បែកធ្លាយ Real Madrid លួចទាក់ទងអតីតគ្រូបង្វឹកមួយរូបត្រៀមជំនួស Zidane
តាមប្រភពព័ត៌មាន Soccer Laduma បានឱ្យដឹងថា ចំពេលដែលទម្រង់លេងមិនស្ថិតស្ថេររបស់ក្រុមក្រោមការដឹកនាំរបស់លោក Zinedine Zidane ក្លិបយក្សអេស្ប៉ាញ Real Madrid…
តាមប្រភពព័ត៌មាន Soccer Laduma បានឱ្យដឹងថា ចំពេលដែលទម្រង់លេងមិនស្ថិតស្ថេររបស់ក្រុមក្រោមការដឹកនាំរបស់លោក Zinedine Zidane ក្លិបយក្សអេស្ប៉ាញ Real Madrid…
តាមប្រភពព័ត៌មាន Soccer Laduma បានឱ្យដឹងថា ចំពេលដែលទម្រង់លេងមិនស្ថិតស្ថេររបស់ក្រុមក្រោមការដឹកនាំរបស់លោក Zinedine Zidane ក្លិបយក្សអេស្ប៉ាញ Real Madrid ត្រូវបានគេរាយការណ៍ថា បានទាក់ទងជាមួយអតីតអ្នកចាត់ការទូទៅក្រុមបិសាចក្រហម Manchester United លោក Jose Mourinho ។
យោងតាមសារព័ត៌មាន El Chiringuito បានឱ្យដឹងថា អ្នកឈ្នះពានរង្វាន់ UEFA Champoins League ១៣ សម័យកាល បានទៅទាក់ទងលោក Mourinho បន្ទាប់ពីក្រុមនេះចាញ់នៅចុងសប្តាហ៍។ ក្លិបអធិរាជស Real Madrid ត្រូវបានចាញ់ដោយក្រុមដែលទើបឡើងថ្មី Mallorca នៅយប់ថ្ងៃសៅរ៍ ដែលបានឃើញពួកគេធ្លាក់ពីចំណាត់ថ្នាក់លេខ ១ មកលេខ ២ នៅ LaLiga ។
គ្រូបង្វឹកបច្ចុប្បន្ន Real Madrid លោក Zidane អាយុ ៤៧ឆ្នាំ ហាក់បីដូចជាទាល់គំនិតគិតមិនចេញរកវីធីអ្វីល្អជាងនេះទៀតទេ ដោយបានចាប់ផ្តើមការប្រកួតដោយដាក់កីឡាករខ្លាំងៗដល់ទៅ៥នាក់ ដែលមានដូចជា James Rodriguez, Isco, Vinicius Junior, Luka Jovic និង Karim Benzema។
អនាគតរបស់គ្រូបង្វឹកជនជាតិបារាំងរូបនេះ កំពុងតែស្ថិតនៅក្នុងភាពមិនទៀងទាត់ ព្រោះតែគេបានរាយការណ៍មកថា នាយកក្លិបលោក Florentino Perez បានទៅទាក់ទងជាមួយនឹងលោក Mourinho ដែលធ្លាប់កាន់ក្លិបនៅចន្លោះឆ្នាំ២០១០ និង ២០១៣។
គួរបញ្ជាក់ផងដែរថា លោក Mourinho ក៏ធ្លាប់ត្រូវបានទាក់ទងដោយ Real មុនពេលលោក Zidane មកចូលកាន់តំណែងវិញក្នុងឆ្នាំនេះ ហើយក៏ធ្លាប់កាលពីលោកប្រុងឡើងធ្វើជាគ្រូបង្វឹកនៅ Manchester United នៅឆ្នាំ២០១៦ផងដែរ៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ