រាជធានីភ្នំពេញ ៖ កម្លាំងនគរបាលនៃនាយកដ្ឋានប្រឆាំងការជួញដូរមនុស្ស និងការពារអនីតិជនក្រសួងមហាផ្ទៃ កាលពីវេលាម៉ោង៤និង៣០នាទីរសៀលថ្ងៃទី២៨ ខែតុលា ឆ្នាំ២០១៩ បានបើកប្រតិបត្តិការចុះបង្ក្រាបទីតាំងម៉ាស្សាបង្កប់សេវាផ្លូវភេទចំនួន២ទីតាំងជាប់គ្នា ស្ថិតនៅតាមបណ្តោយផ្លូវជាតិលេខ២ ក្បែរនឹងអតីតទីស្នាក់ការគណបក្សសង្គ្រោះជាតិ…
រាជធានីភ្នំពេញ ៖ កម្លាំងនគរបាលនៃនាយកដ្ឋានប្រឆាំងការជួញដូរមនុស្ស និងការពារអនីតិជនក្រសួងមហាផ្ទៃ កាលពីវេលាម៉ោង៤និង៣០នាទីរសៀលថ្ងៃទី២៨ ខែតុលា ឆ្នាំ២០១៩ បានបើកប្រតិបត្តិការចុះបង្ក្រាបទីតាំងម៉ាស្សាបង្កប់សេវាផ្លូវភេទចំនួន២ទីតាំងជាប់គ្នា ស្ថិតនៅតាមបណ្តោយផ្លូវជាតិលេខ២ ក្បែរនឹងអតីតទីស្នាក់ការគណបក្សសង្គ្រោះជាតិ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
ការចុះបង្ក្រាបខាងលើនេះ ដឹកនាំកម្លាំងដោយលោកឧត្តមសេនីយ៍ទោ សំបូរ មាណ្ណារិទ្ធ អនុប្រធាននាយកដ្ឋានប្រឆាំងការជួញដូរ និងការពារអនីតិជន និងមានការដឹកនាំនីតិវិធីច្បាប់ដោយលោកស្រីស៊ឺ វណ្ណី ព្រះរាជអាជ្ញាររងអមសាលាដំបូងរាជធានីភ្នំពេញ ផងដែរ ។
ជាលទ្ធផលនៃការចុះបង្ក្រាប កម្លាំងសមត្ថកិច្ចបានឃាត់ខ្លួនមនុស្សសរុប៧នាក់ ក្នុងនោះ៥នាក់ជាជនរងគ្រោះដែលមានតួនាទីសម្រាប់បម្រើសេវាផ្លូវភេទដល់ភ្ញៀវ និងស្ត្រី២នាក់ផ្សេងទៀតជាម្ចាស់ទីតាំងម៉ាស្សាទាំង២ខាងលើ ដែលជាជនជាតិវៀតណាម ។
ក្រោយការឃាត់ខ្លួនមនុស្សទាំង៧នាក់ ត្រូវបញ្ចូនទៅកាន់នាយកដ្ឋានប្រឆាំងការជួញដូរមនុស្ស និងការពារអនីតិជន ដើម្បីរង់ចាំចាត់ការទៅតាមនីតិវិធីច្បាប់នៅពេលក្រោយ ។
ជុំវិញការចុះបង្ក្រាបខាងលើនេះដែរ ពុំមានប្រភព ឬការអះអាងបញ្ជាក់ពីមន្ត្រីនគរបាលណាមួយអំពីដំណើរការនៃការចុះបង្ក្រាបនោះឡើយ គ្រាន់តែដឹងថា សមត្ថកិច្ចបានដកហូតវត្ថុតាងមួយចំនួនធំ ក្នុងនោះមានស្រោមអនាម័យដែលប្រើរួច និងមិនទាន់ប្រើជាដើម នៅក្នុងទីតាំងខាងលើ ៕ (កែសម្រួលដោយ ៖ ធីតា)
ចែករំលែកព័តមាននេះ