បន្ទាយមានជ័យ ៖ មន្ត្រីពន្ធនាគារត្រូវទប់ស្កាត់ឲ្យបានចំពោះបទល្មើសដែលលួចបង្កប់នាំចូលក្នុងពន្ធនាគារមិនត្រូវឲ្យកើតមានឡើយ អគ្គនាយករងនៃអគ្គនាយកដ្ឋានពន្ធនាគារបានលើកឡើងក្នុងពិធីប្រកាសចូលកាន់តំណែងអនុប្រធានពន្ធនាគាខេត្ត នៅថ្ងៃទី០១ ខែវិច្ឆិកានេះ នៅពន្ធនាគារខេត្តបន្ទាយមានជ័យ ។ លោក អ៊ុង…
បន្ទាយមានជ័យ ៖ មន្ត្រីពន្ធនាគារត្រូវទប់ស្កាត់ឲ្យបានចំពោះបទល្មើសដែលលួចបង្កប់នាំចូលក្នុងពន្ធនាគារមិនត្រូវឲ្យកើតមានឡើយ អគ្គនាយករងនៃអគ្គនាយកដ្ឋានពន្ធនាគារបានលើកឡើងក្នុងពិធីប្រកាសចូលកាន់តំណែងអនុប្រធានពន្ធនាគាខេត្ត នៅថ្ងៃទី០១ ខែវិច្ឆិកានេះ នៅពន្ធនាគារខេត្តបន្ទាយមានជ័យ ។
លោក អ៊ុង ស៊ីផាន ប្រធានពន្ធនាគារខេត្តបន្ទាយមានជ័យបានបញ្ជាក់ថា ការងារគ្រប់គ្រងជនជាប់ឃុំជាក់ស្តែងមានចំនួន១,៥៤៥នាក់ ស្រី៨៥នាក់ ជនត្រូវចោទ៣៤៦នាក់ ស្រី២៤នាក់ ជនជាប់ចោទ៣៥១នាក់ ស្រី១៥នាក់ ពិរុទ្ធជន ៣៣៥នាក់ ស្រី១៣នាក់ ទណ្ឌិត៥១៣នាក់ ស្រី៣៣នាក់ អនីតិជន១១៩នាក់ ស្រី០៦នាក់ មានជនជាតិបរទេស៥៥នាក់ ស្រី០៣នាក់ មានជនជាតិថៃ២២នាក់ស្រី១នាក់ ជនជាតិវៀតណាម៤នាក់ស្រី១នាក់ ជនជាតិឥណ្ឌូនេស៊ី៤នាក់ ជនជាតិចិន២១នាក់ ជានជាតិAURDUN២នាក់ ជានជាតិJORDANIAN០២នាក់ ជនជាតិឡាវ០១នាក់ កុមារតាមម្តាយ៦នាក់ ស្រី៤នាក់ មានបទល្មើសគ្រឿងញៀនចំនួន៩៦៧នាក់ ស្រី៧០នាក់ ។
លោក គឹម វណ្ណៈ អភិបាលរងខេត្តបន្ទាយមានជ័យមានប្រសាសន៍កោតសរសើរចំពោះមន្ត្រីពន្ធនាគារដែលបានយកចិត្តទុកដាក់ការពារសុវត្ថិភាពក្នុងពន្ធនាគារបានល្អប្រសើរគ្មានបទល្មើសកើតឡើងក្នុងពន្ធនាគារ ។
លោក សែម ស៊ីណង់ អគ្គនាយករងនៃអគ្គនាយកដ្ឋានពន្ធនាគារបានមានប្រសាសន៍ថាក្រោយពេលប្រកាសតែងតាំងមុខតំណែងអនុប្រធានពន្ធនាគារ ប្រធានការិយាល័យ ប្រធានផ្នែក និងអនុប្រធានផ្នែក បន្ទាប់ពីទទួលភារកិច្ចហើយ ត្រូវខិតខំប្រឹងប្រែងធ្វើយ៉ាងណាត្រូវទប់ស្កាត់ឲ្យបាននៅល្មើសដែលលួចបង្កប់នាំចូលក្នុងពន្ធនាគារធ្វើយ៉ាងណាមិនឲ្យកើតមានឡើយ ៕ កែសម្រួលដោយ ៖ សុឃាក់
ចែករំលែកព័តមាននេះ