ខេត្តកំពង់ធំ ៖ សេចក្តីរាយការណ៍ឱ្យដឹងថា បន្ទាប់ពីសមត្ថកិច្ចនគរបាលមន្ទីរប្រឆាំងគ្រឿងញៀន សហការជាមួយនគរបាលខេត្តកំពង់ធំ បើកកិច្ចប្រតិបត្តការបង្ក្រាប នឹងចាប់ខ្លួនមេខ្លោងជួញដូរគ្រឿងញៀនចំនួន៤នាក់ ដំបូងដកហូតថ្នាំញៀនបាន៤០គីឡូក្រាម កាលពីថ្ងៃទី២១ ខែតុលា…
ខេត្តកំពង់ធំ ៖ សេចក្តីរាយការណ៍ឱ្យដឹងថា បន្ទាប់ពីសមត្ថកិច្ចនគរបាលមន្ទីរប្រឆាំងគ្រឿងញៀន សហការជាមួយនគរបាលខេត្តកំពង់ធំ បើកកិច្ចប្រតិបត្តការបង្ក្រាប នឹងចាប់ខ្លួនមេខ្លោងជួញដូរគ្រឿងញៀនចំនួន៤នាក់ ដំបូងដកហូតថ្នាំញៀនបាន៤០គីឡូក្រាម កាលពីថ្ងៃទី២១ ខែតុលា ឆ្នាំ២០១៩ ។ សូមរំលឹកថា៖ ជាប្រវត្តិសាស្ត្រសម្រាប់ខេត្តកំពង់ធំ…បង្ក្រាបគ្រឿងញៀនដ៏ធំ
ជនសង្ស័យទាំង៤នាក់មាន១-ឈ្មោះ SAk SAESONG ភេទប្រុស អាយុ៣២ឆ្នាំ ជនជាតិថៃ ២-ឈ្មោះ សុខ ប៊ុនសិរិឆ័យ ភេទប្រុស អាយុ៤២ឆ្នាំ ជនជាតិខ្មែរ ៣-ឈ្មោះ លី តឹក ភេទប្រុស អាយុ៥៣ឆ្នាំ ជនជាតិខ្មែរ និង ៤-ឈ្មោះ គង់ វណ្ណៈ ភេទប្រុស អាយុ៤០ឆ្នាំ ជនជាតិខ្មែរ ។
លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀនបានឲ្យដឹងថា ដោយមានការចង្អុលបង្ហាញពីសំណាក់នាយឧត្តមសេនីយ៍ ម៉ក់ ជីតូ អគ្គស្នងការរង នគរបាលជាតិ ក្រោមកិច្ចសហការប្រតិបត្តការបង្ក្រាប នឹងចាប់ខ្លួនមេក្លោងជួញដូរគ្រឿងទាំង៤នាក់នោះ សមត្តកិច្ចជំនាញក៏បានសាកសួរយកចម្លើយជនសង្ស័យ ទើបនៅថ្ងៃទី ២៣ ខែតុលា ពួកក៏បានសារភាព នឹងបានចង្អុលបង្ហាញពីកន្លែងលាក់ទុកគ្រឿងញៀនចំនួន៥៣គីឡូក្រាមថែមទៀត ។
ការចុះទៅឆែកឆេរទីតាំងដែលពួកគេលាក់ទុកគ្រឿងញៀននោះ គឺត្រូវបានធ្វើឡើងនៅរសៀលថ្ងៃទី២៣ ខែតុលា ឆ្នាំ ២០១៩ ដោយមានការចូលរួមពីកម្លាំងនគរបាលស្រុកកំពង់ស្វាយ និងអាជ្ញាធរភូមិឃុំ ក្រោមការដឹកនាំលោក អ៊ិត សុធា ព្រះរាជអាជ្ញា និងស្នងការនគរបាលខេត្តកំពង់ធំ នៅចំណុចផ្ទះមួយខ្នង ស្ថិតនៅក្នុងភូមិសានគរ (ខ) ឃុំសានគរ ស្រុកកំពង់ស្វាយ ខេត្តកំពង់ធំ ត្រង់ចំនុចខាងកើតប្រឡាយទំនប់៣០កញ្ញា ដែលជនសង្ស័យបានលាក់ថ្នាំញៀន ប្រភេទបេតមហ្វេតាមីន (ម៉ាទឹកកក) នៅក្នុងផ្ទះធ្វើអំពើស័ង្កសី ។
ទិដ្ឋភាព នៃការឆែកឆេរ គឺត្រូវបាននាំជនសង្ស័យទាំង៤នាក់ មកចង្អុលបង្ហាញនូវវត្ថុតាង ក្រោយពីបើកសោរ សមត្ថកិច្ចជំនាញបានរកឃើញ វ៉ាលីក្រណាត់ចំនួន៣ មានពណ៌ក្រហម ពណ៌ខ្មៅ និងពណ៌ខៀវ ដែលបានលាក់ទុកនៅក្រោមគ្រែ សមត្ថកិច្ចបាននាំយកវ៉ាលីទាំង៣ មកឆែកបានប្រទះឃើញ ថ្នាំញៀនដែលមានការវេចខ្ចប់ដាក់សំបកកញ្ចប់តែ ដែលមានពណ៌ទឹកមាស មានរូបសញ្ញាផ្កាយចំនួន៥ ដើម្បីបំភាន់ភ្នែកមហាជនចំនួន៥៣ដុំ ស្មើ នឹង៥៣គីឡូក្រាម ។
សេចក្តីរាយការបន្តថា នៅព្រឹកថ្ងៃទី២៤ តុលា នេះ សមត្ថកិច្ចបានទទួលព័ត៌មានពីម្ចាស់ផ្ទះខាងលើ ចង្អុលបង្ហាញពីការលាក់ទុកគ្រឿងចំនួន៧គីឡូក្រាមនៅខាងក្រោយផ្ទះ នឹងត្រូវបានដកហូត ដូច្នោះ ករណីសមត្ថកិច្ចសហការបង្ក្រាប មេក្លោងជួញដូរគ្រឿងញៀននៅខេត្តកំពង់ធំនេះ សរុបដកហូតបានថ្នាំញៀនទាំងអស់១០០គីឡូក្រាម ៕
ចែករំលែកព័តមាននេះ