ខេត្តស្វាយរៀង ៖ ប្រជាពលរដ្ឋដែលជាមាតាបិតាសិស្សចំនួនជាង១០០នាក់ បានចាញ់បោកនាយកសាលាឯកជនមួយ ដោយក្នុងម្នាក់ៗអស់ប្រាក់ចាប់ពី៣៥០ដុល្លារទៅ១ពាន់ដុល្លារ ហើយក៏អំពាវសុំឱ្យអាជ្ញាធរមានសមត្ថកិច្ច ជួយអន្តរាគមន៍ចាប់នាយកសាលានេះ យកមកផ្តន្ទាទោសនិងសងប្រាក់មកមវិញ ។
ហេតុការណ៍នេះ បានកើតឡើងកាលពីវេលាម៉ោង៩ព្រឹកថ្ងៃទី២៨ តុលា នៅខាងមុខសាលាអន្តរជាតិ «ហ្គោលឌែនប្រ៊ិជ! ស្ថិតនៅភូមិស្វាយរៀង សង្កាត់ស្វាយរៀង ក្រុងស្វាយរៀង ។ បើតាមឈ្មោះគង់ ម៉ានិចភេទស្រី អាយុ៥២ឆ្នាំ ជាម្ចាស់ផ្ទះជួលដាក់សាលានេះថា គាត់បានជួលផ្ទះឲ្យឈ្មោះមាស អ៊ីស៊ី ភេទប្រុសអាយុ៣៥ឆ្នាំ ជាស្ថាបត្យករ និងជានាយកសាលាអន្តរជាតិហ្គោលឌែនប្រ៊ីជ ដែលមានទីលំនៅបច្ចុប្បន្ននៅភូមិថ្នល់បន្ទាល់ សង្កាត់ពន្សាំង ខណ្ឌព្រែកភ្នៅ រាជធានីភ្នំពេញ ។
ក្នុង១ខែ៤០០ដុល្លារ ដោយកុងត្រារយៈពេល៣ឆ្នាំ ក៏ប៉ុន្តែបង្រៀនបានត្រឹមតែ៤ខែ ក៏នាំបុគ្គលិករត់គេចខ្លួនបាត់អស់តែម្តង ។ ម្ចាស់ផ្ទះជួលបន្តទៀតថា មានគណនេយ្យ២នាក់ប្តីប្រពន្ធដែលស្ត្រីជាប្រពន្ធឈ្មោះផាន់ នី ហៅក្រៅសុម៉ាលីឬអាលីន ដែលមានទីលំនៅខេត្តកំពង់ចាម បានវេចយកលុយរត់ទៅបាត់។
បើតាមស្ត្រីម្នាក់ឈ្មោះ កែវ ស៊ីណន អាយ៦២ឆ្នាំ មានទីលំនៅភូមិចុងព្រែកសង្កាត់ស្វាយរៀងបានឲ្យដឹងថាគាត់ចាញ់បោកនាយកសាលាហ្គោលឌែនប្រ៊ីជអស់១,២០០ដុល្លារ ដោយចៅរបស់គាត់មានចំនួន៤នាក់ ត្រូវបង់ក្នុង១ឆ្នាំម្នាក់២០០ដុល្លារ រៀនទើបតែបាន៦ខែ ស្រាប់តែគ្រូសាលាខាងលើ ឱ្យបង់សម្រាប់ឆ្នាំ២០២០ទៀតក្នុងនោះប្រាប់ថាចៅគាត់២នាក់ជាប់បួកត្រូវបញ្ចុះតម្លៃឲ្យយកតែម្នាក់១៥០ដុល្លារទរហើយឆ្នាំក្រោយ គឺឲ្យរៀនហ្រីមិនបាច់បង់លុយទៀតទេ ព្រោះយើងបង់ទុកមុនរួចហើយ។
ដើម្បីចង់ឲ្យចៅរៀនបានល្អរៀនព្រឹកល្ងាច រៀនអក្សរខ្មែរផងរៀនអង់គ្លេសផង ទើបខំរកប្រាក់បង់ឲ្យកូនរៀនម្តាយសិស្សទាំង៤នាក់ ធ្វើជាកម្មការនីរោងចក្រហត់ខ្លាំងពេក ទើបឲ្យកូនរៀនសាលាល្អពេលកូនចេះមានការងារល្អធ្វើកុំឲ្យលំបាកដូចម្តាយដឹងអីត្រូវចាញ់បោកគេទៀត ។ ម្យ៉ាងខ្វះគ្រូនៅសាលារដ្ឋទៅសុំគ្រូយកមករៀននៅសាលាឯកជនថា ល្អជាងសាលារដ្ឋ ទីបំផុតអស់ប្រាក់ទទេៗ ។ ប្រភពដដែលបន្តទៀតថា គ្រូនិងគណនេយ្យសាលា២នាក់ប្តីប្រពន្ធទំនងគេចខ្លួន កាលពីល្ងាចថ្ងៃសុក្រ២៥ តុលា ២០១៩ នេះ ពីព្រោះសាលានេះរៀនត្រឹមថ្ងៃសុក្រសៅរ៍អាទិត្យ គឺអត់រៀនទេ ។
លុះដល់ថ្ងៃចន្ទ ទី២៨ តុលានេះ នាំកូនទៅរៀនទើបដឹងថា គ្រូ២នាក់ប្តីប្រពន្ធនិងនាយកសាលានាំគ្នាគេចខ្លួនបាត់អស់នៅសល់តែគ្រូបង្រៀន៣នាក់ គឺមិនទាន់បានបើកប្រាក់ខែដែរ គាត់ទាំងបីនាក់នៅស្វាយរៀងដែរ មិនដឹងរឿងអ្វីទេ ចាញ់បោកគេដែរទេ ។ រីឯម្នាក់ទៀតជាគ្រូបង្រៀនផង ជាអ្នកបើកឡានដឹកសិស្សផងក៏ចាញ់បោកដែរ អត់ទាំងប្រាក់ខែបង្រៀននិងឈ្នួលឡានដឹកសិស្ស ។
បើតាមបុរសម្នាក់ឈ្មោះសាវ៉ាតបានឲ្យដឹងថា មុនដំបូងសាលានេះ បង្រៀននៅភូមិស្វាត សង្កាត់ចេកក្រុងស្វាយរៀង បង្រៀនបាន២ខែ ក៏ប្តូរសាលាមកនៅភូមិស្វាយរៀងវិញ បង្រៀនបាន៤ខែហើយសរុបគឺបាន៦ខែ ហើយនៅថ្ងៃទី១៥តុលា២០១៩កន្លងទៅ ។ គ្រូ២នាក់ប្តីប្រពន្ធបានដឹកសិស្សទៅបង្រៀននៅសាលា
ជីភូ ដោយនៅផ្សារជីភូមានបើកបង្រៀនដែរ តែមិនសូវមានសិស្សរៀនក៏យកសិស្សពីស្វាយរៀងទៅរៀននៅជីភូបាន៥ថ្ងៃឪពុកម្តាយសិស្សបានដឹងក៏នាំគ្នាទៅតាមកូនហើយស្តីឲ្យគ្រូកូនគេឲ្យរៀននៅស្វាយរៀងបែជាយកកូនគេទៅរៀននៅជីភូអ្នកខ្លះក៏ឈប់ឲ្យកូនគេមករៀន ស្រាប់តែប្រមូលលុយបានវេចលុយរត់បែបនេះសោះ។
គិតមើលសិស្សជាង១០០នាក់ម្នាក់ បង់អស់៣៥០ដុល្លារ ខ្លះ៤០០ដុល្លារ គឺរាប់ម៉ឺនដុល្លារ សូមមន្ទីរអប់រំយុវជននិងកីឡាខេត្ត មេត្តាពិនិត្យមើលផងទាន មុនចេញច្បាប់អនុញ្ញាតិ។ ហើយពេលមានរឿងប្រជាពលរដ្ឋប្តឹងនគបាលនគបាលប្រាប់ថា រឿងសាលាសូមប្តឹងទៅមន្ទីរអប់រំទៅ ដូច្នេះ ប្រជាពលរដ្ឋសូមអំពាវនាវសូមឲ្យអាជ្ញាធរមេត្តាជួយអន្តរាគមន៍តាមរកលោកនាយកសាលានេះ ។
ចែករំលែកព័តមាននេះ