រាជធានីភ្នំពេញ ៖ ការដាក់បង្ហាញពីរបៀបរស់នៅដ៏ធំបំផុត នៅក្នុងតំបន់ដែលមានឈ្មោះជាភាសាអង់គ្លេសបានវិលត្រឡប់មកវិញជាមួយនឹងទំនុកចិត្ត និងការទទួលខុសត្រូវកាន់តែធំ សម្រាប់បម្រើសេចក្តីត្រូវការរបស់មនុស្សជាតិនៅក្នុងតំបន់ ។
នាយកដ្ឋានជំរុញពាណិជ្ជកម្មអន្តរជាតិនៃក្រសួងពាណិជ្ជកម្មថៃបានកំពុងគូសបញ្ជាក់នូវការប្តេជ្ញាចិត្តនិងជោគជ័យក្នុងការរៀបចំពិព័រណ៍ពាណិជ្ជកម្មអំពីរបៀបរស់នៅដ៏ធំបំផុតរបស់អាស៊ី ដែលប្រព្រឹត្តទៅចាប់ពីថ្ងៃទី ១៧ដល់ថ្ងៃទី២១ តុលា ឆ្នាំ ២០១៩ នាមជ្ឈមណ្ឌលពាណិជ្ជកម្មនិងសន្និបាតអន្តរជាតិទីក្រុងបាងកកនៅលើទីលាន ដែលលាតសន្ធឹងលើផ្ទៃដីជាង ៤១.០០០ ម៉ែត្រក្រឡានិងមានស្តង់ចំនួន ១.៨០០ ដោយមានអ្នកចូលរួមប្រមាណ៥ម៉ឺននាក់មកពី៧ ប្រទេស។
នាយកដ្ឋានជំរុញពាណិជ្ជកម្មអន្តរជាតិបានអះអាងថា ក្នុងរយៈពេល៥ថ្ងៃនៃព្រឹត្តិការណ៍នេះ ការបញ្ជាទិញមានតម្លៃជាង២ពាន់លានបាតត្រូវបានកំណត់ឡើង ។ លោក សានសឺន សាម៉ាឡាប៉ា ( Sansern Samalapa)អនុរដ្ឋមន្ត្រីក្រសួងពាណិជ្ជកម្មដែលបានធ្វើជាអធិបតីក្នុងពិធី បើកនេះបានកត់សំគាល់ថាផលិតផលអំពីរបៀបរស់នៅគឺជាឧស្សាហកម្មសំខាន់បំផុតមួយ ក៏ដូចជាព្រឹត្តិការណ៍ដែលបង្ហាញនូវទំនិញដ៏មានសក្តានុពលខ្ពស់ ដែលផលិតចេញពីវត្ថុធាតុដើមមានគុណភាព និង ផលិតចេញពីការងារហត្ថកម្មជំនាញពោរពេញទៅដោយសមត្ថភាព។
លោកបានបន្តថា ទោះបីជាសេដ្ឋកិច្ចពិភពលោកកំពុងប្រឈមមុខនឹងបញ្ហាប្រឈមនិងការផ្លាស់ប្តូរជាច្រើនក៏ដោយក៏ឧស្សាហកម្មផលិតផលអំពីរបៀបរស់នៅថៃនៅតែរឹងមាំ ហើយបរិមាណនៃការនាំចេញរបស់វាវិញ គឺប្រមាណជាចំនួន៥ ភាគរយនៃការនាំចេញទាំងអស់ក្នុងឆ្នាំ២០១៨ ។
ចែករំលែកព័តមាននេះ