តាមប្រភពព័ត៌មាន Soccer Laduma កំពូលតារាឆ្នើមរបស់ក្លឹបសេះបង្កង់ Juventus កីឡាករ Cristiano Ronaldo ដែលធ្លាប់លេងនៅក្រោមអ្នកចាត់ការជោគជ័យជាច្រើនរូបនោះ ត្រូវបានគេរាយការណ៍ថា…
តាមប្រភពព័ត៌មាន Soccer Laduma កំពូលតារាឆ្នើមរបស់ក្លឹបសេះបង្កង់ Juventus កីឡាករ Cristiano Ronaldo ដែលធ្លាប់លេងនៅក្រោមអ្នកចាត់ការជោគជ័យជាច្រើនរូបនោះ ត្រូវបានគេរាយការណ៍ថា បានបង្ហាញពីអារម្មណ៍របស់គាត់ចំពោះគ្រូបង្វឹកថ្មីលោក Maurizio Sarri ។
ទោះបីជាក្លឹបទទួលបានជោគជ័យក្រោមការដឹកនាំរបស់អតីតគ្រូបង្វឹកលោក Massimiliano Allegri ក៏ដោយក៏ Juve ត្រូវបានគេរិះគន់ជាញឹកញាប់ចំពោះស្ទីលលេងរបស់ពួកគេ។ ចាប់តាំងពី លោក Sarri បានចូលមក Ronaldo អាយុ៣៤ឆ្នាំ ហាក់បីដូចជាមានការពេញចិត្តយ៉ាងខ្លាំង។
ម្ចាស់ពាន Ballon d’Or ៥ជំនាន់រូបនេះ បានថ្លែងប្រាប់នៅក្នុងសន្និសីទសារព័ត៌មានមួយថា៖ «ក្រុមរបស់យើងកំពុងធ្វើបានល្អប្រសើរ បើទោះបីជាយើងលេងតាមរបៀបរៀងៗខ្លួនក៏ដោយ។ ពេលនេះ ខ្ញុំមានសេរីភាពជាមុន ហើយខ្ញុំសប្បាយចិត្តណាស់។ ពួកយើងផ្លាស់ប្តូរគ្រូបង្វឹក ដើម្បីអភិវឌ្ឍឱ្យកាន់តែល្អ»។ ជើងខ្លាំងរបស់ក្រុមជម្រើសជាតិព័រទុយហ្កាល់រូបនេះបានបន្តថា៖«ខ្ញុំចូលចិត្តរបៀបដែលគាត់ចង់អោយយើងលេង។ យើងចង់ឈ្នះអ្វីៗទាំងអស់ បើទោះបីជាវាលំបាក ប៉ុន្តែយើងអាចសម្រេចបាន»។
គួរបញ្ជាក់ផងដែរថា Ronaldo រកបានគ្រាប់បាល់ជូនក្លិប ៥គ្រាប់ ក្នុងការប្រកួត៩ដង ក្រោមការដឹកនាំរបស់ លោក Sarri ក្នុងរដូវកាលនេះ៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ