ខេត្តឧត្តរមានជ័យ ៖ សេចក្តីរាយការណ៍បឋមបានឲ្យដឹងថា រន្ទះបាញ់ឪពុកនឹងកូនប្រុសបណ្តាលឲ្យសន្លប់ទាំង២នាក់ កាលពីវេលាម៉ោង៥ល្ងាច ថ្ងៃទី២៨ តុលានេះ ខណៈកំពុងតែធ្វើពីធីភ្ជាប់ពាក្យកូននៅនឹងលំនៅឋានរបស់ខ្លួន ។ ហេតុការណ៍នេះកើតឡើងនៅក្នុងភូមិព្រះប្រឡាយ…
ខេត្តឧត្តរមានជ័យ ៖ សេចក្តីរាយការណ៍បឋមបានឲ្យដឹងថា រន្ទះបាញ់ឪពុកនឹងកូនប្រុសបណ្តាលឲ្យសន្លប់ទាំង២នាក់ កាលពីវេលាម៉ោង៥ល្ងាច ថ្ងៃទី២៨ តុលានេះ ខណៈកំពុងតែធ្វើពីធីភ្ជាប់ពាក្យកូននៅនឹងលំនៅឋានរបស់ខ្លួន ។ ហេតុការណ៍នេះកើតឡើងនៅក្នុងភូមិព្រះប្រឡាយ ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ ។
សេចក្តីរាយការណ៍បានបន្តថា ជនរងគ្រោះជាឪពុកឈ្មោះ អិន អឿន អាយុ៤៣ឆ្នាំ រងរបួសស្រាល និងម្នាក់ទៀតត្រូវជាកូនឈ្មោះ អេន មេសា អាយុ១០ឆ្នាំ រងរបួសធ្ងន់ ត្រូវបានក្រុមគ្រួសានាំយកមកធ្វើការសង្គ្រោះនៅក្នុងមន្ទីរពេទ្យបង្អែកស្រុកអន្លង់វែង ។
ទាក់ទិននឹងគ្រោះដោយធម្មជាតិរន្ទះបាញ់នេះ ក្រុមគ្រួសារនឹងសាច់ញាតិជនរងគ្រោះបានឲ្យដឹងថា មុនពេលកើតហេតុក្រុមគ្រួសារនេះបានរៀបចំពិធីភ្ជាប់ពាក្យកូនប្រុសស្រី ក្នុងខណៈនោះមេឃឡើងពពកពណ៌ខ្មៅ ក្រោយមកមានធ្លាក់ទឹកភ្លៀងលាយឡំទៅដោយរន្ទះបាញ់ ត្រូវជនរងគ្រោះទាំងពីនាក់ឪពុក និងកូនបណ្តាលឲ្យសន្លប់តែម្តង ។
គ្រូពេទ្យបង្អែកស្រុកអន្លង់វែងបានឲ្យដឹងថា ជនរងគ្រោះដោយគ្រោះធម្មជាតិរន្ទះបាញ់ទាំងពីរនាក់ឪពុក និងកូននោះបន្ទាប់ពីបានដឹកយកមកធ្វើការសង្គ្រោះនៅមន្ទីរពេទ្យស្រុកអន្លង់វែងត្រូវបានគ្រូពេទ្យធ្វើការសង្គ្រោះបានរួចផុតពីសេចក្តីស្លាប់បាត់បង់ជីវិតហើយ ៕ កែសម្រួលដោយ ៖ សុឃាក់
ចែករំលែកព័តមាននេះ