កម្ពុជា និងកូរ៉េខាងត្បូងបានចុះហត្ថលេខាទៅលើកិច្ចព្រមព្រៀងមួយ ដើម្បីជំរុញដល់ការសម្រេចបានកិច្ចព្រមព្រៀងពាណិជ្ជកម្មសេរីរវាងប្រទេសទាំងពីរ ។ យោងតាមសេចក្តីថ្លែងការណ៍ដែលចេញដោយក្រសួងពាណិជ្ជកម្ម កាលពីថ្ងៃទី២៥ ខែវិច្ឆិកា បានឲ្យដឹងថា ការចុះហត្ថលេខារវាងរដ្ឋមន្ត្រីពាណិជ្ជកម្មនៃប្រទេសទាំងពីរត្រូវបានធ្វើឡើងនៅខេត្តប៊ូសានប្រទេសកូរ៉េខាងត្បូង នៅក្រៅកិច្ចប្រជុំកំពូលរំលឹកអនុស្សាវរីយ៍រវាងអាស៊ាន និងកូរ៉េខាងត្បូង ។
កម្ពុជារំពឹងថា កិច្ចព្រមព្រៀងពាណិជ្ជកម្មសេរី និងជួយជំរុញបន្ថែមដល់ពាណិជ្ជកម្មរវាងប្រទេសទាំងពីរ និងការវិនិយោគកូរ៉េនៅកម្ពុជា ។
គួរបញ្ជាក់ថា កាលពីឆ្នាំ២០១៨ ពាណិជ្ជកម្មរវាងកម្ពុជា និងកូរ៉ូខាងត្បូងមានទំហំជាទឹកប្រាក់ចំនួនជាង៧៥០លានដុល្លារ ដោយកើនឡើងចំនួនជិត១៥ភាគរយ បើធៀបនឹងឆ្នាំ២០១៧ ។ ចំណែកចិនក៏កំពុងតែបង្កើនល្បឿនធ្វើឲ្យសម្រេចកិច្ចព្រមព្រៀងសេរីជាមួយកម្ពុជាផងដែរ ។
នៅថ្ងៃទី០៤ ខែធ្នូ ខាងមុខនេះកិច្ចប្រជុំទៅលើកិច្ចព្រមព្រៀងសេរីនឹងត្រូវចាប់ផ្តើមឡើងនៅប្រទេសចិនដោយមានការចូលរួមរបស់នាយករដ្ឋមន្ត្រីនៃប្រទេសទាំងពីរផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ