ប្រកាសលេខទូរស័ព្ទ24/24ម៉ោង…ដើម្បីទាក់ទងផ្តល់ព័ត៌មាន
- ភ្នំពេញ
រាជធានីភ្នំពេញ ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន និងលោកឧត្តមសេនីយ៍ត្រី អុិន សុង នាយករងមន្ទីរ…
រាជធានីភ្នំពេញ ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន និងលោកឧត្តមសេនីយ៍ត្រី អុិន សុង នាយករងមន្ទីរ…
រាជធានីភ្នំពេញ ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន និងលោកឧត្តមសេនីយ៍ត្រី អុិន សុង នាយករងមន្ទីរ នាថ្ងៃទី៣ វិច្ឆិកា បានប្រកាសនឹងជូនដំណឹងដល់សាធារណជនឲ្យស្គាល់លេខទូរស័ព្ទ តាមបណ្តាញទំនាក់ទំនងសង្គម Facebook ឲ្យសាធារណជន និងអ្នកសារព័ត៌មាន ដែលមានចម្ងល់ និងចង់ដឹងព័ត៌មានផ្សេងៗ អាចបានទាក់ទង២៤ម៉ោងលើ២៤ម៉ោង ។
ការចេញប្រកាសយ៉ាងដូច្នេះមន្ទីរប្រឆាំងគ្រឿង ញៀន ធ្វើឡើងបន្ទាប់ពីរយៈពេលប៉ុន្មានថ្ងៃកន្លងមកនេះ មន្ទីរប្រឆាំងគ្រឿងញៀន មានការសោកស្ដាយដោយឃើញថាមាន អ្នកសារព័ត៌មានមួយចំនួនមានការភ័ន្តច្រឡំ ហើយបានចុះផ្សាយតាមបណ្ដាញ Facebook និងតាមប្រម៉ាញ់ថតរូប អំពីសកម្មភាពពេលដែលសមត្ថកិច្ចកំពុងចុះបង្ក្រាបគ្រឿងញៀន និងបានប្រើពាក្យមិនសមរម្យឈ្លេចសួរ ធ្វើប៉ះពាល់ដល់ការងារស្រាវជ្រាវដោយសម្ងាត់ ដើម្បីបន្តស្រាវជ្រាវ បង្ក្រាប មេក្លោងថែមទៀត ។
ក្នុងករណីមានចម្ងល់ឬចង់ដឹង ព័ត៌មានផ្សេងៗ សូមអ្នកសារព័ត៌មាន នឹងមហាជនសហការទាក់ទងមកមន្ទីរប្រឆាំងបទល្មើសគ្រឿងញៀន ដើម្បីកុំឲ្យមានការយល់ច្រឡំគ្នា ។ សេចក្តីជូនដំណឹងរបស់មន្ទីរប្រឆាំងបទល្មើសគ្រឿងញៀន បានបញ្ជាក់យ៉ាងដូច្នេះថា «យើងខ្ញុំរីករាយរង់ចាំទទួលស្វាគមន៍រាល់ព័ត៌មាន និងមានមតិរិះគន់ដោយស្ថាបនា២៤/២៤ម៉ោង តាមរយៈ Facebook Page : Anti-DrugDepart ment ឬ តាមទូរស័ព្ទដូចខាងក្រោម៖
១-លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន (012 526911) និង២-លោកឧត្តមសេនីយ៍ត្រី អ៊ិន សុង នាយករងមន្ទីរប្រឆាំងបទល្មើសគ្រឿងញៀន (Mobitel: 0112 48888, Smart: 015222226)»។ ជាមួយគ្នានេះ មន្ទីរប្រឆាំងគ្រឿងញៀន ក៏បានថ្លែងអំណរគុណ ចំពោះមហាជន ប្រជាពលរដ្ឋ មន្ត្រីរាជការ សិស្ស និស្សិត ក៏ដូចជាសារព័ត៌មានបណ្តាញសង្គមផ្សេងៗ ដែលបានចូលរួមយ៉ាងសកម្មក្នុចងការបង្ការ ទប់ស្កាត់ ប្រយុទ្ធប្រឆាំងនឹងបទល្មើសគ្រឿងញៀន និងបានអប់រំណែនាំកូនចៅ សាច់ញា តិឲ្យចៀសឆ្ងាយពីគ្រឿងញៀន និងបោះបង់ចោលគ្រឿងញៀន ហើយស្ម័គ្រចិត្តចូលទៅព្យាបាល បន្សាបគ្រឿងញៀន ស្ដារនីតិ សម្បទាឡើងវិញ ។
លើសពីនេះមន្ទីរប្រឆាំងគ្រឿងញៀន ក៏បានសំណូមពរដល់សារធារណជនជាតិ អន្តរជាតិ អ្នកសារព័ត៌មានបណ្តាញសង្គម មេត្តាបន្តចូលរួមអនុវត្តន៍គោលនយោបាយភូមិឃុំមានសុវត្តិភាព និងផែនការយុទ្ធនាការបង្ក្រាបគ្រឿងញៀនខុសច្បាប់ របស់រាជរដ្ឋាភិបាល និងសូមបន្តសហការផ្ដល់ព័ត៌មាន រាល់សកម្មភាពបទល្មើសគ្រឿងញៀន ឬភាពអសកម្មរបស់មន្ត្រីអនុវត្តន៍ច្បាប់ ។
សូមជម្រាបថា អនុវត្តន៍តាមផែនការយុទ្ធនាការ ប្រយុទ្ធប្រឆាំងគ្រឿងញៀនខុសច្បាប់ របស់រាជរដ្ឋាភិបាល ដែលដឹកនាំដោយសម្តេចតេជោ ហ៊ុន សែន នាយករដ្ឋមន្ត្រីនៃ និងមានសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ជាប្រធានយុទ្ធនាការ និង នាយឧត្តមសេនីយ៍ កែ គឹម យ៉ាន ឧបនាយករដ្ឋមន្ត្រី ជាអនុប្រធានយុទ្ធនាការ ក្នុងឆន្ទៈ «រូមគិត រួមធ្វើ រួមទទួលខុសត្រូវ» នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ នឹងជាប្រធានលេខាធិការដ្ឋាន នៃយុទ្ធនាការប្រយុទ្ធប្រឆាំងគ្រឿងញៀន នាយឧត្តមសេនីយ៍ ម៉ក់ ជីតូ អគ្គស្នងការរង នឹងជាអនុប្រធានអចិន្ត្រៃ នៃគណៈកម្មការទី៣ ទប់ស្កាត់គ្រឿងញៀនតាមបន្ទាត់ព្រំដែន ព្រមទាំងមហាជនគ្រប់ជាន់ថ្នាក់ រួមនឹងមន្ត្រីអនុវត្តន៍ច្បាប់ បានខិតខំធ្វើសកម្មភាពទទួលបានលទ្ធផលជាទីពេញចិត្ត ។
ស្របពេលនោះដែរលោកឧត្តមសេនីយ៍ត្រី អ៊ិន សុង នាយករងមន្ទីរប្រឆាំងគ្រឿងញៀន បានបង្ហាញពីលទ្ធផលចំពោះការអនុវត្តច្បាប់ នៃយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១,ទី២,ទី៣ និងទី៤ (នឹង ៩ខែដើមឆ្នាំ ២០១៩) បង្ក្រាបបាន ២៣.៤៦៣ ករណី ឃាត់ខ្លួន ៤៩.៤៩៤ នាក់ (ស្រី៣,៩៦៧នាក់) រឹបអូសគ្រឿងញៀនជាង ១.១២១ គីឡូក្រាម បទល្មើសជួញដូរ-រក្សាទុក-ដឹកជញ្ជូនបង្ក្រាបបាន ១៤.៦៥៦ករណី ឃាត់ខ្លួន ២៦.៩១៥នាក់ (ស្រី២.៧១៧នាក់) ជោគជ័យដ៍ធំធេងនេះធ្វើឲ្យសន្តិសុខ សុវត្ថិភាព សង្គមល្អប្រសើរ កាត់បន្ថយបានរាល់បទល្មើស ៕
ចែករំលែកព័តមាននេះ