ខេត្តមណ្ឌលគិរី ៖ គិតត្រឹមត្រីមាសទី៣ឆ្នាំ២០១៩ សាខាពន្ធដាខេត្តមណ្ឌលគិរីប្រមូលបានពន្ធបានក្នុងកម្រិតខ្ពស់ផងដែរ ដោយប្រមូលបានចំណូល៣,៩៣៥ លានរៀល ខណៈម្ចាស់អាជីវកម្មខ្នាតតូច ឬអ្នកជាប់ពន្ធតូចជាច្រើននាក់ក្នុងខេត្ត ត្រូវបានសាខាពន្ធដាខេត្តអញ្ជើញឲ្យចូលរួមសិក្សានូវចំណេះដឹងថ្មីៗពាក់ព័ន្ធនិងច្បាប់បទប្បញ្ញត្តិស្ដីពីពន្ធដា ព្រមទាំងបញ្ជីគណនេយ្យសាមញ្ញដែលអាជីវករ…
ខេត្តមណ្ឌលគិរី ៖ គិតត្រឹមត្រីមាសទី៣ឆ្នាំ២០១៩ សាខាពន្ធដាខេត្តមណ្ឌលគិរីប្រមូលបានពន្ធបានក្នុងកម្រិតខ្ពស់ផងដែរ ដោយប្រមូលបានចំណូល៣,៩៣៥ លានរៀល ខណៈម្ចាស់អាជីវកម្មខ្នាតតូច ឬអ្នកជាប់ពន្ធតូចជាច្រើននាក់ក្នុងខេត្ត ត្រូវបានសាខាពន្ធដាខេត្តអញ្ជើញឲ្យចូលរួមសិក្សានូវចំណេះដឹងថ្មីៗពាក់ព័ន្ធនិងច្បាប់បទប្បញ្ញត្តិស្ដីពីពន្ធដា ព្រមទាំងបញ្ជីគណនេយ្យសាមញ្ញដែលអាជីវករ ត្រូវយល់ដឹងបន្ថែម ។
ថ្លែងក្នុងសិក្ខាសាលា នៅថ្ងៃទី២៨ តុលា ២០១៩ លោក ហេង ស៊ីប៉ា ប្រធានសាខាពន្ធដាខេត្តមណ្ឌលគិរី ឲ្យដឹងថា សិក្ខាសាលានេះ គឺនាយកដ្ឋានជាប់ពន្ធតូច-មធ្យម និងសាខាពន្ធដាខេត្តមណ្ឌលគិរីជាមួយរដ្ឋបាលខេត្តធ្វើឡើង គឺចង់ឲ្យអាជ្ញាធរដែនដី និងកម្មសិទ្ធិករជាម្ចាស់ អាជីវកម្ម សហគ្រាស ក្រុមហ៊ុន កាន់តែមានភាពជិតស្នាល-កាន់តែប្រសើរឡើងជាមួយគ្នា និងចង់ឲ្យប្រជាពលរដ្ឋជាកម្មសិទ្ធករបានដឹង អំពីកាតព្វកិច្ចបង់ពន្ធជូនរដ្ឋដើម្បីអភិវឌ្ឍន៍ប្រទេសជាតិ ដែលពលរដ្ឋគ្រប់រូបត្រូវតែបំពេញ និងអ្វីជាការអនុគ្រោះពន្ធ ។ លោក ហេង ស៊ីប៉ា បន្ថែមថា គិតត្រឹមត្រីមាសទី៣នេះ សាខាពន្ធដារខេត្តមណ្ឌលគិរី ប្រមូលបានពន្ធបានក្នុងកម្រិតខ្ពស់ផងដែរ ដោយប្រមូលបានចំណូល៣,៩៣៥ លានរៀល ស្មើនិង១៨៤% ។
សិក្ខាកាមដែលបានចូលរួមក្នុងសិក្ខាសាលាដ៏មានសារៈសំខាន់នេះ បានបង្ហាញទស្សនៈថា ការរៀបចំផ្សព្វផ្សាយ តាមរយៈសិក្ខាសាលាខាងលើពិតជាមានអត្ថប្រយោជន៍ ព្រោះបានធ្វើឲ្យពួកគេដឹងអំពីសិទ្ធិ និងកាតព្វកិច្ចក្នុងនាមជា អាជីវករ បានដឹងអំពីរបៀបធ្វើបញ្ជីការគណនេយ្យ និងយល់លក្ខខណ្ឌក្នុងការបង់ពន្ធកាតព្វកិច្ចដែលត្រូវអនុវត្ត។ អភិបាលរងខេត្តមណ្ឌលគិរី លោក ប៉េង សម្បត្តិ បានថ្លែងថា នាពេលកន្លងមកយើងបានជួបប្រទះបញ្ហាមួយចំនួន ពាក់ព័ន្ធនិងការបង់ពន្ធរបស់អ្នកជាប់ពន្ធតូច ដោយសារការយល់ដឹងរបស់ម្ចាស់អាជីវកម្ម-សហគ្រាសមួយចំនួន អំពីកាតព្វកិច្ចសារពើពន្ធនៅមានកម្រិត នាំឲ្យការអនុវត្តនិងកិច្ចសហការគ្នានៅខ្វះចន្លោះ ។
តាមរយៈសិក្ខាសាលាមួយនេះ នឹងផ្ដល់នូវការយល់ដឹងថ្មីៗក្នុងការអនុវត្តបទប្បញ្ញត្តិ លិខិតបទដ្ឋានគតិយុត្តិនានា សម្រាប់ការប្រមូលពន្ធ និងនីតិវិធីបង់ ពន្ធ ដូចនេះប្រជាពលរដ្ឋនឹងអាចកាត់បន្ថយបញ្ហាប្រឈមនានាដែលជួបកន្លងមកលើការបង់ពន្ធ ថែមទាំងអាចធ្វើការងារ ជាមួយមន្ត្រីជំនាញកាន់តែល្អប្រសើរប្រកបដោយតម្លាភាព ។ គួរបញ្ជាក់ដែរថា កាលពីឆ្នាំ២០១៨កន្លងទៅ សាខាពន្ធដារខេត្តមណ្ឌលគិរីប្រមូលពន្ធបាន ៤,១៥៨ លានរៀល ជាចំណូលខ្ពស់មិនធ្លាប់មាន៕
ចែករំលែកព័តមាននេះ