អតីតគ្រូបង្វឹករបស់ Messi ថាមិនអាចបង្វឹក Messi បានព្រោះតែខ្លាំងពេក
តាមប្រភពព័ត៌មាន Soccer Laduma បានឱ្យដឹងថា ដោយមានមនុស្សជាច្រើនបានចាត់ទុកកំពូលតារាបាល់ទាត់ FC Barcelona កីឡាករ Lionel Messi…
តាមប្រភពព័ត៌មាន Soccer Laduma បានឱ្យដឹងថា ដោយមានមនុស្សជាច្រើនបានចាត់ទុកកំពូលតារាបាល់ទាត់ FC Barcelona កីឡាករ Lionel Messi…
តាមប្រភពព័ត៌មាន Soccer Laduma បានឱ្យដឹងថា ដោយមានមនុស្សជាច្រើនបានចាត់ទុកកំពូលតារាបាល់ទាត់ FC Barcelona កីឡាករ Lionel Messi ជាកីឡាករឆ្នើមជាងគេក្នុងប្រវត្តិសាស្ត្រមុន Cristiano Ronaldo អតីតគ្រូបង្វឹកម្នាក់របស់គាត់ បានអះអាងថាមិនអាចទៅរួចទេក្នុងការបង្វឹកអ្នកឈ្នះពានរង្វាន់ Ballon d’Or ៥ សម័យកាល។
គ្រូបង្វឹកបច្ចុប្បន្នរបស់ប្រទេសអេស្ប៉ាញគឺលោក Robert Moreno ធ្លាប់បានធ្វើការជាគ្រូបង្វឹកក្រោមការដឹកនាំរបស់ Luis Enrique នៅឯក្លិបអ្នកមានបុណ្យ Barcelona កាលពីអតីតកាល។ នៅពេលត្រូវបានសួរអំពី Messi លោក Moreno បានអះអាងថាដោយសារតែភាពវាងវៃរបស់បុរសវ័យ ៣២ ឆ្នាំរូបនេះ គេពិបាកនឹងបង្វឹកណាស់ ។
លោក Moreno បានប្រាប់សារព័ត៌មាន BBC Radio 5 Live ថា៖«គាត់ជាកីឡាករឆ្នើមបំផុតក្នុងប្រវត្តិសាស្ត្រ។ វាពិតជាមិនគួរឱ្យជឿដែលបានឃើញគាត់ហ្វឹកហាត់ជារៀងរាល់ថ្ងៃ។ អ្វីដែលអ្នកអាចឃើញនៅក្នុងការប្រកួតតាមទូរទស្សន៍ គឺគាត់លេងបែបនេះជារៀងរាល់ថ្ងៃ។ Leo Messi គឺខ្លាំងខាងផ្នែកបាល់ទាត់ហ្នឹងខ្លាំងមែនទែន»។
លោកបានបន្តថា៖ «គ្រូបង្វឹកអាចត្រឹមតែជួយឱ្យកីឡាករផ្សេងទៀត លេងសម្របតាម Messi ទាំងការបណ្តើរបាល់ និង ការសម្រេចចិត្ត។ Messi ដល់ថ្នាក់អាចមើលដឹងចលនាជើងរបស់គូប្រកួត ចលនារបស់អ្នកចាំទី និង មានសមត្ថភាពខ្ពស់ក្នុងការឆ្លើយតប។ មិនមានអ្នកលេងណាផ្សេងទៀតនៅក្នុងប្រវត្តិសាស្ត្រ ដែលបានធ្វើដូច្នោះទេ។ Messi គឺជាខ្លាំងដូចជាព្រះអ៊ីចឹង»។
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ