រាជធានីភ្នំពេញ ៖ រដ្ឋមន្ត្រីក្រសួងការងារបានអះអាងថា ពីមួយឆ្នាំទៅមួយឆ្នាំពិព័រណ៍ការងារ និងផលិតភាពជាតិនេះកាន់តែទទួលបានការគាំទ្រខ្លាំងឡើងៗដែលបានប្រែក្លាយពិព័រណ៍នេះ ទៅជាវេទិកាការងារដ៏ធំជាងគេបំផុត នៅកម្ពុជានាពេលបច្ចុប្បន្នសម្រាប់ផ្តល់ឱកាសនៅមួយកន្លែងងាយស្រួលដល់អ្នកស្វែងរកការងារធ្វើ ។
សិស្ស និស្សិត និយោជក អ្នកផ្តល់ការអប់រំបណ្តុះបណ្តាល អ្នកជំនាញ អ្នកស្រាវជ្រាវ និងអ្នករៀបចំគោលនយោបាយ ក្នុងការជួបទាក់ទងផ្តោះប្តូរព័ត៌មានពីគ្នាទៅវិញទៅមក ដោយផ្ទាល់ ធ្វើសកម្មភាពភ្លាមៗនៅនឹងកន្លែង ចែករំលែកបទពិសោធន៍ ចំណេះដឹង ផ្តល់មតិយោបល់ និងអនុសាសន៍ល្អៗពាក់ព័ន្ធនឹងការងារ អាជីព ជំនាញ ធនធានមនុស្ស និងផលិតភាពការងារ ។
លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈលើកឡើងក្នុង ពិធីបើក «ពិព័រណ៍ការងារ និងផលិតភាពជាតិ ឆ្នាំ២០១៩» ដែលរៀបចំធ្វើឡើងនៅមជ្ឈមណ្ឌល សន្និបាត និងពិព័រណ៍កោះពេជ្រ កាលពីថ្ងៃទី២ ខែវិច្ឆិកា ពិព័រណ៍លើកទី០៩ នាឆ្នាំនេះមានការចូលរួមយ៉ាងច្រើនកុះករពីសំណាក់ក្រុមហ៊ុនសហគ្រាសនាំមុខគេសំខាន់ៗ រួមទាំងក្រសួង-ស្ថាប័នរដ្ឋ និងអង្គការជាតិ-អន្តរជាតិចំនួន១៥០ នៅតាមបញ្ជាចំនួន៣០០ ហើយត្រូវបានប៉ាន់ស្មានថា នឹងមានអ្នកចូលរួមទស្សនាចំនួនប្រមាណ៣ម៉ឺននាក់ ។
លោករដ្ឋមន្ត្រីបានបញ្ជាក់ថា «ពិព័រណ៍ការងារ និងផលិតភាពជាតិឆ្នាំ២០១៩» រយៈពេលពីរថ្ងៃនេះនឹងផ្តល់ឱកាសជួបជុំគ្នាដោយផ្ទាល់នៅមួយកន្លែងងាយស្រួលសម្រាប់ ភាគីពាក់ព័ន្ធទាំងអស់នៃទីផ្សារការងារក្នុងការផ្លាស់ប្តូរព័ត៌មាន ស្រង់យកបទពិសោធន៍ចាំបាច់ ស្វែងរកឱកាសល្អៗនិ ងធ្វើសកម្មភាពភ្លាមៗនៅនឹងកន្លែងផ្ទាល់ ជាពិសេស ផ្តល់ឱកាសដ៏ក ម្រដល់ក្មួយទាំងអស់ ក្នុងការចាប់ផ្តើមគិតគូររៀបចំផែ នការអាជីពរបស់ខ្លួនម្នាក់ៗ ដោយធ្វើការ ស្វែងយល់និងប្រមូលព័ត៌មានដោយផ្ទាល់អំពីឱកាស ការងារនិងតម្រូវការជំនាញ ឱកាសសម្រាប់ផ្គូរផ្គងជំនាញទៅនឹងតម្រូវការការជ្រើស កម្លាំងពលកម្មរបស់ក្រុមហ៊ុនល្បីៗ ឱកាសក្នុងការជួបពិភាក្សាដកស្រង់បទពិសោធន៍ ផ្ទាល់ពីនិយោជក និងអ្នកធ្វើការងារក្នុងអាជីពដែលជាគោលដៅរបស់ក្មួយៗព្រមទាំងឱកាសក្នុងការអភិវឌ្ឍជំនាញ និងការផ្តល់ការគាំទ្រនានាដូចជា អាហារូបករណ៍ជាដើម ។
លោកបន្តថា លើសពីនេះសន្និសីទស្តីពី «យុទ្ធសាស្ត្រផលិតភាពសម្រាប់កម្ពុជា ការត្រួសត្រាយផ្លូវសម្រាប់ការប្រកួតប្រជែងជាសកល» នឹងផ្តល់ដល់អ្នកចូលរួមទាំងអស់នូវគំនិត ជំនាញ ចំណេះដឹង ចំណេះធ្វើ និងពិសោធន៍ដ៏ជោគជ័យពីសំណាក់អ្នកជំនាញជាតិ និងអន្តរជាតិ សម្រាប់ជាប្រយោជន៍ក្នុងការបណ្តុះផ្នត់គំនិត ឥរិយាបថ និងការអ នុវត្តសម្រាប់ការលើកកម្ពស់ផលិតភាព នៅគ្រប់កម្រិត តាំងពីកម្មករនិយោជិតម្នាក់ៗរហូតដល់ជាតិទាំងមូលសំដៅធ្វើឱ្យគ្រប់សហគ្រាស-គ្រឹះស្ថាន គឺជាសហគ្រាស-គ្រឹះស្ថានកាន់តែមានភាពប្រកួតប្រជែង, គ្រប់ការងារ គឺជាការងារកាន់តែប្រសើរ និងគ្រប់កម្មករនិយោជិត គឺជាកម្មករនិយោជិតកាន់តែមានស មត្ថភាពនិងផលិតភាពខ្ពស់ ៕
ចែករំលែកព័តមាននេះ