សហរដ្ឋអាមេរិក-កូរ៉េខាងជើង ៖ អ្នកទទួលខុសត្រូវជាន់ខ្ពស់ម្នាក់របស់កូរ៉េខាងជើង ដកស្រង់សម្ដីដោយទីភ្នាក់ងារព័ត៌មានផ្លូវការKCNAថ្លែងកាលពីថ្ងៃទី២៤តុលាថា មេដឹកនាំកូរ៉េខាងជើង លោកគីមជុងអ៊ុនចាត់ទុកថា ប្រធានាធិបតីអាមេរិកលោកដូណាល់ត្រាំនិងរូបលោកមានទំនាក់ទំនងពិសេសមួយ។
ទីប្រឹក្សាក្រសួងការបរទេសកូរ៉េខាងជើង លោកKIM KYE GWANថ្លែងទៅកាន់KCNAថា លោកបានជួបជាមួយមេដឹកនាំកាលពីប៉ុន្មានថ្ងៃមុននិងថា លោកគីមជុងអ៊ុនបានប្រាប់លោកថា ទំនាក់ទំនងរវាងលោកប្រធានាធិបតីត្រាំនិងរូបលោកជាទំនាក់ទំនងពិសេស។ កាលពីប៉ុន្មានថ្ងៃមុនលោកត្រាំក៏ធ្លាប់លើកពីរឿងលោកគីមជុងអ៊ុនដែរ ដោយលោកថាខ្ញុំស្រឡាញ់លោកគីមជុងអ៊ុនណាស់។ ខ្ញុំគោរពលោកហើយលោកក៏គោរពខ្ញុំវិញដែរ។
ពួកអ្នកវិភាគយល់ថាលោកគីមជុងអ៊ុននៅតែមានសង្ឃឹមជានិច្ចថា នឹងសម្រេចបានកិច្ច ព្រមព្រៀងមួយស្តីពីកម្មវិធីនុយក្លេអ៊ែររបស់កូរ៉េខាងជើង តាមរយៈការចរចាដោយផ្ទាល់ជាមួយលោកត្រាំ៕ (កែសម្រួលដោយ ៖ បុប្ផា)
ចែករំលែកព័តមាននេះ