រាជធានីភ្នំពេញ ៖ ឯកអគ្គរដ្ឋទូតគូបាដែលចប់អាណត្តិបានវាយតម្លៃ និងទទួលស្គាល់ការរីក ចម្រើនលើគ្រប់វិស័យរបស់ប្រទេសកម្ពុជា ក្រោយការដឹកនាំរបស់រាជរដ្ឋាភិបាល នាពេល បច្ចុប្បន្ននេះ ។ ក្នុងជំនួបសម្តែងការគួរសម និងជំរាបលាសម្តេច វិបុល សេនាភក្តីសាយ ឈុំប្រធានព្រឹទ្ធសភា កម្ពុជានាព្រឹកថ្ងៃទី៣១ ខែតុលានេះ នៅវិមានព្រឹទ្ធសភា លោក Juan de Jesús Hidalgo-Gato Pérez បានថ្លែងអំណរគុណចំពោះសម្តេចប្រធានព្រឹទ្ធសភា ដែលបានចំណាយពេលវេលាដ៏មានតម្លៃ អនុញ្ញាតឲ្យឯកឧត្តម ចូលជួបសម្តែងការគួរសម និងជម្រាបលានាពេលនេះ ។
លោកដ្ឋទូតបានកត់សម្គាល់ថា ក្នុងអំឡុងពេលបេសកកម្មការទូតរបស់លោកនៅកម្ពុជា លោក បានទទួលការគាំទ្រពីព្រឹទ្ធសភា រដ្ឋសភា រាជរដ្ឋាភិបាល និងគ្រប់ស្ថាប័នជាតិនៃព្រះរាជាណាចក្រកម្ពុជាដែលជំរុញឲ្យទំនាក់ទំនង និងកិច្ចសហប្រតិបត្តិការរវាងប្រទេសទាំងពីរកម្ពុជា-គូបា មានការរីកចម្រើន ។ ជាមួយគ្នានេះលោកក៏បានវាយតម្លៃខ្ពស់ចំពោះការរីកចម្រើន និងការអភិវឌ្ឍយ៉ាងឆាប់រហ័សលើគ្រប់វិស័យ ក្រោមការដឹកនាំរបស់សម្តេចតេជោនាយរដ្ឋមន្ត្រីនៃព្រះរាជាណាចក្រកម្ពុជា ។
ក្នុងនាមព្រឹទ្ធសភា និងក្នុងនាមសម្តេចផ្ទាល់ សម្តេចវិបុលសេនាភក្តីសាយ ឈុំ បានសម្តែងនូវការកោតសរសើរ និងវាយតម្លៃខ្ពស់ចំពោះជោគជ័យនៃបេសកកម្មការទូតរបស់ឯកអគ្គរដ្ឋទូត ដែលបានរួមចំណែកពង្រឹងពង្រីកកិច្ចសហប្រតិបត្តិការរវាងប្រទេស និងប្រជាជនទាំងពីរឲ្យទ ទួលបានផលប្រយោជន៍ទៅវិញទៅមក ។
សម្តេចប្រធានព្រឹទ្ធសភាបានបន្តថា ស្ថានទូតគូបាប្រចាំព្រះ រាជាណាចក្រកម្ពុជាបានបំពេញភារកិច្ចយ៉ាងល្អប្រសើរ និងមានទំនាក់ទំនង និងកិច្ចសហប្រតិបត្តិការល្អជាមួយនឹងថ្នាក់ដឹកនាំ មន្ត្រីគ្រប់លំដាប់ថ្នាក់ និងជាមួយនឹងក្រសួងស្ថាប័ន អាជ្ញាធរ ខេត្ត ក្រុង ជាពិសេសជាមួយនឹងប្រជាជនកម្ពុជា ។ សម្តេចប្រធានព្រឹទ្ធសភាបានសម្តែងនូវសេចក្តីពេញចិត្ត និងវាយតម្លៃខ្ពស់ចំពោះចំណងមិត្តភាព និងកិច្ចសហប្រតិបត្តិការដ៏ល្អរវាងប្រជាជន និងប្រទេសទាំងពីរដែលមានការរីកចម្រើនឥតឈប់ឈរលើគ្រប់វិស័យ ។
សម្តេចប្រធានព្រឹទ្ធសភាបានថ្លែងអំណរគុណដ៏ជ្រាលជ្រៅចំពោះស្ថានទូតគូបាប្រចាំព្រះរាជា ណចក្រកម្ពុជា ដែលជួយសម្របសម្រួលឲ្យមន្ត្រីអគ្គលេខាធិការដ្ឋានព្រឹទ្ធសភាចំនួន៥រូបបានទៅសិក្សាភាសាអេស្បាញនៅប្រទេសគូបា និងបានបន្តផ្តល់អាហារូបករណ៍ដល់និស្សិតកម្ពុជា ដែលបច្ចុប្បន្នមាននិស្សិតកម្ពុជាចំនួន១៧នាក់ កំពុងសិក្សានៅប្រទេសគូបា ។ សម្តេចសង្ឃឹមថា ប្រទេសគូបានឹងបន្តបង្កើនចំនួនអាហារូបករណ៍ដល់និស្សិតកម្ពុជាបន្ថែមទៀត ។
ក្នុងនាមព្រឹទ្ធសភា និងប្រជាជនកម្ពុជា សម្តេចប្រធានព្រឹទ្ធសភានឹងត្រៀមខ្លួនជានិច្ចបន្តធ្វើកិច្ចសហប្រតិបត្តិការដ៏ជិតស្និទជាមួយនឹងជាមួយឯកអគ្គរដ្ឋទូតគូបាថ្មី និងស្ថានទូតគូបាប្រចាំព្រះរា ជាណាចក្រកម្ពុជា ដើម្បីរួមចំណែកពង្រឹងពង្រីកចំណងមិត្តភាព និងកិច្ចសហប្រតិបត្តិការ នាំមកនូវ ផល ប្រយោជន៍ទៅវិញទៅមកជូនប្រជាជន និងប្រទេសទាំងពីរ ៕ កែសម្រួលដោយ ៖ សុឃាក់
ចែករំលែកព័តមាននេះ