ខេត្តសៀមរាប ៖ កម្លាំងព្រហ្មទណ្ឌអាវុធហត្ថខេត្តសៀមរាប បានចាប់ខ្លួនបុរសម្នាក់ដែលតាំងខ្លួនជាឯកឧត្តម ហើយដើរឆបោកពលរដ្ឋក្នុងរឿងទិញដីធ្លីនៅក្នុងខេត្តសៀមរាប ។ នេះបើតាមមន្ត្រីអាវុធហត្ថខេត្ត ។ ហេតុការឃាត់ខ្លួនធ្វើឡើងនៅថ្ងៃទី៤ វិច្ឆិកា ស្ថិតនៅចំណុចភូមិតាភុល សង្កាត់ស្វាយដង្គំ ក្រុង- ខេត្តសៀមរាប។
ជនសង្ស័យឈ្មោះ ទួន វុទ្ធី ហៅក្រៅទួន ហែម ភេទប្រុស អាយុ៦០ឆ្នាំ ជាយោធាចូលនិវត្តន៍ មានទីលំនៅ បច្ចុប្បន្ន ភូមិ៥ សង្កាត់លេខ៣ ក្រុងព្រះសីហនុ ខេត្តព្រះសីហនុ ។ ក្រោយពីការសាកសួឈ្មោះទួន វុទ្ធី ហៅទួន ហែម បានឆ្លើយសារភាពថា «ខ្លួនពិតជាបាន ប្រព្រឹត្តតាមការចោទប្រកាន់របស់ជនរងគ្រោះ ពិតប្រាកដមែន ពាក់ព័ន្ធករណីឆបោកស្ថិតនៅចំណុចទីរួមខេត្តសៀមរាប កាលពីថ្ងៃទី០១ វិច្ឆិកា ឆ្នាំ២០១៩ កន្លងមក ។
ប្រភពបានបញ្ជាក់ទៀតថា ក្រោយពីឃាត់ខ្លួនជនសង្ស័យ ក្នុងនោះបានដកហូតវត្ថុតាងរួមមានះ ១-ទូរស័ព្ទម៉ាក HUAWEI ពណ៌ខ្មៅ ១គ្រឿង។ ២-ទូរស័ព្ទម៉ាក HUAWEI ពណ៌ទឹកប្រាក់១គ្រឿង។ ៣-ទូរស័ព្ទម៉ាក NOKIA ចុចពិល ពណ៌ក្រហម និងពណ៌ខៀវ២ គ្រឿង។ ៤-ស៊ីមកាតចំនួន៤។ ៥-កាបូបលុយពណ៌ខ្មៅ១។ ៦-ប្រាក់ដុល្លារ៣៨ដុល្លារ និង៧-ប្រាក់រៀល១០,០០០រៀល។
តាមប្រភពពីកម្លាំងជំនាញមន្ទីរយុត្តិធម៌កងរាជអាវុធហត្ថខេត្តសៀមរាប
ដោយមានការសម្របសម្រួលពីលោក កើត វណ្ណារ៉េត
ព្រះរាជអាជ្ញាអមសាលាដំបូងខេត្តសៀមរាប
និងដោយមានពាក្យបណ្តឹងប្តឹងបុរសម្នាក់ដើររកទិញដី
ហើយប្រាប់ពលរដ្ឋថា ខ្លួនជាឯកឧត្តម ។
បន្ទាប់ពីជនរងគ្រោះលក់ឱ្យក្នុងតំលៃថោក ខណៈពេលនោះ
ក្រុមពលរដ្ឋមានការសង្ស័យ
ទើបទៅដាក់ពាក្យបណ្តឹងនៅកន្លែងកងរាជអាវុធហត្ថខេត្ត បន្ទាប់
មកទើបកម្លាំងជំនាញបានសុំយោបល់ពីថ្នាក់លើ និងព្រះរាជ្ញអាជ្ញ
អមសាលាដំបូងខេត្តសៀមរាប ចាប់ខ្លួនបញ្ជូនទៅតុលាការខេត្តតែម្តង ។
ប្រភពបានបញ្ជាក់បន្ថែមថា ការចាប់ខ្លួនជនសង្ស័យនេះ បន្ទាប់ពីមានពាក្យបណ្ដឹងរបស់ជនរងគ្រោះ លើករណីឆបោកចំនួន៤នាក់ ក្នុងនោះមាន ទី១-ឈ្មោះ ណក់ ពិសិដ្ឋដាវី ភេទស្រី អាយុ៥១ឆ្នាំ ទីលំនៅបច្ចុប្បន្ន ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀម រាប។ ទី២-ឈ្មោះ លឿម សុភណ្ឌ ភេទប្រុស អាយុ ៣៤ឆ្នាំ ជាបុគ្គលិកក្រុមហ៊ុន អចលនទ្រព្យ ព័ត៌មានលក់ដី ទីលំនៅបច្ចុប្បន្ន ភូមិសាលាកំរើក សង្កាត់សាលាកំរើក ក្រុងសៀមរាប ខេត្តសៀមរាប ទី៣-ឈ្មោះ យឹង ប៊ុនតារា ភេទប្រុស អាយុ៣៤ ឆ្នាំ ជាអ្នករកស៊ី មានទីលំនៅបច្ចុប្បន្ន ភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប និងទី៤-ឈ្មោះ សុខ រ៉ាម៉ន ភេទប្រុស អាយុ៣១ឆ្នាំ ជាបុគ្គលិកលក់ដីឡូត៍ មានទីលំនៅបច្ចុប្បន្ន ភូមិជ្រៃ ឃុំកណ្តែក ស្រុកប្រាសាទបាគង ខេត្តសៀមរាប។
ចែករំលែកព័តមាននេះ