តើបុរសដែលមានជាងគេលើលោកមានទ្រព្យសម្បត្តិច្រើនប៉ុណ្ណា?
លោក ជេហ្វ បេសូស (Jeff Bezos) គឺជាបុរសដែលមានទ្រព្យសម្បត្តិច្រើនជាងគេលើលោកឬប្រមាណ ១១០ប៊ីលានដុល្លារក្នុងឆ្នាំ ២០១៩ នេះ និងជានាយកប្រតិបត្តិរបស់ក្រុមហ៊ុន…
លោក ជេហ្វ បេសូស (Jeff Bezos) គឺជាបុរសដែលមានទ្រព្យសម្បត្តិច្រើនជាងគេលើលោកឬប្រមាណ ១១០ប៊ីលានដុល្លារក្នុងឆ្នាំ ២០១៩ នេះ និងជានាយកប្រតិបត្តិរបស់ក្រុមហ៊ុន…
លោក ជេហ្វ បេសូស (Jeff Bezos) គឺជាបុរសដែលមានទ្រព្យសម្បត្តិច្រើនជាងគេលើលោកឬប្រមាណ ១១០ប៊ីលានដុល្លារក្នុងឆ្នាំ ២០១៩ នេះ និងជានាយកប្រតិបត្តិរបស់ក្រុមហ៊ុន Amazon ។ ប៉ុន្តែប្រាក់បៀវត្សន៍ប្រចាំឆ្នាំរបស់លោកមានតែប្រមាណ ៨១,៨៤០ដុល្លារប៉ុណ្ណោះ ។
កត្តាដែលធ្វើឲ្យលោកក្លាយជាបុរសដែលមានទ្រព្យច្រើនជាងគេគឺភាគហ៊ុន Amazon របស់លោក ដែលធ្វើឲ្យលោកអាចរកប្រាក់ចំណូលបានប្រមាណ ៨.៩លានដុល្លារឯណោះក្នុងមួយឆ្នាំ ។ មានន័យថាក្នុងមួយនាទី លោករកបាន ១៤៩,៣៥៣ដុល្លារ និង ២,៤៨៩ដុល្លារក្នុងមួយវិនាទី ។
ប្រសិនបើធៀបនឹងគ្រួសាររាជវង្សរបស់ប្រទេសអង់គ្លេសវិញ លោក បេសូស មានទ្រព្យសម្បត្តិលើសប្រមាណ ៣៥% ព្រោះគ្រួសាររាជវង្សអង់គ្លេសមានតែ ៨៨ប៊ីលានដុល្លារទេបើយោងតាមទស្សនាវដ្តី Forbes ។
លោកបានវិនិយោគលើក្រុមហ៊ុនជាច្រើនផងដែរដូចជា Google នៅឆ្នាំ ១៩៩៨ ដែលលោកបានវនិយោគ ១លានដុល្លារ ។ តាមរយៈក្រុមហ៊ុន Bezos Expeditions របស់លោក លោកក៏បានវិនិយោគលើក្រុមហ៊ុនបច្ចេកវិទ្យាដទៃដូចជា Grail ជាដើម ។ នៅឆ្នាំ ២០១៣ លោកបានទិញ The Washington Post ក្នុងតម្លៃ ២៥០លានដុល្លារ ។
ក្រៅពីការវិនិយោគទាំងនេះ លោកក៏ស្ថិតក្នុងចំណោមជនជាតិអាមេរិកដែលមានអចលនទ្រព្យច្រើនជាងគេដែរ ។ លោកនិងគ្រួសាររបស់លោកមានផ្ទះទាំងអស់ ៥ នៅសហរដ្ឋអាមេរិក ។ ប៉ុន្តែបើនិយាយបីការធ្វើដំណើរវិញ លោកធ្លាប់ជាមនុស្សដែលរិះលើការចំណាយលើរថយន្ត ។ ដូចនៅឆ្នាំ ២០១៣ លោកនៅបើកបររថយន្ត Honda Accord របស់លោកនៅឡើយ ។ ប៉ុន្តែលោកមិនរិះច្រើនទេលើការធ្វើដំណើរផ្លូវអាកាស ។ លោកមានយន្តហោះផ្ទាល់ខ្លួនមួយតម្លៃ ៦៥លានដុល្លារឯណោះ ។ មានពេលខ្លះទៀត លោកក៏ចូលចិត្តអាហារថ្លៃៗដែរដូចជាទទួលទានមឹកយក្សសម្រាប់អាហារពេលព្រឹកជាដើម ។
ទាក់ទងនឹងអំពើសប្បុរសធម៌វិញ លោកបេសូស មិនសកម្មដូចលោក វ៉ារេន បាហ្វេ (Warren Buffett) និងលោកប៊ីល ហ្គេតស៍ (Bill Gates) ឡើយ ។ ប៉ុន្តែលោកបានបរិច្ចាគថវិកាជាច្រើនឲ្យអង្គការសប្បុរសធម៌ផ្សេងៗក្នុងសហរដ្ឋអាមេរិក ៕ កែសម្រួលដោយ ៖ សុឃាក់
ចែករំលែកព័តមាននេះ