់ប្តូរពាណិជ្ជកម្មរវាងកម្ពុជា និងសហភាពអឺរ៉ុបបានរួមចំណែកលើកកម្ពស់កំណើនសេដ្ឋកិច្ច និងកាត់បន្ថយភាពក្រីក្ររបស់ប្រជាជនកម្ពុជា ។ សម្តេចប្រធានព្រឹទ្ធសភា បានស្នើលោកស្រី Carmen Moreno ជួយចលនា និងលើកទឹកចិត្តអ្នកវិនិយោគ និងអ្នកទេសចរណ៍សហភាពអឺរ៉ុបមកបណ្តាក់ទុនវិនិយោគ និងធ្វើទេសចរណ៍ឱ្យកាន់តែច្រើនបន្ថែម ទៀតនៅព្រះរាជាណាចក្រកម្ពុជា ។
ប្រទេសកម្ពុជាបាននឹងកំពុងខិតខំកែសម្រួល និងកាត់បន្ថយនីតិវិធីផ្ទៃក្នុងរបស់ខ្លួន ដើម្បីសម្រួលដល់អ្នកវិនិយោគឱ្យមានភាពងាយស្រួល ។ ទន្ទឹមនេះប្រទេសកម្ពុជាមានតំបន់រមណីយដ្ឋានវប្បធម៌ជាច្រើនកន្លែង និងតំបន់អេកូទេសចរណ៍ជាច្រើនកន្លែងសម្រាប់ទាក់ទា ញភ្ញៀវទេសចរ ៕ កែសម្រួលដោយ ៖ សុឃាក់
ចែករំលែកព័តមាននេះ