ចិន ៖ បើយោងតាមមន្ត្រីក្រសួងការបរទេសចិនបានឲ្យដឹងកាលពីចុងសប្តាហ៍កន្លងទៅនេះថា ប្រទេសចិនបានខិតខំក្នុងការអភិវឌ្ឍប្រទេសរបស់ខ្លួនដោយបានប្រែក្លាយប្រទេសទៅជារបបសាធារណរដ្ឋមានរយៈពេល៧០ឆ្នាំ(១៩៤៧-២០១៩) ដែលរហូតដល់ពេលនេះចិនគឺជាប្រទេសមហាអំណាចសេដ្ឋកិច្ចទី២ក្នុងពិភពលោក ។
ថ្លែងប្រាប់អ្នកសារព័ត៌នៅក្រសួងការបរទេសចិននាព្រឹកថ្ងៃទី២១ តុលា លោកស្រី Hua Chunyug បានបញ្ជាក់ថា ប្រទេសចិនចង់បង្ហាញដល់ប្រទេសជាមិត្តក្នុងតំបន់អាស៊ាន និងក្នុងពិភពលោកទាំងមូលថា រយៈពេល៧០ឆ្នាំកន្លងមកនេះប្រទេសចិនមានការអភិវឌ្ឍយ៉ាងខ្លាំងក្រោមការដឹកនាំរបស់បក្សកុម្មុយនិស្តចិន(CPC) និងគោលនយោបាយខ្សែក្រវ៉ាត់១ ផ្លួវ១ ដែលដាក់ចេញដោយលោក ស៊ី ជីនពីង ។
លោកស្រី Hua Chunyug បានបន្តថា រដ្ឋាភិបាលចិនបានប្រកាសពីកិច្ចខិតខំប្រឹងប្រែងរបស់ខ្លួនក្នុងការផ្តល់សេវាសង្គមនានាក្នុងការជួយដល់ប្រទេសជនចិន និងបណ្តាលប្រទេសអាស៊ាននានាក្នុងតំបន់និងពិភពលោក ។
លោកស្រីលើកឡើងថា ក្រោយការដឹកនាំរបស់រដ្ឋាភិបាលបក្សកុម្មុយនិស្តចិន(CPC)បានថ្វើឲ្យហេដ្ឋារចនាសម្ព័ន្ធសង្គម សេដ្ឋកិច្ច សេវាសន្តិសុខសង្គម ការលុបបំបាត់ភាពក្រីក្ររបស់ប្រទេសចិនមានការរីកចំរើនគួរកត់សម្គាល់ និងចង់ចែករំលែកបទពិសោធន៍ទាំងនេះដល់អ្នកជិតខាងក៏ដូចពិភពលោកទាំងមូល ។
តំណាងអ្នកសារព័ត៌មានមកពីប្រទេសចំនួន៥ជាពិសេសប្រទេសនៅតាមទន្លេមេគង្គ ភូមា, ថៃ, ឡាវ, វៀតណាម, កម្ពុជា និងម៉ាឡេស៊ី ត្រូវបានអញ្ជើញដោយក្រសួងការបរទេសចិនទៅបំពេញទស្សនកិច្ចនៅប៉េកាំង និងបណ្តាលក្រុងមួយចំនួនក្នុងខេត្តខ្លះរបស់ចិនដែលមានការអភិវឌ្ឍន៍ជាពិសេសតំបន់មានជនជាតិភាគតិចរស់នៅ ៕
កែសម្រួលដោយ ៖ សំណាង
ចែករំលែកព័តមាននេះ