តើអាចទៅរួចទេ ដែលមនុស្សពីរជំនាន់ផ្សេងគ្នា មិនធ្លាប់ជួបគ្នាពីមុន មកធ្វើដំណើរផ្សងព្រេងជាមួយគ្នានៅទូទាំងប្រទេសកម្ពុជា ហើយមានទំនាក់ទំនងល្អនឹងគ្នា? «បងធំ ប្អូនប្រុស» ជាកម្មវិធីកម្សាន្តតាមទូរទស្សន៍ថ្មី មិនធ្លាប់មានពីមុន ដែលមានការចូលរួមដោយតារាភាពយន្តដ៏ល្បីលោក…
តើអាចទៅរួចទេ ដែលមនុស្សពីរជំនាន់ផ្សេងគ្នា មិនធ្លាប់ជួបគ្នាពីមុន មកធ្វើដំណើរផ្សងព្រេងជាមួយគ្នានៅទូទាំងប្រទេសកម្ពុជា ហើយមានទំនាក់ទំនងល្អនឹងគ្នា? «បងធំ ប្អូនប្រុស» ជាកម្មវិធីកម្សាន្តតាមទូរទស្សន៍ថ្មី មិនធ្លាប់មានពីមុន ដែលមានការចូលរួមដោយតារាភាពយន្តដ៏ល្បីលោក ទេព រិនដារ៉ូ និងតារាល្បីវ័យក្មេងក្នុងបណ្តាញសង្គមលោក ហេង វិសាល ។
ថ្មីប្លែកទៀតហើយ នៅក្នុងវគ្គថ្មីសប្តាហ៍នេះ ហេង វិសាល នឹងទទួលបានបទពិសោធន៍ជីវិតដោយគ្មានទូរស័ព្ទប្រើ ចំណែកលោក ទេព រិនដារ៉ូ វិញផ្ចិតផ្ចង់យ៉ាងខ្លាំងក្នុងការធ្វើក្អមឆ្នាំងនៅក្នុងខេត្តកំពង់ឆ្នាំង ។ ប៉ុន្តែដំណើរផ្សងព្រេងមិនបញ្ចប់ត្រឹមប៉ុណ្ណឹងទេ ព្រោះពួកគាត់ត្រូវរកគ្រប់មធ្យោបាយ ដើម្បីលក់របស់ដែលពួកគាត់ផលិតបាន ។
កំពង់ឆ្នាំងជាខេត្តទី៣ សម្រាប់បងប្អូនទាំងពីរនាក់នេះ បន្ទាប់ពីពួកគាត់បញ្ចប់ដំណើរផ្សងព្រេងនៅខេត្តកំពត និង កោះកុង ។ ដំណើរផ្សងព្រេងនេះនឹងបន្តទៅខេត្តបាត់ដំបង សៀមរាប ព្រះសីហនុ រតនគិរី និង មណ្ឌលគិរី ។
គ្រប់វគ្គនីមួយៗនឹងបង្ហាញឲ្យឃើញតាមរយៈលោក ទេព រិនដារ៉ូ និង ហេង វិសាល នៅក្នុងស្ថានភាពផ្សេងៗ ឬបទពិសោធន៍ធ្វើរឿងរ៉ាវដែលពួកគាត់មិនធ្លាប់ធ្វើពីមុន ។ ម្នាក់ៗនឹងបង្ហាញពីការបើកចិត្តទទួលយកបទពិសោធន៍ថ្មីៗ និងការបង្កើតចំណងមិត្តភាពល្អនឹងគ្នា ។
ជួបជាមូយលោក ទេព រិនដារ៉ូ និង ហេង វិសាល និងក្នុងកម្មវិធី «បងធំ ប្អូនប្រុស» ដែលនឹងធ្វើការចាក់ផ្សាយតាមរយៈទូរទស្សន៍ប៉ុស្តិ៍លេខ ៥ ៕
សូមទស្សនាវីដេអូសាច់រឿងទាំងមូល ៖
ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ