រាជធានីភ្នំពេញ ៖ ជុំវិញទំនាស់ក្នុងគ្រួសារមួយ រហូតឈានដល់ប្អូនថ្លៃបាញ់សម្លាប់បុរសជាបងថ្លៃ សមត្ថ កិច្ចក៏បានរកឃើញវត្ថុតាងជាកាំភ្លើងច្រែះចាស់មួយនៅលើគ្រែក្បែរសពជនរងគ្រោះ ដែលជនដៃដល់បានប្រើបាញ់សម្លាប់បងថ្លៃខ្លួននោះ នៅរសៀលថ្ងៃទី២៦ តុលា ដដែលនេះ…
រាជធានីភ្នំពេញ ៖ ជុំវិញទំនាស់ក្នុងគ្រួសារមួយ រហូតឈានដល់ប្អូនថ្លៃបាញ់សម្លាប់បុរសជាបងថ្លៃ សមត្ថ កិច្ចក៏បានរកឃើញវត្ថុតាងជាកាំភ្លើងច្រែះចាស់មួយនៅលើគ្រែក្បែរសពជនរងគ្រោះ ដែលជនដៃដល់បានប្រើបាញ់សម្លាប់បងថ្លៃខ្លួននោះ នៅរសៀលថ្ងៃទី២៦ តុលា ដដែលនេះ ស្ថិតនៅក្នុងផ្ទះកើតហេតុលេខ៧៧H (ផ្លូវលំចុះពីម្តុំស្តុបណូគៀប្រហែល៦០ម៉ែត្រ) សង្កាត់ទឹកល្អក់៣ ខណ្ឌទួលគោក ខណៈសមត្ថកិច្ចនៅមិនទាន់បញ្ចប់ការធ្វើកោសល្យវិច័យនៅឡើយ ។
គួរបញ្ជាក់ថា ជនរងគ្រោះដែលស្លាប់មានឈ្មោះ ជួប រតនា អាយុ៤៦ឆ្នាំ ជាគ្រូបង្រៀន មានទីលំនៅម្តុំវត្តវត្តស្លែង រីឯជនដៃដល់ឈ្មោះ មាស ណារ៉ា អាយុជាង៣០ឆ្នាំ ជាសន្តិសុខ ស្នាក់នៅទីតាំងកើតហេតុ ខាងលើ ។
ប្រភពបន្តថា នៅមុនពេលកើតមានទំនាស់រហូតដកកាំភ្លើងបាញ់នេះ គឺក្នុងពេលដែលជនរងគ្រោះបានមកមើលម្តាយឈឺនៅក្នុងផ្ទះកើតហេតុ ។ ពេលនោះ បានជួបជាមួយជនដៃដល់ជាប្អូនថ្លៃបានមកនិយាយជាមួយ និងបង្ខំឱ្យជនរងគ្រោះផឹកស្រាបៀរ១កំប៉ុង តែត្រូវជនរងគ្រោះបានប្រកែកអត់ព្រមផឹក ។
ការប្រកែកអត់ព្រមទទួលស្រាផឹក១កំប៉ុងនោះ ក៏បង្កទៅជាជម្លោះខ្លាំងឡើងៗខណៈជនដៃដល់មានគំនុំជាមួយជនរងគ្រោះ១០ឆ្នាំផងនោះ ទប់លែងជាប់ដកកាំភ្លើងបាញ់ប្រហារបងថ្លៃបែបនេះតែម្តង ។ យោងចម្លើយអះអាងជនដៃដល់ថា ខ្លួនបានទិញកាំភ្លើងនេះទុកជាយូរមកហើយ ។
បើតាមស្ត្រីជាម្តាយជនរងគ្រោះបានឱ្យដឹងដែរ កន្លងមក កូនប្រសា(ជនដៃដល់)ជាមនុស្សម្នាក់ដែលមួយភូមិចរិតមានតែឯង ហើយក៏តែងតែរករឿងនិងធ្លាប់គំរាមសម្លាប់គ្រួសារជានិច្ច ពេលដែលខឹងនិងធ្វើអ្វីមិនបានដូចចិត្តគេនោះ ។ គាត់បន្តថា ហើយក៏មិនដឹងថា កូនប្រសានេះបានបិទអក្សរលើជញ្ជាំងតាំងពីកាលណាទេ ដោយសរសរថា «ធ្វើអីមិនចេះថ្នមដៃប្រយ័ត្នបែកក្បាល» ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។ សូមរំលឹកថា៖ ទំនាស់បង-ប្អូនថ្លៃ…ឈានដល់បាញ់សម្លាប់ហើយរត់ទៅសារភាព
ចែករំលែកព័តមាននេះ