រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានចំអកទៅកាន់ក្រុមប្រឆាំងថា មេទាំងកូនបែបនេះហើយទើបនាំដល់ការរលាយបក្ស និងជាប់គុក ។ ការបញ្ជាក់ សម្តេចតេជោ…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានចំអកទៅកាន់ក្រុមប្រឆាំងថា មេទាំងកូនបែបនេះហើយទើបនាំដល់ការរលាយបក្ស និងជាប់គុក ។ ការបញ្ជាក់ សម្តេចតេជោ បែបនេះ ខណៈដែលក្រុមប្រឆាំងបានប្រើពាក្យអសុរោះ និងគ្មានសីលធម៌ចំពោះសម្តេច ចំពេលសម្តេចកំពុងមានទុក្ខដោយសារម្តាយក្មេកកំពុងតែសង្គ្រោះបន្ទាន់ ។
សម្តេចតេជោហ៊ុន សែនខមមិនលើហ្វេសប៊ុកយ៉ាងដូច្នេះថា បងប្អូនជនរួមជាតិមើលចរិតពួកជ្រុលនិយមដែលបានលើកឡើងខាងលើ ។ លោកបញ្ជាក់ថា ៖«ខ្ញុំចង់ប្រាប់លោកថា ពួកអស់លោកមិនអាចដឹកនាំកុំថា ឡើយដឹកនាំប្រទេស សូម្បីតែដឹកនាំកូនបក្សមួយ ឬភូមិមួយក៏មិនបានផង ព្រោះតែអស់លោកគ្មានគុណធម៌ និងសីលធម៍» ។ លោកបន្ថែមថា សូមដាក់ចេញជាសំនួរថា ៖ បើអស់លោកមិនគិតដល់ម្តាយរបស់ខ្លួនទៅហើយ តើអស់លោកអាចស្រឡាញ់ និងយកចិត្តទុកដាក់ដល់ប្រជាជនយ៉ាងណាទៅ បើសូម្បីតែម្តាយខ្លួនឯងអស់លោកមិនស្រឡាញ់ និងយកចិត្តទុកដាក់ផងនោះ ។
ម្យ៉ាងទៀតពេលនេះខ្ញុំកំពុងមានទុក្ខពួកលោកចូលមករករឿងខ្ញុំ ដូចនេះអ្វីដែលខ្ញុំបានចាប់ពួកលោកញាត់គុក ពេលដែលពួកលោកប្រព្រឹត្តខុសច្បាប់ គឺសមហេតុផលណាស់ ។ សម្តេចបញ្ជាក់ថា «ដោយសារតែចរិតទាំងមេ ទាំងកូនបែបនេះហើយ ទើបនាំដល់ការរលាយបក្ស និងជាប់គុក ព្រោះគ្មានស្មារតីបង្រួមជាតិ និងគិតតែរឿងបំផ្លាញជាតិ» ។
សូមជម្រាបថា ការបញ្ជាក់របស់សម្តេចតេជោឆ្លើយទៅម្ចាស់គណនេយ្យហ្វេសប៊ុក Sovannara Som បានសរសេរយ៉ាងដូច្នេះថា ព្រោះតែម្តាយក្មេកធ្វើឲ្យហ៊ុន សែន មិនបានទៅប្រជុំនៅកូរ៉េ ? ហ៊ុន សែន ជាអ្នកដឹងគុណដល់ថ្នាក់ណ្នឹងផង ? ហាហាគួរឲ្យអស់សំណើចទេ ។
ទាក់ទិននឹងការលើកឡើងរបស់សម្តេចតេជោ ហ៊ុន សែន ត្រូវបានម្ចាស់គណនេយ្យឈ្មោះ Ieng Sreng បានប្រកាសគាំទ្រការលើកឡើងរបស់សម្តេចដោយបានសរសេរខមមិនក្នុងហ្វេសប៊ុកយ៉ាងដូច្នេះថា ៖«ត្រង់ដែលស្គាល់អ្នកណាជាបុព្វការីជន អ្នកបានធ្វើអំពើល្អមកលើយើងមុនកូនខ្មែរជាអ្នកកាន់ព្រះពុទ្ធសាសនាត្រូវដឹងហើយ ចងចាំកត្តញ្ញូ កតវេទីជាធម៌ដ៏ឧត្តមរបស់កុលបុត្រខ្មែរជាធម៌ដែលយើងបដិបត្តិហើយ មិនខកបំណងក្នុងការបំពេញភារ:កិច្ចប្រចាំថ្ងៃក្នុងបច្ចុប្បន្នជាតិនេះ និងទៅអនាគត ៕ កែសម្រួលដោយ ៖ សុឃាក់
ចែករំលែកព័តមាននេះ