ប្រទេសរុស្ស៊ី ៖ ចារនារីរុស្ស៊ីនាងម៉ារីយ៉ាប៊ូទីណា ដែលទទួលការកាត់ទោសពីបទប៉ុនប៉ងជ្រៀតចូលក្នុងមជ្ឈដ្ឋាននយោបាយអាមេរិកក្រោយពីអាមេរិកដោះលែង បានវិលមកដល់ក្រុងមូស្គូកាលពីថ្ងៃទី២៦ តុលា ដោយនាងនៅតែអះអាងពីភាពស្លូតត្រង់របស់ខ្លួនជានិច្ច។
នៅមុខបណ្ដាអ្នកកាសែតដែលប្រមូលផ្ដុំគ្នានៅព្រលានយន្តហោះក្រុងមូស្គូ នាងម៉ារីយ៉ាប៊ូទីណាថ្លែងថា ខ្ញុំមានក្ដីរីករាយណាស់ដែលបានវិលមកផ្ទះវិញ។ ខ្ញុំអរគុណខ្លាំងណាស់ចំពោះបណ្ដាអ្នកដែលបានសម្ដែងការគាំទ្រខ្ញុំ និងចំពោះពលរដ្ឋរុស្ស៊ីដែលបានជួយខ្ញុំហើយសរសេរលិខិតនានាមកខ្ញុំ។
នារីរុស្ស៊ីរូបនោះត្រូវទទួលការកាត់ទោសនៅសហរដ្ឋអាមេរិក ពីបទប៉ុនប៉ងជ្រៀតចូល ក្នុងមជ្ឈដ្ឋានអ្នកនយោបាយអាមេរិក ហើយនាងបានវិលមកដល់ក្រុងមូស្គូវិញនាថ្ងៃទី២៦តុលា។
ទទួលការដោះលែងកាលពីថ្ងៃទី២៥តុលាពីពន្ធនាគារក្រុងTALLAHASSEE រដ្ឋផ្លរីដានាងម៉ារីយ៉ាប៊ូទីណាបានចាកចេញពីទីក្រុងមៃអាមីមកកាន់ក្រុងមូស្គូ។ ពេលមកដល់នាងពោលថា សូមអរគុណច្រើនចំពោះក្រសួងការបរទេសនិងបណ្ដាអ្នកការទូត ដែលខិតខំពុះពារជួយខ្ញុំរាល់ថ្ងៃ៕ (កែសម្រួលដោយ ៖ បុប្ផា)
ចែករំលែកព័តមាននេះ