បច្ចុប្បន្នប្រទេសចិន និងណេប៉ាល់បាន បញ្ចប់ការខ្វែងគំនិតគ្នាជាយូរមកហើយពីរឿងរយៈកំពស់ភ្នំអេវើរ៉េស (ភ្នំហិមព្ពាន) ។ ភ្នំដ៏ខ្ពស់បំផុតនៅលើពិភពលោកនេះ ស្ថិតនៅតាមព្រំដែនរវាងប្រទេសចិន និងណេប៉ាល់។ ប្រទេសណេប៉ាល់បញ្ជាក់ថា ភ្នំហិមពាន្ដមានកំពស់៨.៨៤៨ម៉ែត្រគឺខ្ពស់ជាងតួលេខចិនដែលវាស់ដល់ ទៅ៤ម៉ែត្រឯណោះ ។
បច្ចុប្បន្នប្រទេសចិន និងណេប៉ាល់បាន បញ្ចប់ការខ្វែងគំនិតគ្នាជាយូរមកហើយពីរឿងរយៈកំពស់ភ្នំអេវើរ៉េស (ភ្នំហិមព្ពាន) ។ ភ្នំដ៏ខ្ពស់បំផុតនៅលើពិភពលោកនេះ ស្ថិតនៅតាមព្រំដែនរវាងប្រទេសចិន និងណេប៉ាល់។ ប្រទេសណេប៉ាល់បញ្ជាក់ថា ភ្នំហិមពាន្ដមានកំពស់៨.៨៤៨ម៉ែត្រគឺខ្ពស់ជាងតួលេខចិនដែលវាស់ដល់ទៅ៤ម៉ែត្រឯណោះ ។ ទោះបីជាយ៉ាងណាក៏ដោយ មន្ដ្រីប្រទេសទាំង២ បានពិភាក្សាគ្នានៅទីក្រុងកាត់ម៉ាន់ឌូ ក្នុងសបា្ដហ៍កន្លងមក ហើយភាគីនីមួយៗបានទទួលស្គាល់ការវាស់កំពស់ភ្នំដែលខុសគ្នា ពោលគឺភាគីចិនដឹកនាំដោយលោកលី ឈីង យាន់ ទទួលស្គាល់ការវាស់របស់ណេប៉ាល់ពីកំពូលគ្របដណ្ដប់ដោយព្រិល ទើបឃើញតួលេខខ្ពស់ជាងចិន ។ ចំណែកណេប៉ាល់ក៏ទទួលស្គាល់ការវាស់របស់ចិនដែរ ដោយវាស់ពីដុំថ្មនៅលើកំពូលភ្នំ ទើបឃើញ៨.៨៤៤,៤៣ ម៉ែត្រ ។
លោកឆ័រប៉ា ថេនស៊ីង និងលោកស័រអេត ម៉ាន ហ៊ីលឡារី បានជោគជ័យក្នុងការវាស់កំពូលភ្នំហិមពាន្ដនាឆ្នាំ១៩៥៣ ប៉ុន្ដែបញ្ហាកំពស់របស់កំពូលភ្នំនេះនៅមានការខ្វែងគំនិតគ្នាចាប់តាំងពីមានការវាស់ជាលើកដំបូងក្នុងឆ្នាំ១៨៥៦មក ។ សំរាប់កំពស់៨.៨៤៨ម៉ែត្រ ដែលមានការទទួលស្គាល់ដ៏ទូលំទូលាយនោះ គឺជាការវាស់របស់ឥណ្ឌាជាលើកដំបូងក្នុងឆ្នាំ១៩៥១ ដោយវាស់ចេញពីកំពូលគ្របដណ្ដប់ដោយព្រិលមិនគិតពីត្រឹមដុំថ្មនៅផ្នែកខាងក្រោម ។
អ្នកធរណីវិទ្យាឱ្យដឹងថា កំពូលភ្នំហិមពាន្ដ កំពុងដុសខ្ពស់ឡើង ស្របពេលដែលផ្នែកខាងប្រទេសឥណ្ឌា ហាក់បីដូចជាត្រូវជំរុញឱ្យនៅទាបជាងចិន និងណេប៉ាល់ តាម រយៈការរំកិលនៃសំបកផែនដី។ កាលពីខែ ឧសភា ១៩៩៩ អាមេរិកបានប្រើបច្ចេកវិទ្យាអភ្សវាស់កំពស់ភ្នំហិមពាន្ដឃើញ ៨.៨៥០ ម៉ែត្រ ជាតួលេខដែលសមាគមភូមិសាស្ដ្រ អាមេរិក ប្រើប្រាស់ក្នុងពេលបច្ចុប្បន្ន ប៉ុន្ដែមិនបានទទួលស្គាល់ជាផ្លូវការពីណេប៉ាល់ទេ ៕
ចែករំលែកព័តមាននេះ