បន្ទាយមានជ័យ ៖ មេបញ្ជាការយោធភូមិភាគ៥ កម្ពុជាជួបសំណេះសំណាល និងចាប់ដៃគ្នាពង្រឹងកិច្ចសហប្រតិបត្តិការជាមួយមេបញ្ជាការយោធភូមិភាគ១ថៃ លើស្ពានមិត្តភាពកម្ពុជាថៃនៃច្រកទ្វារព្រំដែនអន្តរជាតិប៉ោយប៉ែតខ្លងលឹក នារសៀលថ្ងៃទី០៥ វិច្ឆិកានេះ ។
ភាគីកម្ពុជាដឹកនាំដោយលោកឧត្តមសេនីយ៍ឯក សំអូន មេបញ្ជាការរងកងទ័ពជើងគោកនិងជាមេបញ្ជាការយោធភូមិភាគ៥ អមដោយថ្នាក់ដឹកនាំក្នុងយោធភូមិភាគ និងមន្ត្រីសមត្ថកិច្ចពាក់ព័ន្ធនៅច្រកទ្វារអន្តរជាតិប៉ោយប៉ែតជាច្រើនរូប ។
ចំណែកភាគីថៃដឹកនាំដោយលោកឧត្តមសេនីយ៍ ទោ Tarmmanoon Vitee មេបញ្ជាការយោធភូមិភាគ១ អមដោយមន្ត្រី និងសមត្ថកិច្ចជាច្រើនរូបដូចគ្នា ។ បន្ទាប់ពីភាគីទាំង២ជួបចាប់ដៃគ្នារយៈពេលខ្លីក៏បានបន្តដំណើរចូលទៅក្នុងទឹកដីថៃ ដើម្បីជួបសំណេះសំណាលគ្នាដើម្បីពង្រឹងកិច្ចសហប្រតិបត្តិការរវាងភូមិភាគទាំង២ ។
លោកឧត្តមសេនីយ៍ត្រីនេត សំអាត នាយរងការិយាល័យទំនាក់ទំនងព្រំដែនកម្ពុជា -ថៃប្រាប់តាមទូរស័ព្ទថា នេះមិនមែនជាជំនួបប្រចាំឆ្នាំដូចសព្វមួយដងទេ ។ តាមពិតជាជំនួបសំណេះសំណាលសួរសុខទុក្ខ និងពង្រឹងកិច្ចសហប្រតិបត្តិការគ្នារវាងមេភូមិភាគ៥ កម្ពុជានិងមេភូមិភាគ១ថៃ ព្រោះមេភូមិភាគ១ខាងថៃទើបផ្លាស់ប្តូរមកថ្មី ៕ កែសម្រួលដោយ ៖ សុឃាក់
ចែករំលែកព័តមាននេះ