ប្រទេសលីបង់ ៖ ពលរដ្ឋលីបង់ច្រើនសិបពាន់នាក់កាលពីថ្ងៃទី២៧ ខែតុលា ឆ្នាំ២០១៩ បានបង្កើតជាច្រវ៉ាក់មនុស្សតាមបណ្ដោយឆ្នេរសមុទ្រ មានប្រវែង១៧០គីឡូម៉ែត្រពីជើងទៅត្បូងដើម្បីសម្ដែងពីសាមគ្គីភាពនិងឯកភាពព្រមទាំងពីការប្ដេជ្ញាចិត្តរបស់ពួកគេ បណ្ដេញពួកអ្នកនយោបាយទោះបីភាពតានតឹងកំពុងមានខ្ពស់ក៏ដោយ។
យោងតាមការវាយតម្លៃថាបាតុកម្មនោះ មានអ្នកចូលរួម ប្រមាណជា១០០.០០០នាក់នាថ្ងៃទី១១នៃការតវ៉ាប្រជាជនដ៏ធំពុំធ្លាប់មានពីមុនមក។ ពួកបាតុករទាំងបុរស នារី កុមារបានលើកគ្នាមកដោយដើរ ជិះរថយន្តនិងជិះកង់ឬម៉ូតូ តាមផ្លូវថ្នល់ជាប់សមុទ្រមេឌីទែរ៉ាណេ។
ពួកគេនាំគ្នាកាន់ដៃធ្វើជាច្រវ៉ាក់មនុស្ស តាមបណ្ដោយឆ្នេរសមុទ្ររបស់ប្រទេស។ ចំណែកបាតុករច្រើនពាន់នាក់ទៀតបានប្រមូលផ្ដុំគ្នានៅទីលានទុក្ករបុគ្គល ក្រុងបីរូត ជាចំណុចកណ្ដាលនៃការបះបោរតវ៉ា។ ពួកគេនាំគ្នាស្រែកពាក្យថា បដិវត្តន៍!បដិវត្តន៍! ប្រជាជនចង់ឲ្យរបបបច្ចុប្បន្នដួលរលំ!៕ (កែសម្រួលដោយ ៖ បុប្ផា) (ប្រភពវីដេអូ ៖ MTVi News)
ចែករំលែកព័តមាននេះ