ល្បុក្កតោកម្ពុជា មានទឹកមាត់លេបក្នុងព្រឹត្តិការណ៍ស៊ីហ្គេម
- ភ្នំពេញ
រាជធានីភ្នំពេញ ៖ បន្ទាប់ពីក្រុមកីឡាករល្បុក្កតោកម្ពុជា ឈ្នះមេដាយមាសដល់ទៅ៦ក្នុងប្រភេទទម្ងន់ផ្សេងគ្នា ពីការប្រកួត Pre-SEA Games លើវិញ្ញាសា Arnis នៅសាធារណរដ្ឋ…
រាជធានីភ្នំពេញ ៖ បន្ទាប់ពីក្រុមកីឡាករល្បុក្កតោកម្ពុជា ឈ្នះមេដាយមាសដល់ទៅ៦ក្នុងប្រភេទទម្ងន់ផ្សេងគ្នា ពីការប្រកួត Pre-SEA Games លើវិញ្ញាសា Arnis នៅសាធារណរដ្ឋ…
រាជធានីភ្នំពេញ ៖ បន្ទាប់ពីក្រុមកីឡាករល្បុក្កតោកម្ពុជា ឈ្នះមេដាយមាសដល់ទៅ៦ក្នុងប្រភេទទម្ងន់ផ្សេងគ្នា ពីការប្រកួត Pre-SEA Games លើវិញ្ញាសា Arnis នៅសាធារណរដ្ឋ កូរ៉េ និងបន្ទាប់ពីវិញ្ញាសាបញ្ចេញក្បាច់គុននេះ ត្រូវបានដាក់បញ្ចូលក្នុងព្រឹត្តិការណ៍ស៊ីហ្គេមលើកទី៣០នៅប្រទេសហ្វ៊ីលីពីនឆ្នាំនេះ ហាក់ធ្វើឲ្យម្នាក់ៗមានក្ដីសង្ឃឹមយ៉ាងខ្លាំងសម្រាប់ការប្រកួតក្នុងពេលដ៏ខ្លីខាងមុខ ។
ក្ដីរំពឹងរបស់កម្ពុជាលើវិញ្ញាសាល្បុកត្តោនេះ ស្របពេលដែលក្បាច់គុននេះ ត្រូវបានគ្រូបង្វឹកបញ្ជូនសិស្សដែលជាធនធានឲ្យត្រៀមខ្លួនច្បាស់លាស់ តាំងពីមុនឈ្នះនិងក្រោយឈ្នះមេដាយ
មាសរហូតមកដល់បច្ចុប្បន្ន ។
អ្នកឃ្លាំមើលយល់ឃើញដូចគ្នាថា ក្រុមកីឡាករល្បុក្កតោកម្ពុជាកាន់តែបង្ហាញភាពលេច ធ្លោក្នុងចំណោមកីឡាករទាំង៤ប្រទេស ដែល មានកីឡាក្បាច់គុនខ្លាំងៗនៅក្នុងតំបន់អាស៊ី។ ការយល់ឃើញនេះ គឺបន្ទាប់ពីក្រុមកម្ពុជាចូលរួមប្រកួត Pre-SEA Games លើវិញ្ញាសាដំបងខ្លី Arnis ដែលជាក្បាច់គុនវប្បធម៌ប្រពៃណីរបស់ហ្វ៊ីលីពីនមុននេះ ហើយឈ្នះមេដាយមាសដល់ទៅ៦ ជូនជាតិ ។ ការប្រកួតនេះ ក៏ទើបតែបញ្ចប់ក្ដៅៗ ដែលមិនខុសពីសញ្ញាល្អឬក្ដីសង្ឃឹមមួយរបស់វិញ្ញសានេះនៅស៊ីហ្គេម ។
កីឡា Arnis ខុសពីវិញ្ញាសាដំបងខ្លីក្នុងគុនល្បុក្កតោ ដោយសារតម្រូវឲ្យកីឡាករស្លៀក ពាក់ខោអាវ និងមួក ការពារដងខ្លួននិងក្បាលដើម្បីការពារកុំឲ្យមានរបួស ឬគ្រោះថ្នាក់ផ្សេងៗ ពីការវាយរបស់កីឡាករដែលមានដំបងខ្លីរៀងៗ ខ្លួន ។ ក្រោយពីឆ្លងកាត់ការប្រកួតយ៉ាងស្វិត ស្វាញ ក្រុមកីឡាករល្បុក្កតោកម្ពុជាដណ្តើម បានមេដាយមាសចំនួន៦ ដែលជួយឲ្យកម្ពុជាមាន ភាពលេចធ្លោខ្លាំងក្នុងការប្រកួតនេះ ។
មេដាយមាសទាំង៦នេះរកបានម្នាក់មួយ ដោយ កីឡាការិនី ខៀវ ចិន្តារ័ត្ន, យស់ សញ្ចនា, ពេជ្រ ពន្លឺ, សុខ ប៊ុនយ៉ុង, មឿន ប៊ុនលី និង ឈឹម សីលា ខណៈដែលសមាសភាពជាធនធានទាំងនេះ ក៏បានត្រៀមខ្លួនខ្លាំងឡើងសម្រាប់ស៊ីហ្គេមនៅចុងឆ្នាំនេះ ។
លោក អ៊ូ តារា អគ្គលេខាធិការសហព័ន្ធ កីឡាគុនល្បុក្កតោកម្ពុជាថ្លែងថា កត្តាដែលធ្វើឲ្យក្រុមកីឡាករល្បុក្កតោកម្ពុជាទទួលជោគជ័យបែបនេះ ដោយសារពួកគេមានទុនស្រាប់ក្នុងគុនល្បុក្កតោ ។ ម្យ៉ាងទៀត ពួកគេបានហ្វឹកហាត់ ពង្រឹងសមត្ថភាពត្រៀមការប្រកួតនេះអស់ រយៈ ពេលជាច្រើនខែមកហើយ ។ តាមរយៈជ័យជម្នះនេះ ធ្វើឲ្យកម្ពុជាមានរំពឹងខ្ពស់សម្រាប់ ការ
ប្រកួតកីឡាស៊ីហ្គេមនៅប្រទេសហ្វ៊ីលីពីន ។
លោកបន្តថា សម្រាប់ស៊ីហ្គេមនៅប្រទេសហ្វ៊ីលីពីនឆ្នាំនេះ ប្រទេសដែលកម្ពុជាត្រូវប្រឈមជាមួយដូចជាវៀតណាម និងមីយ៉ាន់ម៉ា ក្រុមកម្ពុជាមិនបារម្ភទេ ដោយលោកសង្ឃឹមថានឹង ទទួលបានលទ្ធផលល្អសម្រាប់ការប្រកួតស៊ីហ្គេមឆ្នាំនេះផង ។ ដោយសារកីឡាករកីឡាការិនី កម្ពុជា
មានមូលដ្ឋានគ្រឹះពីក្បាច់គុនដំបងល្បុក្កតោ រួចជាស្រេច ដូច្នេះវាមិនពិបាកទេសម្រាប់ការបត់បែនតាមវិញ្ញាសាស៊ីហ្គេម ។
នេះជាការបង្ហាញក្តីរំពឹងរបស់លោក អ៊ូ តារា ដែលបានដឹកនាំក្រុមល្បុក្កតោទៅចូលរួមការប្រកួតនេះ ។ លោកលើកឡើងបែបនេះ គឺដោយ សារតែការប្រកួតដែលកម្ពុជាទើបបានមេដាយក្ដៅៗកាលពីខែកញ្ញា ឆ្នាំ២០១៩ ដែលមានកីឡា ករកីឡាការិនីមកពី៤ប្រទេសចូលរួមមាន កម្ពុជា ហ្វ៊ីលីពីន វៀតណាម និងមីយ៉ាន់ម៉ា ហើយកម្ពុជាលេចធ្លោជាងគេ ខណៈដែលហ្វ៊ីលីពីននៅតែរក្សាវិញ្ញាសានេះសម្រាប់ស៊ីហ្គេមដដែល ។ លោកថ្លែងថា ការប្រកួតធ្វើឡើងនៅប្រទេសកូរ៉េ ក៏រៀបចំដោយគណៈកម្មការរៀបចំការប្រកួតកីឡា Arnis របស់ហ្វ៊ីលីពីនដែរ ទើបរឹតតែជាបទពិសោធន៍មានស្រាប់របស់ក្រុមកម្ពុជា ។
ក្រសួងអប់រំ យុវជន និងកីឡា បានបញ្ជាក់ដែរ ថា នឹងបញ្ជូនប្រភេទក្បាច់គុនល្បុកត្តោ ដែលជាវិញ្ញាសាមួយក្នុងចំណោម៣០វិញ្ញាសាឲ្យចូល រួមប្រកួតក្នុងព្រឹត្តិការណ៍កីឡាកីឡាស៊ីហ្គេមនៅហ្វ៊ីលីពីននាឆ្នាំនេះ ដែលការប្រកួតនឹងប្រព្រឹត្តទៅពីថ្ងៃទី៣០ ខែវិច្ឆិកាដល់ថ្ងៃទី១១ ខែធ្នូ ឆ្នាំ ២០១៩ ។
កម្ពុជារំពឹងថា ស៊ីហ្គេមឆ្នាំនេះ ខ្លួនក៏ទទួលបានលទ្ធផលល្អជាងមុនផងដែរ បន្ទាប់ពីរំពឹងលើប្រភេទកីឡារបស់កម្ពុជាដែលទើបមានសក្តានុពលថ្មីៗ និងត្រូវបានគេជឿថា នឹងជួយដណ្ដើមយកមេដាយបន្ថែមពីលើវិញ្ញាសាមួយចំនួនដែលធ្លាប់បានមេដាយស្រាប់ ។ ការរំពឹងនេះ គឺបន្ទាប់ពីការប្រកួតស៊ីហ្គេមលើកទី២៩ នៅប្រទេសម៉ាឡេស៊ី កាលពីឆ្នាំ២០១៧កន្លងទៅ កម្ពុជាដណ្តើមបានមេដាយមាស៣ ប្រាក់២ និង សំរឹទ្ធិ១២ ៕ (កែសម្រួលដោយ ៖ បុប្ផា)
ចែករំលែកព័តមាននេះ