ខេត្តប៉ៃលិន ៖ ពិធីជួបសំណេះសំណាលជាមួយកងកម្លាំងប្រដាប់អាវុធទាំង៣ប្រភេទ រួមមានយោធា កងរាជអាវុធហត្ថ និងនគរបាលជាតិ ដែលចំណុះឲ្យខេត្តប៉ៃលិន ព្រមទាំងមន្ត្រីរាជការមកពីជុំវិញសាលាខេត្ត បានធ្វើឡើងកាលពីព្រឹកថ្ងៃទី២ ខែកុម្ភៈ…
ខេត្តប៉ៃលិន ៖ ពិធីជួបសំណេះសំណាលជាមួយកងកម្លាំងប្រដាប់អាវុធទាំង៣ប្រភេទ រួមមានយោធា កងរាជអាវុធហត្ថ និងនគរបាលជាតិ ដែលចំណុះឲ្យខេត្តប៉ៃលិន ព្រមទាំងមន្ត្រីរាជការមកពីជុំវិញសាលាខេត្ត បានធ្វើឡើងកាលពីព្រឹកថ្ងៃទី២ ខែកុម្ភៈ ដើម្បីបង្កើននូវការថែរក្សាសន្តិសុខ សណ្តាប់ធ្នាប់សាធារណៈ សុវត្ថិភាព ជូនប្រជាពលរដ្ឋនៅក្នុងខេត្ត និងការពារជាតិ សាសនា ព្រះមហាក្សត្រ មិនឲ្យក្រុមចលនាឧទ្ទាមក្រៅច្បាប់ សម រង្ស៊ី ដែលកំពុងមានបំណងបះបោរ ចង់យាយីសន្តិភាពរបស់ជាតិខ្មែរ ។
ក្នុងពិធីសំណេះសំណាល ដែលបានប្រារព្ធធ្វើនៅសាលាខេត្ត លោក ផាន់ ចាន់ធុល អភិបាលខេត្ត មានប្រសាសន៍ថា ក្នុងនាមគណ:បញ្ជាការឯកភាពខេត្ត សូមប្តេជ្ញាចិត្តថាមិនឲ្យក្រុមឧទ្ទាម សម រង្ស៊ី ចូលក្នុងទឹកដីខេត្តប៉ៃលិនជាដាច់ខាត គឺដើម្បីការពារជាតិ សាសនា ព្រះមហាក្សត្រ និងថែរក្សាសុខសន្តិភាព សម្រាប់ការរស់នៅរបស់ប្រជាពលរដ្ឋទាំងអស់ ។
លោកក៏បានណែនាំដល់កងកម្លាំងទាំងអស់ត្រូវតែដាក់ពង្រាយតាមគោលដៅជាប្រចាំ ហើយត្រូវកាត់បន្ថយការដាក់គោលដៅត្រួតពិនិត្យច្បាប់ចរាចរណ៍ខ្លះ ការផាកពិន័យខ្លះ ដើម្បីសម្រួលដល់ការធ្វើដំណើររបស់ប្រជាពលរដ្ឋ ។ នៅក្នុងពិធីនេះដែរ ក៏មានការឧបត្ថម្ភគ្រឿងបរិក្ខារមួយចំនួនពីព្រះសង្ឃ រួមជាមួយបច្ច័យ និងមានការចូលរួមថវិកាពីតាមមន្ទីរនានាផងដែរ៕
ចែករំលែកព័តមាននេះ