ខេត្តកំពង់ស្ពឺ ៖ បើតាមសេចក្តីរាយការណ៍បឋមបានឱ្យដឹងថា ផ្ទះ១ខ្នងធ្វើអំពីឈើប្រក់ស័ង្កសី ត្រូវបានភ្លើងឆាបឆេះគ្មានសល់ដោយសារស្នាដៃបុរសជាប្តីដែលមានកំហឹងទប់មិនជាប់ ក្រោយពេលឈ្លោះគ្នាជាមួយប្រពន្ធ បណ្តាលឱ្យងាប់សត្វគោ2ក្បាល ព្រមទាំងខូចខាតសម្ភារប្រើប្រាស់មួយចំនួនធំផងដែរ។ ករណីអគ្គិភ័យនេះកើតឡើងកាលពីម៉ោង៦និង30នាទីល្ងាច ថ្ងៃទី29…
ខេត្តកំពង់ស្ពឺ ៖ បើតាមសេចក្តីរាយការណ៍បឋមបានឱ្យដឹងថា ផ្ទះ១ខ្នងធ្វើអំពីឈើប្រក់ស័ង្កសី ត្រូវបានភ្លើងឆាបឆេះគ្មានសល់ដោយសារស្នាដៃបុរសជាប្តីដែលមានកំហឹងទប់មិនជាប់ ក្រោយពេលឈ្លោះគ្នាជាមួយប្រពន្ធ បណ្តាលឱ្យងាប់សត្វគោ2ក្បាល ព្រមទាំងខូចខាតសម្ភារប្រើប្រាស់មួយចំនួនធំផងដែរ។ ករណីអគ្គិភ័យនេះកើតឡើងកាលពីម៉ោង៦និង30នាទីល្ងាច ថ្ងៃទី29 ខែតុលា ឆ្នាំ 2019 នៅចំណុចភូមិវល្លិ៍ប្រេង ឃុំកាហែង ស្រុកសំរោងទង ។
សេចក្តីរាយការណ៍បន្តថា ម្ចាស់ផ្ទះជាប្ដីឈ្មោះ ភឿន សម្ភស្ស អាយុ22ឆ្នាំ និងប្រពន្ធឈ្មោះ អ៊ីម ហេម អាយុ19ឆ្នាំ អ្នកទាំង២រស់នៅភូមិភូមិ-ឃុំកើតហេតុខាងលើ។
ប្រភពពីសមត្ថកិច្ចបានឱ្យដឹងថា មុនពេលកើតហេតុ បុរសជាប្តីមានទំនាស់ពាក្យសម្ដីជាមួយប្រពន្ធ ដោយទប់កំហឹងមិនជាប់ ស្រាប់តែដុតផ្ទះខ្លួនឯង បណ្តាលឱ្យឆាបឆេះខ្ទេចគ្មានសល់ និងធ្វើឱ្យគោចំនួន២ក្បាលងាប់ត្រូវភ្លើងឆេះងាប់នៅកន្លែងកើតហេតុផងដែរ ។ ហើយផ្ទះដែលបុរសជាប្តីដុតឆេះខ្ទេចនេះ មានទំហំ5គុណ6ម៉ែត្រ ធ្វើអំពីឈើប្រក់ស័ង្កសី សង់ផុតដី (ផ្ទះខ្ពស់) និងឆះអស់គ្រែ2 ពូក1 ទូឈើ1 និសម្ភារប្រើប្រាស់ក្នុងផ្ទះមួយចំនួនទៀត។
ក្រោយពេលកើតហេតុ សមត្ថកិច្ចបានឃាត់ខ្លួនបុរសជាប្តីមកសាកសួរ និងចាត់វិធានការតាមផ្លូវច្បាប់។
ពាក់ព័ន្ធករណីខាងលើនេះ បានប្រើប្រាស់រថយន្ដពន្លត់អគ្គិភ័យចំនួន5គ្រឿង ក្នុងរថយន្ដស្រុកសំរោងទង01គ្រឿង រថយន្ដស្រុកភ្នំស្រួច01គ្រឿង រថយន្ដការិយាល័យអគ្គិភ័យ03គ្រឿង ផងដែរ ប៉ុន្តែប្រើប្រាស់ទឹកពន្លត់អស់ចំនួន01រថយន្ដប៉ុណ្ណោះ៕ (កែសម្រួលដោយ ៖ បុប្ផា)
ចែករំលែកព័តមាននេះ