Volvo គឺជាម៉ាករថយន្តប្រណីតមួយរបស់ស៊ុយអែត ដែលកិត្យានុភាពរបស់ក្រុមហ៊ុននេះត្រូវបានគេទទួលស្គាល់ជាអន្តរជាតិ ។ នៅពេលនេះ Volvo Cambodia បាននាំយករថយន្ត SUV ប្រណីតស៊េរីចុងក្រោយមួយម៉ូដែលមកកាន់ទីផ្សារកម្ពុជា…
Volvo គឺជាម៉ាករថយន្តប្រណីតមួយរបស់ស៊ុយអែត ដែលកិត្យានុភាពរបស់ក្រុមហ៊ុននេះត្រូវបានគេទទួលស្គាល់ជាអន្តរជាតិ ។ នៅពេលនេះ Volvo Cambodia បាននាំយករថយន្ត SUV ប្រណីតស៊េរីចុងក្រោយមួយម៉ូដែលមកកាន់ទីផ្សារកម្ពុជា ដែលជាម៉ូដែល XC90 ស៊េរីឆ្នាំ ២០២០ ។
រថយន្ត SUV ប្រណីត XC90 ឆ្នាំ ២០២០ បានបង្ហាញវត្តមានជាផ្លូវការនៅកម្ពុជា តាមរយៈកម្មវិធីប្រកាសមួយដែលធ្វើឡើងនៅអគារតាំងបង្ហាញរថយន្ត Volvo Cambodia ក្រោមការចូលរួមពីភ្ញៀវកិត្តិយសយ៉ាងច្រើនកុះករ ។
និយាយអំពីប្រណីតភាពរបស់ XC90 នេះ គឺមានដូចជាមានបំពាក់ដោយអំពូលភ្លើងប្រភេទ LED ជាមួយនឹងការបញ្ចេញពន្លឺដូចញញួររបស់អាទិទេព Thor, ភ្លើងបំភ្លឺនាពេលថ្ងៃដ៏លេចធ្លោ, កញ្ចក់ចំហៀងអាចក្ដោបស្វ័យប្រវត្តិ, ទ្វារគូថក្រោយដំណើរការដោយអេឡិចត្រូនិក, ដំបូលកញ្ចក់ថ្លា, អាចចូលរថយន្ត និងបញ្ឆេះរថយន្តដោយមិនប្រើសោ, ប្រព័ន្ធម៉ាស៊ីនត្រជាក់ ៤ តំបន់, មានវាំងននការពារពន្លឺថ្ងៃ, តាបឡូប្រភេទឌីជីថលទំហំ ១២,៣ អ៊ីញ, កៅអីស្រោបដោយស្បែកទន់ Nappa ហើយចង្កូតក៏ស្រោបដោយស្បែកផងដែរ ។
ខាងក្នុងរថយន្តនេះ ក៏មានបំពាក់ដោយប្រព័ន្ធសំឡេងមានគុណភាពខ្ពស់ម៉ាក Bowers & Wilkins មានរន្ធ USB ចំនួនពីរ, មានឌុយភ្លើង ១២ វ៉ុល, មានប្រព័ន្ធ Bluetooth, មានមុខងារ Volvo On Call, អាចភ្ជាប់ជាមួយស្មាតហ្វូនតាមរន្ធ USB និង អាចបញ្ជាមុខងារមួយចំនួនដោយប្រើសំឡេងជាដើម ។
ក្រៅពីផ្ដល់ជូននូវប្រណីតភាពខ្ពស់ រថយន្តដែល Volvo ផលិតឡើង ក៏មានផ្ដល់ជូននូវសុវត្ថិភាពខ្ពស់ដល់អ្នកបើកបរ និងអ្នករួមដំណើរផងដែរ ។ ជាក់ស្ដែងលើរថយន្ត XC90 ឆ្នាំ ២០២០ មានបំពាក់នូវបច្ចេកវិទ្យាសុវត្ថិភាព និងប្រព័ន្ធជំនួយការបើកបរជាច្រើនដូចជា ប្រព័ន្ធការពារការប៉ះទង្គិចពីចំហៀង, ពោងសុវត្ថិភាពការពារអ្នកដំណើរនិងអ្នកបើកបរ, ពោងសុវត្ថិភាពការពារជង្គង់អ្នកបើកបរ, ប្រព័ន្ធជាន់ហ្វ្រាំងស្វ័យប្រវត្តិពេលមានការប៉ះទង្គិច និងប្រព័ន្ធដាស់តឿនអ្នកបើកបរជាដើម ។
បន្ថែមពីនេះ ក៏មានប្រព័ន្ធជំនួយការឡើង និង ចុះចំណោត, ប្រព័ន្ធ Adaptive Cruise Control, ប្រព័ន្ធរក្សាគន្លងផ្លូវឲ្យត្រង់, ប្រព័ន្ធព្រមានអំពីការប៉ះទង្គិចពីក្រោយ, កាមេរ៉ាសម្រាប់មើលជុំវិញ ៣៦០ ដឺក្រេ, មាន Head-Up Display, ប្រព័ន្ធជំនួយការចូលចត និងបច្ចេកវិទ្យាពន្លត់ម៉ាស៊ីនស្វ័យប្រវត្តិពេលឈប់ស្ដុប (Start/Stop) សម្រាប់សន្សំសំចៃប្រេងជាដើម ។
រថយន្ត SUV ប្រណីតនេះ ប្រើប្រាស់ម៉ាស៊ីនសាំងចំណុះ ២,០ លីត្រ អាចបង្កើតកម្លាំង ៣២០ សេះ ភ្ជាប់នឹងប្រអប់លេខស្វ័យប្រវត្តិ ៨ វគ្គ ប្រើប្រាស់ប្រព័ន្ធបើកបរវិលកង់ទាំង ៤ (AWD) និងមានល្បឿនអតិបរមា ២៣០ គ.ម/ម៉ ។ ចំពោះកម្រិតស៊ីសាំងគឺបើកបរ ១០០ គ.ម ស៊ីប្រេងប្រមាណ ៨,១ លីត្រប៉ុណ្ណោះ ។
សម្រាប់ព័ត៌មានបន្ថែមអំពីរថយន្ត SUV ប្រណីត XC90 ឆ្នាំ ២០២០ នេះ អាចទំនាក់ទំនងទៅកាន់ Volvo Cambodia តាមទូរសព្ទលេខ 024 900 000 ឬ Facebook៖ Volvo Cars Cambodia និង គេហទំព័រ៖ Volvo Cars Cambodia ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ