ក្នុងដំណើរទស្សនកិច្ចនៅប្រទេសថៃ និងទៅផ្សព្វផ្សាយវប្បធម៌នៅខេត្តសុរិន្ទ អ្នកនាង ឆៃលី ដាឡែន បានបង្ហាញរូបថតកៀកកើយជាមួយតារាសម្ដែងវ័យក្មេងគឺលោក រុន ណាកូ ដែលរូបថតរបស់អ្នកទាំងពីរគ្រាន់តែបង្ហោះនៅក្នុងបណ្តាញសង្គមភ្លាមក៏មានរិះគន់ជាច្រើនលើអ្នកចម្រៀងស្រីរូបនេះ ។
បើទោះជាមានការលើកឡើងមិនល្អជាច្រើនគ្រប់សកម្មភាពក្រោយពីបែកបាក់ពីស្វាមីរបស់អ្នកនាងក៏ដោយ ប៉ុន្តែសម្រាប់ ឆៃលី ដាឡែន បានលើកឡើងយ៉ាងខ្លីថា មិនខ្វល់ ហើយ អ្នកនាងក៏ឈប់បិទសេរីភាពរបស់ខ្លួន ដោយសារពាក្យថា មេម៉ាយចំណាយមាត់ ញាតិទាំងអស់នោះដែរ ។
អ្នកនាងពោលថា ទោះជាសកម្មភាពរបស់អ្នកនាងមើលទៅមិនសមភ្នែកជាមួយបុរសវ័យក្មេងណាមួយ ក៏សកម្មភាពទាំងនោះគឺជារឿងផ្ទាល់ខ្លួន ។ អ្នកនាងអះអាងយ៉ាងខ្លីថា សំខាន់កុំឲ្យតែអ្នកនាងទៅធ្វើអ្វីដែលផ្ទុយនឹងច្បាប់ នោះទើបអ្នកនាងបារម្ភ ។
ឮយ៉ាងណាមិញអ្នកនាងបញ្ជាក់ថា រូបភាពស្វីតៗជាមួយតារារះថ្មីលោក រុន ណាកូ គ្រាន់តែជារូបភាពសិល្ប:ក្នុងក្រុមគ្រួសារតារា កម្ពុជា ក្នុងពេលដែលនាង និងលោក មានឱកាសចេញទៅប្រទេសថៃ រួមគ្នាប៉ុណ្ណោះ មិនមែនមានន័យថា ឲ្យតែអ្នកនាងមានរូបកៀកកើយ ជាមួយបុរសណា សុទ្ធតែស្រលាញ់ប្រុសនោះ នោះឡើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ