ធម៌ដែលបណ្តុះចិត្តឱ្យស្ថិតក្នុងកុសលកម្មមាន១០ប្រការ ឬហៅថាបុញ្ញកិរិយាវត្ថុ១០ប្រការក៏បាន ជាធម៌នាំឱ្យកើតបុណ្យកុសល ដែលមនុស្សគ្រប់រូបគួរឱ្យកើតមាន បើទោះជាមិនបានទាំងអស់ ក៏គួរឱ្យមានខ្លះ ដើម្បីបណ្តុះចិត្តស្អាតបរិសុទ្ធចំពោះមនុស្សទូទៅ ។ អំពើល្អទាំង១០ប្រការនោះគឺ៖
១-ឱ្យទានដល់ពួកស្មូមយាចកជាអ្នកសុំទានគ្រប់ប្រភេទឥតរើសមុខ
២-ជាអ្នករក្សាសីល៥ ចាំសីល៨ជាប់មិនដាច់
៣-ចម្រើនកម្មដ្ឋាន៤០មានពុទ្ធានុស្សតិជាដើម
៤-គោរពកោតខ្លាចត្រកូលរៀមច្បង
៥-ធ្វើកិច្ចខ្វល់ខ្វាយបម្រើព្រះសង្ឃ
៦-ផ្សាយចែកចំណែកផលបុណ្យដល់អ្នកដទៃ
៧-សម្តែងធម៌ដល់អ្នកដទៃស្តាប់
៨-ស្តាប់ធម៌ដែលអ្នកដទៃសម្តែងដល់ខ្លួន
៩-ធ្វើអនុមោទនា ត្រេកអរតាមបុណ្យដែលគេឱ្យ
១០-ធ្វើទិដ្ឋិគឺសេចក្តីយល់ឃើញឱ្យត្រូវក្នុងផ្លូវធម៌ ។
កំពូលធម៌ទាំង១០ប្រការនេះនឹងនាំអ្នកប្រតិបត្តិទៅរកសេចក្តីសុខក្នុងលោកទាំងពីរគឺ សុខក្នុងលោកនេះផង និងសុខក្នុងលោកខាងមុខផង ។ (ដោយសាន សារិន)
ចែករំលែកព័តមាននេះ