ខេតបន្ទាយមានជ័យ ៖ មេប៉ុស្តិ៍នគរបាលសង្កាត់ទឹកថ្លា មុនគាត់បាញ់ខ្លួនឯងស្លាប់ គាត់បានសសេរបង្ហោះសារប្លែកៗគួរឱ្យមានការចាប់អារម្មណ៍បំផុត ខណៈការលិចឮព័ត៌មានពីអ្នកជិះខាងថា ជនរងគ្រោះជាមេប៉ុស្តិ៍នគរបាលរូបនេះ មូលហេតុអាចសង្ស័យថា «ជារឿងវិបត្តិក្នុងគ្រួសារ»របស់លោក ។…
ខេតបន្ទាយមានជ័យ ៖ មេប៉ុស្តិ៍នគរបាលសង្កាត់ទឹកថ្លា មុនគាត់បាញ់ខ្លួនឯងស្លាប់ គាត់បានសសេរបង្ហោះសារប្លែកៗគួរឱ្យមានការចាប់អារម្មណ៍បំផុត ខណៈការលិចឮព័ត៌មានពីអ្នកជិះខាងថា ជនរងគ្រោះជាមេប៉ុស្តិ៍នគរបាលរូបនេះ មូលហេតុអាចសង្ស័យថា «ជារឿងវិបត្តិក្នុងគ្រួសារ»របស់លោក ។
ជនរងគ្រោះខាងលើ ឈ្មោះ ប៊ូ រិទ្ធី ភេទប្រុស អាយុ៣៥ឆ្នាំ ជាមេប៉ុស្តិ៍នគរបាលសង្កាត់ទឹកថ្លា (បំរុង)ដែលមានឋានន្តរស័ក្តិអនុសេនីយ៍ឯក មានប្រពន្ធនិងកូនប្រុស២នាក់ មានទីលំនៅរស់នៅភូមិ-សង្កាត់កើតហេតុខាងលើ។
លោកវរៈសេនីយ៍ឯក ស៊ី ឌី អធិការនគរបាលក្រុងសិរីសោភ័ណបានអោយដឹងថា ជនរងគ្រោះឈ្មោះ ប៊ូ
រិទ្ធី ជាមេប៉ុស្តិ៍នគរបាលសង្កាត់ទឹកថ្លា ដែលជំនួសមេប៉ុស្តិ៍ចាស់បានចូលនិវត្តិន៍ បានបាញ់សំលាប់ខ្លួនឯងដោយអាវុធខ្លីធុនការ៥៤ ចំសៀតផ្កាធ្លាយម្ខាង ទៅម្ខាងបណ្តាលស្លាប់ភ្លាមៗនៅកន្លែង ។ ប្រភពបន្តថា ការធ្វើអត្តឃាត នៅពេលដែលជនរងគ្រោះបានជិះរថយន្តផ្ទាល់ខ្លួន ធុនតូយូតាកាមរី ស៊េរីឆ្នាំ២០០៧ ទៅផ្ទះម្តាយ ។
លុះទៅដល់មុខផ្ទះ បានឈប់រថយន្តទាំងមិនទាន់ពន្លត់ ដើរចូលទៅក្នុងផ្ទះម្តាយមួយភ្លែត ហើយដើរចេញមកវិញ មិនទាន់ផុតពីផ្ទះផង បន្លឺស្នូរកាំភ្លើង១គ្រាប់ដួលរួមទាំងកាំភ្លើងនៅក្បែរខ្លួន ដោយត្រូវ១គ្រាប់ចំសៀតផ្កាម្ចាងធ្លាយទៅម្ខាង ។
គួួរបញ្ជក់ដែរថា មុនជនរងគ្រោះធ្វើអត្តឃាតខ្លួនឯង ឃើញបង្ហោះសារតាមFacebook អាក់ខោន Bou Rithy របស់ជនរងគ្រោះបានសសេរថា «នណាខ្លះយល់ពីអារម្មណ៍បែបនេះ ខ្លួនមួយកុំចង់ជិះទូក លើលោកនេះគ្មានទេអាថ៌កំបាំង» និងសារមួយទៀតថា «រយលានអត្ថន័យ ញញឹមទាំងគ្មានសង្ឃឹម ដឹងនោះដឹងឈប់ចង់ដឹងហើយ ថ្ងៃណាថ្ងៃហ្នឹងធ្វើរហូតដល់បេះដូងអស់ថ្ម» ។ គួររំលឹក៖ អនិច្ចា! លោកមេប៉ុស្តិ៍ ចេញមិនទាន់ផុតមុខផ្ទះផង ឮស្នូរកាំភ្លើងផ្ទុះដួលមុខផ្ទះ
ចែករំលែកព័តមាននេះ