រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា យុវជនជាកម្មករចិញ្ចឹមត្រីម្នាក់ត្រូវម៉ាស៊ីនកូរចំណីត្រីវាយបោកជាប់.ក បណ្តាលឱ្យស្លាប់បាត់បង់ជីវីតនៅពេលបញ្ជូន ទៅកាន់មណ្ឌលសុខភាពព្រែកព្នៅ ខណៈពេលកំពុងតែធ្វើការ ហើយធ្លាក់ចូលក្នុងម៉ាស៊ីនបង្កឱ្យមានការភ្ញាក់ផ្អើលកាលពីម៉ោង១២និង១០នាទីថ្ងៃត្រង់ ថ្ងៃទី១៥ ខែតុលា…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា យុវជនជាកម្មករចិញ្ចឹមត្រីម្នាក់ត្រូវម៉ាស៊ីនកូរចំណីត្រីវាយបោកជាប់.ក បណ្តាលឱ្យស្លាប់បាត់បង់ជីវីតនៅពេលបញ្ជូន ទៅកាន់មណ្ឌលសុខភាពព្រែកព្នៅ ខណៈពេលកំពុងតែធ្វើការ ហើយធ្លាក់ចូលក្នុងម៉ាស៊ីនបង្កឱ្យមានការភ្ញាក់ផ្អើលកាលពីម៉ោង១២និង១០នាទីថ្ងៃត្រង់ ថ្ងៃទី១៥ ខែតុលា ឆ្នាំ២០១៩នៅចំណុចស្រះត្រីមួយកន្លែង ស្ថិតក្នុងភូមិឡកំបោរ សង្កាត់ស្វាយប៉ាក ខណ្ឌឬស្សីកែវ។
បើតាមសមត្ថកិច្ចបានឲ្យដឹងថា ជនរងគ្រោះខាងលើឈ្មោះ ម៉ៅ ម៉េង ភេទប្រុស អាយុ២០ឆ្នាំ មុខរបរកម្មករចិញ្ចឹមត្រី ស្នាក់នៅកន្លែងកើតហេតុ និងមានស្រុកកំណើតនៅភូមិព្រែកស្រមោច ឃុំកំពង់ឃ្លាំង ស្រុកសូទ្រនិគម ខេត្តសៀមរាប ។
បើតាមកម្មករដូចគ្នាបានឱ្យដឹងថា នៅមុនពេលកើតហេតុ ជនរងគ្រោះ រូមទាំងកម្មករ២នាក់ទៀតបានរៀបចំបង្កាត់ភ្លើង ដើម្បីលាយកន្ទក់ធ្វើជាចំណីត្រី ខណៈនោះក៏បានបញ្ឆេះម៉ាស៊ីន ដើម្បីកូរចំណីត្រីផងដែរ ។
កម្មករដដែលឱ្យដឹងទៀតថា នៅពេលចំណីត្រីប្រាឆ្អិនហើយ កម្មករ២នាក់បានជញ្ជូនយកទៅដាក់នៅមាត់ស្រះ ដោយឡែកជនរងគ្រោះកំពុងតែនៅក្នុងរោងម៉ាស៊ីន ។ ខណៈនោះមិនដឹងថា មូលហេតុអ្វីនោះទេ ស្រាប់តែជនរងគ្រោះបានធ្លាក់ចូលទៅក្នុងម៉ាស៊ីន ហើយត្រូវបានម៉ាស៊ីនកូរបោកកៀបជាប់.កតែម្តង ។
ប្រភពដដែលឱ្យដឹងទៀតថា ភ្លាមៗនោះ ជនរងគ្រោះត្រូវបានកម្មករដូចគ្នាមកឃើញ ក៏បានពន្លត់ម៉ាស៊ីន ហើយហៅថៅកែបញ្ជូនទៅកាន់មណ្ឌលសុខភាពព្រែកព្នៅ តែត្រូវគ្រូពេទ្យនិយាយថា ជនរងគ្រោះបានស្លាប់បាត់ទៅហើយ ។
បើតាមនគរបាលបានឱ្យដឹងថា ពាក់ព័ន្ធករណីខាងលើនេះសង្ស័យថា កម្មកររូបនោះបានយកប៉ែលមកឈូសចំណីត្រីដែលនៅជាប់មាត់ម៉ាស៊ីនកូរចំណីត្រីនោះ ហើយត្រូវម៉ាស៊ីនកូរ បោកធ្លាក់ចូលក្នុងម៉ាស៊ីន រួចកៀបជាប់.ក បណ្តាលឱ្យស្លាប់តែម្តង ។ លុះនៅរសៀលថ្ងៃនោះផងដែរ សមត្ថកិច្ចក៏បានចុះទៅពិនិត្យកន្លែងកើតហេតុផងដែរ ចំណែកសពជនរងគ្រោះត្រូវបានក្រុមគ្រួរសារនាំយកទៅស្រុកកំណើត ដើម្បីធ្វើបុណ្យតាមប្រពៃណី។ (កែសម្រួលដោយ ៖ បុប្ផា)
ចែករំលែកព័តមាននេះ