រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីអគ្គិភ័យកំពុងឆេះឃ្លាំងមួយកន្លែង នៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ នាវេលាម៉ោង២និង៣០នាទីរសៀលថ្ងៃទី១៦ ខែតុលានេះ ដែលឆេះឃ្លាំងស្តុកគ្រឿងទេស…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីអគ្គិភ័យកំពុងឆេះឃ្លាំងមួយកន្លែង នៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ នាវេលាម៉ោង២និង៣០នាទីរសៀលថ្ងៃទី១៦ ខែតុលានេះ ដែលឆេះឃ្លាំងស្តុកគ្រឿងទេស ខណៈនោះដែរកម្លាំងសមត្ថកិច្ចកំពុងចេញអន្តរាគមន៍ជួយពន្លត់យ៉ាងរហ័សផងដែរ ។
សេចក្តីរាយការណ៍បានបន្តថា គ្រឿងទេសខាងលើនោះមានដូចជា ផ្តិល ឆ្នាំង កាធុន គ្រឿងសម្ភារផ្ទះបាយជាដើម ។ ដែលទីតាំងទាំងនោះមិនមែនជាកន្លែងផលិតទេ គឺជាកន្លែងស្តុកគ្រឿងទេស ។ តែខាងយើងមិនទាន់ដឹងថា ឆេះឃ្លាំងនេះ មកពីមូលហេតុអ្វីនៅឡើយទេ ។
ចំណែកអណ្តាតភ្លើងគិតមកត្រឹមវេលាម៉ោង៣រសៀលនេះ គឺគ្រប់គ្រងបាន៧០ភាគរយហើយ ភាគច្រើនមានផ្សែងច្រើនជាង ខណៈដែលរថយន្តពន្លត់អគ្គិភ័យបានមកជាច្រើនគ្រឿង ក្នុងនោះក៏មានសមត្ថកិច្ច អាជ្ញាធរកំពុងបាញ់ទឹកទប់ស្កាត់កុំឲ្យមានការឆាបឆេះរាលដាលបន្តផងដែរ ។ ព័ត៌មានលម្អិតនឹងមានផ្សាយជូនបន្តទៀត ៕ កែសម្រួលដោយ ៖ សុឃាក់
ចែករំលែកព័តមាននេះ