ទម្រង់លេងដុនដាបខ្លាំង Scholes ប្រាប់ឱ្យ Man Utd នាំយកកីឡាករ Arsenal ១រូបមកស្តាក្រុម
តាមប្រភពព័ត៌មាន អតីតកីឡាករជើងខ្លាំង Paul Scholes របស់ក្រុមបិសាចក្រហម Manchester United មានអារម្មណ៍ថា បិសាចក្រហមគួរតែទិញយកខ្សែបម្រើ Mesut…
តាមប្រភពព័ត៌មាន អតីតកីឡាករជើងខ្លាំង Paul Scholes របស់ក្រុមបិសាចក្រហម Manchester United មានអារម្មណ៍ថា បិសាចក្រហមគួរតែទិញយកខ្សែបម្រើ Mesut…
តាមប្រភពព័ត៌មាន អតីតកីឡាករជើងខ្លាំង Paul Scholes របស់ក្រុមបិសាចក្រហម Manchester United មានអារម្មណ៍ថា បិសាចក្រហមគួរតែទិញយកខ្សែបម្រើ Mesut Ozil របស់ក្រុម Arsenal នៅក្នុងទីផ្សារដោះដូរកីឡាករនាខែមករាខាងមុខនេះ ។
ចាប់តាំងពីទទួលបានជ័យជម្នះ ៤-០ លើក្រុមតោខៀវនៅថ្ងៃបើកឆាក ក្រុម Manchester ដូចជាមិនសូវមានហុងស៊ុយសោះក្រោមការដឹកនាំរបស់គ្រូបង្វឹកលោក Ole Gunnar Solskjaer ។ នាពេលនេះ Man Utd មានលទ្ធផលមិនល្អទាល់តែសោះ ដោយមិនបានជាប់នៅក្នុងលំដាប់កំពូលទាំង៤របស់ Premier League ។
កីឡាករ Romelu Lukaku និង Alexis Sanchez ទាំងពីរបានចាកចេញពីក្លិបនេះ ក្នុងទីផ្សារដោះដូរកីឡាករចុងក្រោយ ប៉ុន្តែក្លិបបានត្រឹមតែនាំ Daniel James មកពី Swansea City ។ Scholes ដែលធ្លាប់រិះគន់អតីតក្លិបរបស់គាត់កាលពីមុនជឿថា Ozil អាចជាការដំណោះស្រាយរយៈពេលខ្លីដ៏ល្អសម្រាប់ Solskjaer នៅរដូវកាលនេះ។
Scholes បានប្រាប់ BT Sport ថា៖«Man Utd គួរទិញរកមនុស្សដូច Ozil ដែលអាចសហការជាមួយនឹងក្រុមបានល្អ ។ គាត់គឺជាកីឡាករម្នាក់ ដែលអាចលេងជាមួយក្រុមបានល្អ។ គាត់មានគុណភាពពិតប្រាកដ ហើយបានបង្ហាញយ៉ាងច្បាស់ក្នុងអាជីពរបស់គាត់ពេលកន្លងមក។ គាត់គឺជាដំណោះស្រាយរយៈពេលខ្លី។ តែខ្ញុំមិនដឹងទេ។ វាអាស្រ័យលើគាត់តែប៉ុណ្ណោះ» ៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ