រាធានីភ្នំពេញ ៖ ក្នុងនាមជាសមាជិកសហភាពអឺរ៉ុបមួយសហភាពអាល្លឺម៉ង់ថា នឹងខិតខំជួយដោះស្រាយបញ្ហាប្រឈមរវាងសហភាពអឺរ៉ុបជាមួយកម្ពុជា តែកម្ពុជាក៏ត្រូវខិតខំដោះស្រាយបញ្ហានេះដោយខ្លួនឯងផងដែរ ។ នេះបើតាមលោកទូតអាល្លឺម៉ង់ថ្មីប្រចាំនៅកម្ពុជា ។ លោក កែវ…
រាធានីភ្នំពេញ ៖ ក្នុងនាមជាសមាជិកសហភាពអឺរ៉ុបមួយសហភាពអាល្លឺម៉ង់ថា នឹងខិតខំជួយដោះស្រាយបញ្ហាប្រឈមរវាងសហភាពអឺរ៉ុបជាមួយកម្ពុជា តែកម្ពុជាក៏ត្រូវខិតខំដោះស្រាយបញ្ហានេះដោយខ្លួនឯងផងដែរ ។ នេះបើតាមលោកទូតអាល្លឺម៉ង់ថ្មីប្រចាំនៅកម្ពុជា ។
លោក កែវ ពិសិដ្ឋ នាយកខុទ្ធកាល័យសម្តេចហេង សំរិន ប្រធានរដ្ឋសភាបាឲ្យដឹងថា ក្នុងជំនួបពិភាក្សាការងារជាមួយសម្តេច ហេង សំរិន ប្រធានរដ្ឋសភា នាព្រឹកថ្ងៃទី៣១ ខែតុលា នៅវិមានរដ្ឋសភា លោកគ្រីស្ទាន បែកហ្គឺ (christian Berger) ឯកអគ្គរដ្ឋទូតសហព័ន្ធអាល្លឺម៉ង់បា នលើកឡើងថា បច្ចុប្បន្នទំនាក់ទំនងកិច្ចសហប្រតិបត្តិការកម្ពុជា និងអាល្លឺម៉ង់មានភាពល្អប្រសើរ ដោយពេលកន្លងមកថ្មីៗមកនេះ ប្រទេសទាំងពីរបានធ្វើការផ្លាស់ប្តូរទស្សនកិច្ចរវាងក្រសួងនានា ។
ជាក់ស្តែងនោះ ដំណើរទស្សនៈកិច្ចរបស់សម្តេចក្រឡាហោម ស ខេង ឧបនាយករដ្ឋមន្ត្រីនៅ ប្រទេសអាល្លឺម៉ង់ទទួលបានជោគជ័យ ។ លោកបន្តថា កិច្ចសហប្រតិបត្តិការទ្វេភាគីនេះមានតាមរយៈទស្សនៈកិច្ចការផ្លាស់ប្តូរទស្សនៈកិច្ចរវាងគ្នាទៅវិញទៅមក ។ លោកបញ្ជាក់ថា ៖«អាល្លឺម៉ង គឺជាសមាជិកសភាពអឺរ៉ុប (EU) ដូច្នេះមិនអាចមើលរំលងពីកម្ពុជាផងដែរ ដោយខិតខំរួមចំណែកដោះស្រាយបញ្ហានានា ដើម្បីផលប្រយោជន៍កម្ពុជា» ។ លោកបន្ថែមថា ក្នុងនាមសមាជិកសភាពអឺរ៉ុបម្នាក់ឯងក៏មិនអាចដោះស្រាយបញ្ហាបាន ប៉ុន្តែអាល្លឺម៉ង់នឹងខិតខំរួមចំណែកដោះស្រាយបញ្ហា តែសំខាន់រាជរដ្ឋាភិកម្ពុជាត្រូវធ្វើកិច្ចសហការជាមួយសហភាពអឺរ៉ុបដោយផ្ទាល់ ដើម្បីធ្វើយ៉ាងណាដោះស្រាយបញ្ហាពាក់ព័ន្ធនឹងនយោបាយពាណិជ្ជកម្មជាមួយបណ្តាប្រទេសជាសមាជិក EU ។
លោកទូតក៏បានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីចូលរួមចំណែកជួយដល់កម្ពុជាផងដែរ ។ សម្តេច ហេង សំរិន បានស្វាគមន៍បេសកកម្មការទូតរបស់លោក គ្រីស្ទាន បែកហ្គឺ នៅកម្ពុជា ។ សម្តេចបានគូសបញ្ជាក់ថា រដ្ឋសភាកម្ពុជា សូមគាំទ្រ និងសន្យាធ្វើកិច្ចសហប្រតិបត្តិការឲ្យបានពេញលេញ ដើម្បីបេសកកម្មការទូតរបស់ឯកឧត្តមនៅកម្ពុជាទទួលបានជោគជ័យ ។
សម្តេចប្រធានរដ្ឋសភាបានលើកឡើងថា អាល្លឺម៉ង់ជាប្រទេសមួយនៅក្នុងចំណោមប្រទេសសមាជិកសហភាពអឺរ៉ុប ដែលបាននាំចូលទំនិញពីកម្ពុជាច្រើនជាងគេក្នុងចំណោមប្រទេសសមាជិកសហភាពអឺរ៉ុប ។ ហើយអាល្លឺម៉ង់ជាប្រទេសដែលបានផ្តល់ជំនួយយ៉ាងច្រើនសន្ធឹកសន្ធាប់ដល់កម្ពុជា លើគំរោងការអភិវឌ្ឍន៍នានា ជាង៧០គម្រោងកន្លងមកនេះ ។
សូមជម្រាបថា កម្ពុជានិងសហព័ន្ធអាល្លឺម៉ង់ មានទំនាក់ទំនងការទូតជាមួយគ្នា តាំងពីចុងឆ្នាំ១៩៦៧ ហើយទំនាក់ទំនងដ៏ល្អនេះត្រូវបានបន្តលើកកម្ពស់កាន់តែល្អប្រសើរពីមួយថ្ងៃទៅមួយថ្ងៃ ៕ កែសម្រួលដោយ ៖ សុឃាក់
ចែករំលែកព័តមាននេះ