រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ទំនាស់គ្រួសារមួយរវាងបងប្អូនសាច់ថ្លៃ ឈានទៅដល់ដកកាំភ្លើងបាញ់សម្លាប់បងថ្លៃខ្លួនឯងរួចហើយជនដៃដល់បានរត់ទៅសារភាពកំហុសខ្លួននៅប៉ុស្តិ៍ទឹកល្អក់៣ ក៏បង្កការភ្ញាក់ផ្អើលយ៉ាងខ្លាំងតែម្តង នៅព្រឹកថ្ងៃទី២៦ តុលា នេះ ស្ថិតនៅចំណុចផ្ទះលេខ៧៧H…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ទំនាស់គ្រួសារមួយរវាងបងប្អូនសាច់ថ្លៃ ឈានទៅដល់ដកកាំភ្លើងបាញ់សម្លាប់បងថ្លៃខ្លួនឯងរួចហើយជនដៃដល់បានរត់ទៅសារភាពកំហុសខ្លួននៅប៉ុស្តិ៍ទឹកល្អក់៣ ក៏បង្កការភ្ញាក់ផ្អើលយ៉ាងខ្លាំងតែម្តង នៅព្រឹកថ្ងៃទី២៦ តុលា នេះ ស្ថិតនៅចំណុចផ្ទះលេខ៧៧H (ផ្លូវលំចុះពីម្តុំស្តុបណូគៀ៦០ម៉ែត្រ) សង្កាត់ទឹកល្អក់៣ ខណ្ឌទួលគោក ។
សេចក្តីរាយការណ៍បន្តថា ការភ្ញាក់ផ្អើលនោះ គឺខណៈសមត្ថកិច្ចបាននាំឃាតករជាប្អូនថ្លៃរូបនេះ មកបង្ហាញពីកន្លែងកើតហេតុ ។ ជនរងគ្រោះដែលស្លាប់ខាងលើឈ្មោះ ជួប រតនា អាយុ៤៦ឆ្នាំ ជាគ្រូបង្រៀន បច្ចុប្បន្ន ស្នាក់នៅម្តុំវត្តជិតវត្តស្លែង ត្រូវជនដៃដល់បាញ់ចំនួន៥គ្រាប់ស្លាប់នៅលើគ្រែ ។ ដោយឡែកជនដៃដល់ឈ្មោះ មាស ណារ៉ា អាយុជាង៣០ឆ្នាំ ជាសន្តិសុខ ស្នាក់នៅទីតាំងកើតហេតុខាងលើ ។
ទោះបីជាយ៉ាងណា នៅមិនដឹងច្បាស់ពីមូលហេតុនៃទំនាស់នោះទេ ។ ព័ត៌មានបន្ថែម កោះសន្តិភាពនឹងមានផ្សាុយជូនបន្ត ។
ចែករំលែកព័តមាននេះ