ពិតជាខ្លាំងមែន !នៅថ្ងៃនេះប្រាក់យ៉េនជប៉ុនមានកណ្តាប់ដៃធ្ងន់ជាងប្រាក់រៀលខ្មែរ នេះបើធៀបទៅនឹងថ្ងៃម្សិលមិញដែលបង្ហាញថា ប្រាក់រៀលបានធ្លាក់ថ្លៃបន្តិច ។ ធនាគារ អេស៊ីលីដា ភីអីលស៊ី ឲ្យដឹងថានៅថ្ងៃទី០១ ខែវិច្ឆិកានេះ ១យ៉េនជប៉ុនមានអត្រាទិញរហូតដល់៣៧,០៨៩៤ រៀល អត្រាលក់ ៣៨,១០៤៦ រៀល ដែលកាលពីថ្ងៃម្សិលមិញមានអត្រាទិញត្រឹមតែ ៣៦,៨១១៦រៀល និងអត្រាលក់ ៣៧,៨០៣៥ រៀលប៉ុណ្ណោះ ។
ដោយឡែកថ្ងៃនេះដែរ សូមមកដឹងពីហាងឆេងអត្រាប្តូរប្រាក់ដុល្លារអាមេរិកធៀបនឹងប្រាក់នៃបណ្តាប្រទេសផ្សេងៗដែលមានដូចជា ៖ ១ដុល្លារមានអត្រាទិញ ៤.០៦៥,០០រៀល អត្រាលក់ ៤.០៨១,០០រៀល , ១ដុល្លារមានអត្រាទិញ ១០៧,១០ យ៉េនជប៉ុន អត្រាលក់១០៩,៦០ យ៉េនជប៉ុន ។
ចំពោះដុល្លារអាមេរិកធៀបនឹងលុយបាតថៃវិញ គឺ១ដុល្លារមានអត្រាទិញ៣០,០៣៦៩ បាត អត្រាលក់ ៣០,២៨២៥បាត និង១ដុល្លារមានអត្រាទិញ ២៣.១០០,០០ ដុងវៀតណាម អត្រាលក់ ២៣.៦០០,០០ ដុងវៀតណាម ៕ កែសម្រួលដោយ ៖ សុឃាក់
ចែករំលែកព័តមាននេះ