រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហា ផ្ទៃបានឲ្យដឹងថា រយៈពេលជិត២ឆ្នាំកន្លងមកនេះសមត្ថកិច្ចបានចាប់ខ្លួនអ្នកពាក់ព័ន្ធនឹងបទ ល្មើសគ្រឿងញៀនបានប្រមាណជិត១ម៉ឺននាក់ ។ ការប្រកាសរបស់សម្តេច ស ខេង ខណៈអាជ្ញាធរជាតិប្រយុទ្ធប្រឆាំងគ្រឿងបានកំពុងដុតដៃដុតជើងធ្វើការបង្ក្រាបបទល្មើសគ្រឿងញៀនបានជាបន្តបន្ទាប់ ក្នុងនោះក៏មានជនបរទេសផងដែរ ។
ថ្លែងក្នុងពិធីបុណ្យអ៊ុំទូក បណ្តែតប្រទីប នៅខេត្តបាត់ដំបង កាលពីរសៀលថ្ងៃទី១៣ ខែតុលានេះ សម្តេចស ខេង បានអះអាងថា បញ្ហាដែលត្រូវយកចិត្តទុកដាក់បន្ថែមទៀត គឺការប្រយុទ្ធប្រឆាំងគ្រឿងញៀន ។ សម្តេចបញ្ជាក់ថា «ដែលបញ្ហានេះបានធ្វើច្រើនដោយបានបើកយុទ្ធនាការបង្ក្រាបជនល្មើស និងបង្កក់ទ្រព្យសម្បត្តិអុ្នកដែលប្រព្រឹត្តិបទល្មើសគ្រឿងញៀន និងបានធ្វើការឃាត់ខ្លួនអ្នកពាក់ព័ន្ធនឹងគ្រឿងញៀនជាបន្តបន្ទាប់ ប្រមាណជិត១ម៉ឺននាក់ នៅទូទាំងប្រទេសកម្ពុជាក្នុងរយៈពេលជិត២ឆ្នាំនេះ» ។
សម្តេចក៏បានលើកឡើងថា បញ្ហាគ្រឿងនេះយើងឃើញថា មានសញ្ញាធ្វើចរាចរណ៍គ្រឿងញៀនមកដល់ទីជនបទមួយចំនួន ។ អីញ្ចឹងហើយខ្ញុំបងប្អូនប្រជាពលរដ្ឋមេត្តាចូលរួមជាមួយសមត្ថកិច្ចព្រោះថា សមត្ថកិច្ចមិនអាចគ្រប់គ្រងបានគាំទ្រប្រសិន បើគ្មានបើគ្មានការគាំទ្រ និងចូលរួមពីប្រជាពលរដ្ឋ ។ សម្តេចបានបន្តថា ក្នុងនាមប្រធានការងារប្រយុទ្ធប្រឆាំងគ្រឿងញៀន និងអាជ្ញាធរជាតិប្រយុទ្ធប្រឆាំងគ្រឿងញៀនយើងបានឯកភាពគ្នាដាក់ចេញពាក្យស្លោកថា «៣កុំ និង១រាយការណ៍» ។ សម្តេចបានពន្យល់យ៉ាងដូច្នេះថា កុំទី១. កុំជួញដូរគ្រឿងញៀន កុំចែកចាយ កុំធ្វើខ្នងបង្អែក កុំឃុំឃិត និងកុំប្រើប្រាស់គ្រឿងញៀន ។ បើនិយាយឲ្យខ្លី គឺកុំរកស៊ីគ្រឿងញៀន កុំឃុបឃិតរកស៊ីគ្រឿងញៀន ហើយកុំប្រើប្រាស់គ្រឿងញៀន ។
កុំទី២. កុំអន្តរាគមន៍ (បើអ្នករកស៊ីគ្រឿងញៀនជាបងប្អូនសាច់ញាត្តិ មត្តិភក្តិ មិនដូវអន្តរាគមន៍ទេ គឺត្រូវទុកសមត្ថកិច្ចចាត់ការតាមច្បាប់ជាធរមាន ព្រោះថា បើធ្វើបែបនេះ និងធ្វើឲ្យប៉ះពាល់ដល់ទឹកចិត្តនៃការយុទ្ធនាការប្រយុទ្ធ ប្រឆាំងគ្រឿងញៀន និងប៉ះពាល់យុត្តិធម៌ក្នុងការប្រយុទ្ធប្រឆាំងគ្រឿងញៀន ។ កុំទី៣.កុំប៉ះពាល់ មានន័យថា ទាំងសមត្ថកិច្ចក្តី តុលាការក្តី មិនត្រូវបន្ធូរបន្ថយ ឬលើកលែងនោះទេ ។ ចំណែក១រាយការណ៍វិញ គឺត្រូវរាយការណ៍ទៅសមត្ថកិច្ចអំពីកន្លែង លាក់ទុកគ្រឿងញៀន កន្លែងកែច្នែផលិតគ្រឿងញៀន…។ សម្តេចក៏បានស្នើដល់អាជ្ញាធរមានសមត្ថកិច្ចធ្វើការបោះពុម្ភផ្សាយដល់ប្រជាពលរដ្ឋឲ្យបានយល់ពីពាក្យស្លោកខាងលើឲ្យបានល្អដើម្បីរួមគ្នាទប់ស្កាត់បញ្ហាគ្រឿងញៀន និងដើម្បីសុវត្ថិភាពសង្គមសុខភាពទាំងអស់គ្នា ។
ជាមួយគ្នានោះដែរសម្តេច ស ខេង ក៏បានលើកឡើងពីបញ្ហាគ្រោះថ្នាក់ចរាចរណ៍ឲ្យដឹងថាបញ្ហាចរាចរណ៍កត្តាដោយអ្នកប្រើប្រាស់ផ្លូវ ដូច្នេះអ្វីដែលកើតគ្រោះថ្នាក់នោះដោយកត្តាមនុស្សភាគច្រើន ៕ កែសម្រួលដោយ ៖ សុឃាក់
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ