នរណាក៏អាចគិតឃើញគំនិតបើកអាជីវកម្មមួយដែរ ប៉ុន្តែគំនិតដែលមានភាពខុសប្លែក និងគួរឲ្យទាក់ទាញមិនមាននរណាងាយគិតឃើញទេ ។ ហើយប្រាកដណាស់ ក្នុងទីផ្សារដ៏តូចចង្អៀត អ្នកត្រូវតែផ្តល់នូវអ្វីដែលមានភាពប្លែកដើម្បីអាចឈានមុខដៃគូប្រកួតប្រជែងដទៃបាន ។ ប្រសិនបើអ្នកគិតថាខ្លួនមិនទាន់មានភាពច្នៃប្រឌិតគ្រប់គ្រាន់តែនោះ អ្នកអាចអានពីអាជីវកម្មខាងក្រោមដើម្បីយកវាជាកត្តាបំផុសគំនិតបាន…
នរណាក៏អាចគិតឃើញគំនិតបើកអាជីវកម្មមួយដែរ ប៉ុន្តែគំនិតដែលមានភាពខុសប្លែក និងគួរឲ្យទាក់ទាញមិនមាននរណាងាយគិតឃើញទេ ។ ហើយប្រាកដណាស់ ក្នុងទីផ្សារដ៏តូចចង្អៀត អ្នកត្រូវតែផ្តល់នូវអ្វីដែលមានភាពប្លែកដើម្បីអាចឈានមុខដៃគូប្រកួតប្រជែងដទៃបាន ។ ប្រសិនបើអ្នកគិតថាខ្លួនមិនទាន់មានភាពច្នៃប្រឌិតគ្រប់គ្រាន់តែនោះ អ្នកអាចអានពីអាជីវកម្មខាងក្រោមដើម្បីយកវាជាកត្តាបំផុសគំនិតបាន ។
១. ការលក់គ្រឿងអលង្ការជជុះ៖
ក្រុមហ៊ុន I Do Now I Don’t បានចាប់ផ្តើមបន្ទាប់ពីស្ថាបនិកជួបរឿងដ៏ជូរចត់ក្នុងជីវិត គឺការបរាជ័យក្នុងការភ្ជាប់ពាក្យ ដែលធ្វើឲ្យលោកព្យាយាមលក់ចិញ្ជៀនតម្លៃ ១០,០០០ ដុល្លារដែលបានទិញឲ្យគូដណ្តឹងវិញ ប៉ុន្តែលោកទទួលថវិកាមកវិញបានតែ ៣,៥០០ ដុល្លារប៉ុណ្ណោះ ។ បទពិសោធន៍នេះបានជំរុញឲ្យលោកបង្កើតគេហទំព័រមួយដែលលក់គ្រឿងអលង្ការដែលត្រូវបានប្រើរួចក្នុងតម្លៃខ្ពស់ជាងទីផ្សារ និងលក់ទៅវិញក្នុងតម្លៃទាបជាងហាងលក់គ្រឿងអលង្ការដទៃផងដែរ ។
២. ការជួលបង្គន់ចល័ត៖
ក្រុមហ៊ុន ElizaJ ជាក្រុមហ៊ុនដែលជួលបង្គន់ដែលមានគុណភាព និងអនាម័យខ្ពស់ឲ្យអ្នករៀបចំកម្មវិធីនៅក្រៅផ្ទះដែលខ្វះបន្ទប់ទឹកសម្រាប់ភ្ញៀវរបស់ខ្លួន ។ បន្ទប់ទឹកចល័តទាំងនេះមិនមែនមានតែបន្ទប់ និងបង្គន់មួយទេ តែមានការតុបតែងដោយផ្កា សាប៊ូក្រអូបៗ ឡេលាបដៃ ក្រដាសទន់ៗ និងកន្លែងលាងដៃថែមទៀតផង ។
៣. អ្នកសម្អាតក្រោយការជប់លៀង៖
មិនមាននរណាម្នាក់មានកម្លាំង ឬអារម្មណ៍សម្អាតផ្ទះបន្ទាប់ពីការជប់លៀងពេញមួយយប់ទេ ។ ដោយហេតុដូចនេះ ក្រុមហ៊ុន Hangover Helpes ត្រូវបានបង្កើតឡើងដើម្បីជួយដោះស្រាយបញ្ហានេះ និងថែមទាំងចម្អិនអាហារឲ្យអ្នកទៀតផងដើម្បីឲ្យអ្នកក្រោយឡើងដោយអារម្មណ៍ល្អ ។
៤. អ្នកផ្គត់ផ្គង់សម្ភារៈសម្រាប់ការធ្វើដំណើរ៖
អ្នកដែលជួបប្រទះបញ្ហាត្រូវធ្វើដំណើរ ប៉ុន្តែជួបការលំបាកក្នុងការរៀបចំឥវ៉ាន់ជាពិសេសរបស់ដែលមានទំហំធំពេកទេ? Minimus គឺជាគេហទំព័រមួយដែលលក់ផលិតផលប្រើប្រាស់ប្រចាំថ្ងៃក្នុងចំនួននិងទំហំតូចដែលផ្តល់ភាពងាយស្រួលដល់អ្នកក្នុងការរៀបចំឥវ៉ាន់ដើម្បីធ្វើដំណើរ ៕ កែសម្រួលដោយ ៖ សុឃាក់
ចែករំលែកព័តមាននេះ