ខេត្ដកំពង់ស្ពឺ ៖ ប្រាក់ចំនួន៧០ដុល្លារ និង ១ម៉ឺនរៀលរបស់សប្បុរសជននៅឯនាយ សមុទ្រ ដែលបានផ្ដល់តាមរយៈកោះសន្ដិភាព នោះ ពេលនេះបានបញ្ជូនដល់យុវជនខ្វិន នៅ ភូមិបរបាយស្រា ក្នុងឃុំទំព័រមាស ស្រុក សំរោងទងហើយ កាលពីរសៀល ថ្ងៃទី៩ កុម្ភៈ កន្លងមកនេះ ។លោកម៉ា នីម អ្នកនៅស្និទ្ធនឹងយុវជន ឌឿន លន់ ដែលខ្វិនពីកំណើត ហើយកំព្រា គ្មានញាតិផៅ រួមទាំងស្ដ្រីចំណាស់ឈ្មោះភួង ដែលជាអ្នកចិញ្ចឹមបីបាច់បន្ដពីសពលោក យាយអ៊ីម អ៊ី ដែលជាជីដូននោះបានរៀបរាប់ប្រាប់កោះសន្ដិភាពថាដោយបានការជួយឧបត្ថម្ភជាប្រាក់ ជាស្រូវអង្ករពីសប្បុរសជន ដែលនៅទីជិតឆ្ងាយកន្លងមក បានធ្វើឱ្យមាន លំនឹងជីវភាពខ្លះៗសំរាប់យុវជនខ្វិនឌឿន លន់ បានរស់បន្ដទៀត ទោះបីជាមានភាព គ្រោតគ្រាតក្នុងជីវិតក៏ដោយចុះ ។
លោកម៉ា នីម អ្នកក្បែរខាង រួមទាំងស្ដ្រី ចំណាស់ឈ្មោះភួង ដែលជាអ្នកចិញ្ចឹមបីបាច់ យុវជនអភ័ព្វឌឿន លន់ នេះបាននិយាយថា ដោយសារតែមានការផ្សព្វផ្សាយតាមទំព័រ សារព័ត៌មានកោះសន្ដិភាព ទើបមានសប្បុរស ជនបានផ្ដល់អំណោយសំរាប់សង្គ្រោះយុវជនអភ័ព្វរូបនេះ ឱ្យមានសង្ឃឹមក្នុងជីវិតឡើង វិញ ។ គាត់បានបញ្ជាក់ថា កន្លងមក អ្នកភូមិ អ្នកក្បែរខាង ក៏បានជួយជាអង្ករ ជាម្ហូប ឧបត្ថម្ភជាបន្ដបន្ទាប់ ដល់យុវជនឌឿន លន់ ដែលប្រឹងត្រដររស់ទំរាំដល់ថ្ងៃស្លាប់នោះដែរ។ចំពោះប្រាក់ចំនួន៧០ដុល្លារ និង១ម៉ឺន រៀលជាអំណោយរបស់សប្បុរសជនរស់នៅសហរដ្ឋអាមេរិកនេះ គឺជាជំនួយដ៏ថ្លៃថ្លាបំផុតនៅមុនពេលបុណ្យចូលឆ្នាំចិនខាងមុខនេះ ។ ជំនួសមុខឱ្យយុវជនអភ័ព្វឌឿន លន់ លោក ម៉ា នីម និងអ្នកស្រីភួងបានជូនពរសព្ទសាធុ ការចំពោះម្ចាស់អំណោយដោយសូមឱ្យបាន ជួបប្រទះតែនឹងភាពរុងរឿង ប្រកបមុខរបរ មានភាពរីកចំរើន និងសុខសប្បាយជានិច្ច។
បច្ចុប្បន្នជីវិតឌឿន លន់ យុវជនខ្វិនពុំ អាចប្រកបការងារអ្វីបានទេ សូម្បីតែក្រោក ដើរក៏ក្រោកពុំរួចផង ពេលនេះគេកំពុងតែរង់ ចាំទទួលទឹកសន្សើមប្រោះព្រំដោយជំនួយពីសប្បុរសជនតែប៉ុណ្ណោះ ។ ប្រាក់អំណោយ នេះ កោះសន្ដិភាពទទួលបានពីលោកនុប ច័ន្ទ តារា សហការីកោះសន្ដិភាពប្រចាំក្រុងឡង ប៊ិច សហរដ្ឋអាមេរិក ដែលទទួលបានពីឧបា សិកាគឹម ច័ន្ទ ឧបត្ថម្ភ៥០ដុល្លារ កុមារីឈ្មោះ ផុន ច័ន្ទរតនាឧបត្ថម្ភ២០ដុល្លារនិងលោក លីង តាន់ និងលោកលីង តេង ជួយឧបត្ថម្ភ១ម៉ឺនរៀល។
ចែករំលែកព័តមាននេះ