សម រង្ស៊ី ត្រូវIPUលុបចេញបញ្ជី…អ្នកឡើងថ្លែងសុន្ទរកថា
- ភ្នំពេញ
រាជធានីភ្នំពេញ ៖ ទីបំផុត លោក សម រង្ស៊ី មេដឹកនាំក្រុមឧទ្ទាមក្រៅច្បាប់ ត្រូវបានសហភាពអន្តរសភា IPU សម្រេចលុបឈ្មោះចេញពីបញ្ជីអ្នកដែលត្រូវឡើងថ្លែងសុន្ទរកថា…
រាជធានីភ្នំពេញ ៖ ទីបំផុត លោក សម រង្ស៊ី មេដឹកនាំក្រុមឧទ្ទាមក្រៅច្បាប់ ត្រូវបានសហភាពអន្តរសភា IPU សម្រេចលុបឈ្មោះចេញពីបញ្ជីអ្នកដែលត្រូវឡើងថ្លែងសុន្ទរកថា…
រាជធានីភ្នំពេញ ៖ ទីបំផុត លោក សម រង្ស៊ី មេដឹកនាំក្រុមឧទ្ទាមក្រៅច្បាប់ ត្រូវបានសហភាពអន្តរសភា IPU សម្រេចលុបឈ្មោះចេញពីបញ្ជីអ្នកដែលត្រូវឡើងថ្លែងសុន្ទរកថា នៅមហាសន្និបាតលើកទី១៤១ ហើយ ។ ការលុបឈ្មោះចេញពីបញ្ជីនេះ តាមសំណើរបស់គណៈប្រតិភូសភាកម្ពុជា ដែលដឹកនាំដោយលោកជំទាវ ឃួន សុដារី អនុប្រធានទី២រដ្ឋសភា ។
យោងតាមបញ្ជីឈ្មោះដែលIPU សរសេររៀបរាប់ និងបាបសរសេរឈ្មោះរបស់លោក សម រង្ស៊ី ដោយដាក់ត្រឹមតែ R. Sam ត្រូវបានគេឃើញបញ្ចូលនៅក្នុងបញ្ជីអ្នកឡើងថ្លែងសុន្ទរកថា នៅលេខរៀងទី៦៤ ដែលជាលេខរៀងចុងក្រោយគេ មួយថ្ងៃមុនកិច្ចប្រជុំចាប់ផ្តើមជាផ្លូវការ ដោយលោកបានប្រើប្រាស់តួនាទីនៅក្នុងអង្គការមួយ ដើម្បីជ្រៀតចូលក្នុងមហាសន្និបាតលើកទី១៤១ នាទីក្រុងប៊ែលក្រាត សាធារណរដ្ឋស៊ែប៊ី ប៉ុន្តែបន្ទាប់ពីមានសំណើរបស់តំណាងគណៈប្រតិភូសភាពេញសិទ្ធិកម្ពុជា ដែលដឹកនាំដោយ លោកជំទាវ ឃួន សុដារី អនុប្រធានទី២ នៃរដ្ឋសភាកម្ពុជា ដែលបញ្ជាក់អំពីពិរុទ្ធភាពជននេះ ទើបឈ្មោះរបស់ លោក សម រង្ស៊ី (R. Sam) នេះ ត្រូវបានលុបចេញតាំងពីថ្ងៃទី១៤ តុលា ឆ្នាំ២០១៩ រហូតមកតែម្តង ។
លោកជំទាវ ឃួន សុដារី ដែលដឹកនាំគណៈប្រតិភូសភាកម្ពុជា ទៅចូលរួមមហាសន្និបាតខាងលើនេះ ត្រូវបានគេហទំព័រក្នុងស្រុកមួយស្រង់សំដីយ៉ាងដូច្នេះថា សំណើកម្ពុជាដើម្បីសុំដកឈ្មោះសម រង្ស៊ី ត្រូវបានសរសេរទៅកាន់ មេដឹកនាំ IPU ចំនួន៣រូប ដែលក្នុងនោះ ក៏មានលោកស្រី Gabriela Cuevas Barron ប្រធានសហភាពអន្តរសភា IPU និងលោកស្រី Maja Gojkovic ប្រធានរដ្ឋសភាស៊ែប៊ី និងប្រធានមហាសន្និបាត IPU លើកទី១៤១ ផងដែរ ។
ជាមួយតំណាងសភាកម្ពុជា លោកជំទាវ ឃួន សុដារី ក៏បានថ្លែងអំណរគុណចំពោះ ប្រធាន IPU ដែលបានយល់ព្រមតាមសំណើរបស់កម្ពុជា លុបឈ្មោះទណ្ឌិត សម រង្ស៊ី ចេញពីបញ្ជីឈ្មោះអ្នកដែលត្រូវឡើងថ្លែងសុន្ទរកថា នៅមហាសន្និបាតលើកទី១៤១ ដោយសារតែទណ្ឌិតនេះ ជាពិរុទ្ធជន ដែលតុលាការកំពុងតាមចាប់ខ្លួន ។ ចំណែកលោក ជា ច័ន្ទបរិបូណ៍ រដ្ឋលេខាធិការធិការក្រសួងព័ត៌មានបានលើកឡើងលើបណ្តាញសង្គមយ៉ាងដូច្នេះថា «សម រង្ស៊ី ត្រូវបាន IPUបណ្តេញចេញ» ។
សូមបញ្ជាក់ថា មហាសន្និបាតលើកទី១៤១ របស់សហភាពអន្តរសភា (IPU) បានរៀបចំឡើង នាទីក្រុងប៊ែលក្រាត សាធារណរដ្ឋស៊ែប៊ី ដោយចាប់ផ្តើមពីល្ងាចថ្ងៃទី១៣ តុលា ហើយបើកជាផ្លូវការ នៅថ្ងៃទី១៤ ខែតុលា ឆ្នាំ២០១៩ ដោយឱ្យតំណាងប្រទេសទាំងអស់ឡើងថ្លែងសុន្ទរកថា ។ សន្និបាតនេះ នឹងបញ្ចប់នៅថ្ងៃទី១៧ តុលា ឆ្នាំ២០១៩ ។ មហាសន្និបាតនេះ មានចូលរួមពីគណៈប្រតិភូសភាប្រទេសជាសមាជិក IPU ប្រមាណជាង១៧០០នាក់ មកពី១៤០ប្រទេស ក្នុងនោះមានប្រធានសភា ៧០រូប អនុប្រធាន៤០រូប តំណាងរាស្ត្រ៧០០នាក់ ជាស្ត្រី៣០% និងវ័យក្មេង១៧% ព្រមទាំងតំណាងស្ថាប័នសំខាន់ៗ មានអង្គការសហប្រជាជាតិ អង្គការអន្តរជាតិ និងដៃគូសង្គមស៊ីវិល មកពីបណ្តាប្រទេសពាសពេញពិភពលោកជាច្រើនទៀត ។
មហាសន្និបាតលើកទី១៤១ របស់សហភាពអន្តរសភា(IPU) ក្រោមមូលបទស្នូល«ការពង្រឹងច្បាប់អន្តរជាតិ៖ តួនាទី និងយន្តការសភា និងការចូលរួមចំណែកកិច្ចសហប្រតិបត្តិការក្នុងតំបន់» ។ សូមជម្រាបផងដែរថា គោលបំណងដ៏ចម្បងនៃសន្និបាតនេះ គឺផ្តោតជាសំខាន់ លើការលើកកម្ពស់ការគោរពច្បាប់អន្តរជាតិ ដើម្បីពង្រឹងសន្តិសុខ ស្ថិរភាព និងការអភិវឌ្ឍ ដែលនាពេលនោះ សមាជិកសភានឹងពិភាក្សាពីការវិវឌ្ឍន៍ចុងក្រោយ ដើម្បីលើកកម្ពស់សមភាពយេនឌ័រ ផ្តល់សិទ្ធិអំណាចដល់យុវជន ការពារសិទ្ធិមនុស្ស និងសម្រេចបាននូវការគ្របដណ្តប់សុខភាពជាសាកល ។
សហភាពអន្តរសភា(IPU) ជាអង្គការនីតិប្បញ្ញត្តិធំមួយ បង្កើតឡើងក្នុងឆ្នាំ១៨៨៩ ដែលមានសមាជិក ជាសភាមកពីរដ្ឋអធិបតេយ្យចំនួន១៧៩ ។ សភាកម្ពុជាចូលជាសមាជិក IPU ក្នុងខែមេសា ឆ្នាំ១៩៩៧ នៅសន្និសីទអន្តរសភាលើកទី៩៧ នាទីក្រុងសេអ៊ូល សាធារណរដ្ឋកូរ៉េ ។ IPU ជាអង្គការនយោបាយ ពហុភាគីដំបូងគេ នៅលើពិភពលោកដែលជំរុញកិច្ចសហប្រតិបត្តិការ និងកិច្ចសុន្ទនារវាងប្រជាជាតិទាំងអស់ ។
វាលើកកម្ពស់លទ្ធិប្រជាធិបតេយ្យ និងជួយសភាឱ្យកាន់តែរឹងមាំ មានតុល្យភាពយេនឌ័រ មានការចូលរួមពីសមាជិកសភា ដែលមានវ័យក្មេង និងមានលក្ខណៈចម្រុះ។ ពីរដងក្នុងមួយឆ្នាំ IPU កោះប្រជុំប្រតិភូសភា និងដៃគូជាង១.៥០០នាក់ នៅក្នុងសន្និបាតពិភព លោកដោយនាំមកនូវវិមាត្រសភាដល់អភិបាលកិច្ចពិភពលោក រួមទាំងការងាររបស់អង្គការសហប្រជាជាតិ និងការអនុវត្តរបៀបវារៈឆ្នាំ២០៣០ សម្រាប់ការអភិវឌ្ឍប្រកបដោយចីរភាព ។
ចែករំលែកព័តមាននេះ