ប្រទេសកូរ៉េខាងជើង ៖ ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍នាថ្ងៃទី១៦ខែតុលា ឆ្នាំ២០១៩ ថា មេដឹកនាំកូរ៉េខាងជើងលោកគីម ជុងអ៊ុន បានជិះសេះសឡើងភ្នំPAEKTU ព្រមទាំងទៅកន្លែងដែលឪពុកលោកកើត ដោយលោកស្នើដល់ប្រជាជនលោកឲ្យបន្ត ការខិតខំប្រឹងប្រែងដើម្បីអភិវឌ្ឍន៍ ប្រឈមមុខនឹងបណ្ដាទណ្ឌកម្ម។
ក្នុងពេលចុះទៅត្រួតពិនិត្យបណ្ដាការដ្ឋានសាងសង់ក្នុងតំបន់SAMJIYON លោកគីមថ្លែងថា ការឈឺចាប់បង្កឡើងដោយបណ្ដាកម្លាំងប្រទូស្តរ៉ាយប្រឆាំងកូរ៉េខាងជើងនាំមុខដោយសហរដ្ឋអាមេរិក មិនគ្រាន់តែបណ្ដាលឲ្យមានការឈឺចាប់ តែក៏ប្រែក្លាយទៅជាកំហឹងផងដែរ។
តំបន់SAMJIYON ស្ថិតនៅជិតភ្ន្នំំPAEKTUក្បែរព្រំដែនចិន-កូរ៉េខាងជើង ជាកន្លែងកំណើតរបស់លោកគីមជុងអីុលបិតាលោកគីមជុងអ៊ុន។ លោកគីមជុងអ៊ុនតែងទៅកាន់កន្លែងទាំង២នោះជាញឹកញាប់មុនពេលប្រកាសពីបណ្ដាព្រឹត្តិការណ៍សំខាន់ៗ។
យោងតាមKCNAថា លោកគីមជុងអ៊ុនបានឡើងភ្នំ PAEKTU ដោយជិះសេះសមួយក្បាល ក្រោមការធ្លាក់ព្រិលលើកដំបូង។ បណ្ដាមន្ត្រីជាន់ខ្ពស់កូរ៉េខាងជើងក្នុងនោះមានលោកស្រីKIM YO JONGប្អូនស្រីមេដឹកនាំកូរ៉េខាងជើង បានអមដំណើរលោកក្នុងឱកាសនៃការទៅកាន់តំបន់SAMJIYON។
ទស្សនកិច្ចលើកមុនរបស់លោកគីមជុងអ៊ុននៅភ្នំPAEKTUនោះគឺកាលពីខែធ្នូឆ្នាំ២០១៧ មុនបរិយាកាសនៃការខិតចូលជិតគ្នាអន្តរកូរ៉េឆ្នាំ២០១៨។ លោកក៏មកកាន់ទីនោះដែរកាលពីខែវិច្ឆិកាឆ្នាំ២០១៤ មុនបញ្ចប់ដំណាក់នៃការកាន់មរណៈទុក្ខ៣ឆ្នាំចំពោះបិតាលោក។ រួចកាលពីខែកុម្ភៈឆ្នាំ២០១៣លោកក៏ឡើងមកកាន់កំពូលភ្នំនេះដែរ មុនការប្រហារជីវិតឪពុកមាលោកគឺលោកJANG SONG THAEK៕ (កែសម្រួលដោយ ៖ បុប្ផា)
ចែករំលែកព័តមាននេះ