កំហុសទាំងឡាយកើតមកអំពីមានះនេះឯងជាដើមចម អ្នកណាមានមានះ ជននោះជាអ្នកខុស ព្រោះថា មានះគឺការរឹងត្អឹងលើកតម្កើងខ្លួនឯង ហើយមាក់ងាយមើលស្រាលអ្នកដទៃថាមិនដល់ខ្លួន ហើយប្រព្រឹត្តធ្វើអ្វីៗតាមតែអំណាចនៃចិត្តរបស់ខ្លួន ។
តាមពិតទៅមនុស្សយើងដែលមានគំនិតវាយតម្លៃខ្ពស់ទាបនោះ គឺផ្តើមចេញពីមានះនេះឯង តែបើមិនមានមានះទេ លើលោកនេះក៏មិនមានការប្រកាន់ថា អ្នកនេះប្រសើរ អ្នកនេះថោកទាបដែរ ។ បើនិយាយឱ្យមែនទែនទៅមនុស្សយើងឥតមានអ្នកខ្ពង់ខ្ពស់ ហើយក៏ឥតមានអ្នកថោកទាបទេ គឺសុទ្ធតែជាធាតុ ដី ទឹក ភ្លើង ខ្យល់ ចិត្ត ចេតសិកតែប៉ុណ្ណោះ ខ្លួនប្រាណយើងនេះគឺបែបនេះដូចគ្នា ។
ចុះហេតុអ្វីបានជា មនុស្សយើងមានការលើកតម្កើងខ្លួនឯង ហើយមាក់ងាយអ្នកដទៃ ? គឺមកពីមនុស្សយើង ឲ្យតម្លៃគ្នាទៅតាមអំណាចនៃកិលេសរបស់ខ្លួនដែលមានមានះជាមេនោះឯង ។ (ដោយសាន សារិន)
ចែករំលែកព័តមាននេះ