ខេត្តព្រះសីហនុ ៖ សេចក្តីរាយការណ៍បឋមបាឲ្យដឹងថា ប្រជាពលរដ្ឋនៅទីប្រជុំជនវាលរេញប្រាប់មកថា ដោយសារគ្រោះរាំងស្ងួតអូសបន្លាយយូរគិតមកត្រឹមថ្ងៃ២៤ ខែវិច្ឆិកានេះ ពលរដ្ឋនៅទីនោះកំពុងជួបប្រទះការខ្វះខាតទឹកប្រើប្រាស់ជាបណ្តើរៗ ដោយសារការផ្គត់ផ្គង់ទឹកពីវិសយ័ឯកជនដែលទទួលផ្គត់ផ្គង់ទឹកនៅវាលរេញ មានស្ថានភាពរអាក់រអួល ខ្វះទឹក…
ខេត្តព្រះសីហនុ ៖ សេចក្តីរាយការណ៍បឋមបាឲ្យដឹងថា ប្រជាពលរដ្ឋនៅទីប្រជុំជនវាលរេញប្រាប់មកថា ដោយសារគ្រោះរាំងស្ងួតអូសបន្លាយយូរគិតមកត្រឹមថ្ងៃ២៤ ខែវិច្ឆិកានេះ ពលរដ្ឋនៅទីនោះកំពុងជួបប្រទះការខ្វះខាតទឹកប្រើប្រាស់ជាបណ្តើរៗ ដោយសារការផ្គត់ផ្គង់ទឹកពីវិសយ័ឯកជនដែលទទួលផ្គត់ផ្គង់ទឹកនៅវាលរេញ មានស្ថានភាពរអាក់រអួល ខ្វះទឹក និងពេលខ្លះទឹកដែលចែកចាយនោះល្អកក៏មានដែរ ។
ដើម្បីដោះស្រាយចំពោះមុខពលរដ្ឋមួយចំនួនបានបង្ខំចិត្តទិញទឹកពីអ្នកដឹកទឹកលក់ បំពេញតម្រូវការតាមផ្ទះជាបណ្តោះអាសន្នជាមួយនឹងការប្រើប្រាស់បែបសន្សំសំចៃ ។
មន្ត្រីរដ្ឋបាលស្រុកព្រៃនប់ថ្លែងថា បញ្ហានេះមានមែន ដោយសារកន្លែងស្តុកទឹកសម្រាប់បូមចែកចាយគ្រប់គ្រងដោយវិស័យឯកជននោះរីងខ្លាំង ស្របពេលដែលធាតុអាកាសរាំងស្ងួតគ្មានភ្លៀងសោះ ។
ទោះជាយ៉ាងនេះក្តី មន្ត្រីដដែលអះអាងថា រដ្ឋបាលស្រុកព្រៃនប់កំពុងតាមពិនិត្យរឿងនេះ និងរិះរកវិធីដែលអាចធ្វើបាន ដើម្បីចាត់ចែងដោះស្រាយក្នុងករណីចាំបាច់ ៕ កែមសម្រួលដោយ ៖ សុឃាក់
ចែករំលែកព័តមាននេះ