ខេត្តបន្ទាយមានជ័យ ៖ យោងតាមរបាយការណ៍មន្ទីកសិកម្ម រុក្ខាប្រម៉ាញ់និងនេសាទខេត្តបន្ទាយមានជ័យគិតចាប់ពីការបង្កបង្កើនផលស្រូវរហូតមកដល់ថ្ងៃទី២១ ខែតុលា ឆ្នាំ២០១៩នេះការបង្កបង្កើនផលដំណាំស្រូវរដូវប្រាំងមានផ្ទៃដីសរុបចំនួន៣១.៣៥៤ហិកតា ក្នុងនោះមានស្រុកមង្គលបូរីដំណាំស្រូវរដូវប្រាំងមានចំនួន២៩.៨០៥ហិកតា ក្នុងនោះមានស្រូវពង្រោះចំនួន២៩.៨០៥ហិកតា ស្រុកព្រះនេត្រព្រះមានផ្ទៃដីចំនួន១.៣៣០ហិកតា ក្នុងនោះមានស្រូវពង្រោះចំនួន១.៣៣៩ហិកតា ស្រុកអូរជ្រៅមានផ្ទៃដីចំនួន៥៥ហិកតា ក្នុ ងនោះមានស្រូវពង្រោះចំនួន៥៥ហិកតា ស្រុកស្វាយចេកមានផ្ទៃដីចំនួន១៥៥ហិកតា ក្នុងនោះមានស្រូវពង្រោះចំនួន១៥៥ហិកតា។
ប្រជាកសិករបានបញ្ជាក់ថា ការបង្កបង្កើនផលស្រូវប្រាំងដើមរដូវ ពេលប្រជាកសិករបង្កបង្កើនផលជួបការលំបាកដូចជាជួបគ្រោះរាំងស្ងួតនៅស្រុក-ក្រុងមួយចំនួនដោយស្រូវដែលបង្កបង្កើនផលហើយស្វិតងាប់ ហើយពេលព្រោះម្តងទៅ២ដងទើបទទួលបានផល ដែលវាលស្រែជាប់ប្រព័ន្ធធារាសាស្ត្រទើបប្រមូលបានផល។ ក្រោយពេលប្រមូលផលហើយតំលៃបានថោកទៀតគឺតំលៃស្រូវសែនក្រអូបប្រមូលផលលើកទី១ ក្នុង១តោនតំលៃជាង១លានរៀល ហើយក្រោយមកតំលៃកាន់តែចុះគឺក្នុង១តោនបានតែ៩០ម៉ឺនរៀល។
ប្រជាកសិករបានសំណូមពរថា ការប្រមូលផលស្រូវប្រាំងលើកទី២នេះសង្ឃឹមថាអាជ្ញាធរនិងមន្ត្រីជំនាញរកទីផ្សារលក់ស្រូវជូនប្រជាកសិករលក់បានតំលៃសមរម្យ អាចថាលក់ទិន្នផលបានថ្លៃជាងលើកទី១។ ក្នុងការបង្កបង្កើនផលស្រូវប្រាំងលើកទី២នេះមានកន្លែងខ្លះប្រឈមគ្មានទឹកបូមបញ្ជូលស្រែ ព្រោះទឹកឆ្នាំនេះនៅខេត្តបន្ទាយមានជ័យ ទើបមកចុងដៃហើយតិចជាងឆ្នាំមុនដែលអាចប្រឈមការខ្វះបញ្ជូនស្រូវប្រាំង ដូច្នេះពួកគាត់សុំអោយមន្ត្រីជំនាញជួយរកដំណោះស្រាយជូនប្រជាកសិករផង៕ (កែសម្រួលដោយ ៖ ធីតា)
ចែករំលែកព័តមាននេះ