ខេត្តកែប ៖ សេចក្តីរាយការណ៍បឋមបានឲ្យដឹងថា អាជ្ញាធរខេត្តកែបគ្រោង និងបង្កើតឆ្នេរថ្មីបន្ថែមមួយទៀត នៅទល់មុខតូបយាយម៉ៅទល់មុខសាលាខេត្តកែប ។ ប៉ុន្តែការរៀបចំដាក់លូក្រវ៉ាត់ចូលទៅក្នុងសមុទ្រប្រវែង១០០ម៉ែត្រ និងទទឹងប្រវែ៦០ម៉ែត្រនោះ ជាការរំពឹងទុករបស់រដ្ឋបាលខេត្តកែបនោះ មានការរាំងស្ទាក់ខ្លះៗ ដោយសាតែមានរលកខ្ពស់ៗធ្វើឲ្យអ្នកទទួលការងារក្នុងសមុទ្រមិនអាចធ្វើការបាន ។
តាមការអះអាងរបស់អ្នកទទួលខុសត្រូវការពង្រីកឆ្នេរបាននិយាយប្រាប់អ្នកយកព័ត៌មានឲ្យដឹង កាលពីព្រឹកថ្ងៃទី០១ ខែវិច្ឆិកានេះថា កម្មកជាង២០នាក់ បានមករៀបលូដាក់ពង្រាយធ្វើក្រវ៉ាត់នៅក្នុងសមុទ្រ ដើម្បីចាក់ដីបំពេញ ប៉ុន្តែការធ្វើនោះអាចជួបឧបសគ្គច្រើនដូចជា រលកខ្ពស់ៗធ្វើឲ្យបោកបក់លូរសាត់រាយប៉ាយ និងខ្លះត្រូវបែក និងកម្មកអូសក្បូនដាក់សម្ភារគ្រឿងសំណង់៣ ត្រូវបានទឹករលកលិច ។
អ្នកមើលការងារនៅទីនោះនិយាយប្រាប់ថា ឥឡូវនេះកម្មកជាង២០នាក់បានដេកចាំជាង១០ថ្ងៃហើយ រងចាំស្ងប់រលក និងចុះបន្តការងារបស់ខ្លួនទៀត ។
ដោយឡែកពាក់ពន្ធ័រឿងការពង្រីកឆ្នេរកន្លែងថ្មីមួយទៀតនេះ ត្រូវបានគេសង្ស័យថាទំនងជាក្រុមហ៊ុនឯកជនមិនមែនជារបស់រដ្ឋជាធ្វើទៅវិញ ។ តែលោកអ៊ុកថា អភិបាលរងខេត្តកែបបានប្រាប់ឲ្យដឹងតាមទូរស័ព្ទ កាលពីព្រឹកថ្ងៃទី១ ខែវិច្ឆិកាថា ការរៀបដាក់លូពង្រាយក្នុងសមុទ្រនេះ មិនមែនក្រុមហ៊ុនឯកជនជាអ្នកធ្វើទេ គឺរដ្ឋបាលខេត្តកែបជាអ្នកចាត់ចែងពង្រីកឆ្នេរនេះបន្ថែម ។
លោកអ៊ុកថា និយាយថា ការពង្រីកឆ្នេរបន្ថែមនៅមុខតូបលោកយាយម៉ៅនេះ ពេលធ្វើពិធីបុណ្យម្ដងៗមានការចង្អៀត ដូច្នេះហើយខាងរដ្ឋបាលខេត្តកែបបានឯកភាពជាផ្លូវការបង្កីតឆ្នេរថ្មីមួយបន្ថែមទៀតឲ្យមានសោភ័ណ្ឌភាពកាន់តែស្រស់ត្រកាល ៕ កែសម្រួលដោយ ៖ សុឃាក់
ចែករំលែកព័តមាននេះ